#Куз_таровати
#Тадбир

Ҳар фаслнинг ўз хислати бор,
Ҳар фаслнинг ўз фазилати,
Кумуш қишдан, зумрад баҳордан
Қолишмайди кузнинг зийнати

Халқимизнинг севимли шоири Ҳамид Олимжон қаламига мансуб ушбу сатрларда олтин кузнинг гўзал таърифи тараннум этилган. Ҳа, жаннатмонанд диёримизда куз ҳам ўзига хос, такрорланмас гўзалликларни бизга тақдим қилади.

Ҳар кузда мактаб ўқувчилари ва мактабгача таълим ташкилотлари тарбияланувчилари томонидан “Олтин куз”, “Ҳосил байрами” каби маънавий-маърифий тадбирлар ўтказиши анъанага айланган.

Худди шундай қизиқарли тадбирлар туманимизнинг 201-сонли умумтаълим мактабида ҳам ўзига хос завқу-шавқ билан ўтказилди.

Тадбир жараёнида ўқувчилар куз неъматларини намойиш қилишди, мева ва сабзавотлардан ажойиб шакллар ясаб ўз маҳоратларини кўрсатишди. Шунингдек, куз фасли, шириндан шакар мевалару сабзавотлар ҳақида турли туман шеърлар ижро этиб, қўшиқлар куйлашди.

Тадбир давомида турли танловлар ҳам ўтказилиб, танлов ғолиблари тақдирланди.

👉👉👉 Бундай қизиқарли тадбирлар тумандаги бошқа мактаблар ва МТТларида ҳам ўтказиб келинмоқда.

🔵@Сhilonzor_tuman_hokimligi