“Zulfiya” nomidagi davlat mukofoti sovrindorlari aniqlanmoqda

“Zulfiya” nomidagi Davlat mukofoti tanlovining viloyat bosqichi Yangiyoʻl tumanida tashkil etildi. Ochilish marosimida Oʻzbekiston xalq shoiri, senator Mahmud Toir, viloyat hokimining oʻrinbosari – Oila va xotin-qizlar boshqarmasi boshligʻi N.Normirzayeva hamda tuman hokimi O.Ataullayevlar ishtirok etdi.

Tadbirda isteʼdodli qizlarni tanlash va ularning iqtidorini roʻyobga chiqarishda, ijodkor, sanʼatsevar, olima, shoira, sportchi qizlar safini kengayib borishida mazkur tanlov muhim oʻrin tutayotgani qayd etildi. Tanlovning 22 ta shahar-tuman bosqichida ishtirok etgan 408 nafar iqtidorli qizlar orasidan 105 nafari viloyat bosqichiga yetib kelgani maʼlum qilindi.

Ishtirokchilarning ijodiy ishlari, siyosiy-ijtimoiy bilimlari, isteʼdodini bir necha yoʻnalishlarda tanlov komissiyasi aʼzolari tomonidan sinovdan oʻtkazildi.

Belgilangan tartibga koʻra, yakunda saralangan nomzodlar Respublika bosqichiga yoʻl oladi.

https://t.iss.one/normirzayeva_nilufar