#Давлат_герби_қабул_қилинган_кун
Давлат герби-мустаҳкам давлатчилигимиз рамзи

"Ўзбекистон Республикаси Давлат герби тўғрисида"ги қонун 1992 йил 2 июлда Ўзбекистон Республикаси Олий Кенгашининг Х сессиясида қабул қилинган.

Ўзбекистон Республикасининг Давлат герби гуллаган водий узра чарақлаб турган қуёш тасвиридан ҳамда сўл томонида буғдой бошоқлари, ўнг томонида очилган пахта чаноқлари суърати туширилган чамбардан иборат.
Гербнинг юқори қисмида республика жипслигининг рамзи сифатида саккиз қиррали юлдуз тасвирланган: саккиз қирра ичида жойлашган ярим ой ва юлдуз мусулмонларнинг қутлуғ рамзидир.

Гербнинг марказида ҳиммат, олижаноблик ва фидойилик тимсоли бўлган афсонавий Ҳумо қуши қанотларини ёзиб турибди. Ушбу рамз ва тимсоллар халқимизнинг тинчлик, яхшилик, бахт-саодат, фаровонлик йўлидаги орзу-умидларини ифодалайди. Гербнинг пастки қисмида республика Давлат байроғини ифода этувчи чамбар лентасининг бандига “Ўзбекистон” деб ёзиб қўйилган.

Бугун Давлат гербимиз қабул қилинганлигига 29 йил тўлди. Шу муносабат билан барча юртдошларимизни бу айём билан қутлаймиз. Буюк аждодларимиздан бизга мерос қолган Она заминимиздаги мустаҳкам давлатчилигимизнинг жаҳон узра ҳурмати ва обрўси янада ошаверсин!
Тинч, осойишта диёримизда халқимиз турмуши фаровонлашиб, ёрқин келажагимизга ишонч янада ортаверсин!
Чилонзор тумани ҳокимлиги
Матбуот хизмати