#Хотин_қизлар_бўлими_фаолиятидан

Маърифатпарвар аёлларнинг ибратли ҳаёти

Низомий номидаги Тошкент давлат педагогика университетининг анжуманлар залида Чилонзор тумани Хотин-қизлар бўлими ҳамда университетнинг Хотин-қизлар маслаҳат кенгаши ҳамкорлигида "Маърифатпарвар аёлларнинг ибратли ҳаёти" мавзусида маърифий тадбир бўлиб ўтди.

Тадбирда Низомий номидаги Тошкент давлат педагогика университети проректорлари Б.Aбдуллаева ва Ф.Мадраҳимова, Мактабгача таълим факультети декани М.Ҳамдамова, Чилонзор туман "Гавҳар" МФЙ фаоли, фолклёр ансамбли раҳбари М.Ҳамроева, 2-катта Чилонзор МФЙ "Оқила аёл" ҳаракати аъзоси, "Маърифатли аёл" ўқув маркази раҳбари Р.Ҳалиловаларнинг ибратли ҳаёт йўллари ва жамиятда эришган ютуқлари ҳақида гапирилди.

Талаба қизларга қимматли маслаҳат ва тавсиялар берилди. Тадбир давомида маърифатпарвар аёлларнинг ибратли ҳаёт йўли ҳақидаги видеороликлар намойиш этилди. Ижодкор талабаларнинг бадиий чиқишлари барчага хуш кайфият улашди. Туман ҳокимияти томонидан иштирокчиларга эсдалик совғалар тақдим этилди.

🔵@chilonzor_tuman_hokimligi