#Ал_Хоразмий_майдони_Математиклар_боғига_айлантирилади

Чилонзор туманидаги Ал Хоразмий майдони анчадан бери таъмирталаб аҳволда турганди. Бу майдонга 1984 йилда, яъни бундан деярли 38 йил олдин бобокалонимиз буюк математик олим Ал Хоразмийнинг ҳайкали ўрнатилган ва майдон бевосита шу ном билан аталган. Йиллар ўтиши билан ҳайкал таъмирталаб бўлиб қолгани учун олиб ташланган ва масъул идоралар томонидан янги ҳайкал ясатишга буюртма берилган. Лекин анча йиллардан бери бу йўналишдаги ишлар тўхтаб қолганлиги сабабли майдон ҳанузгача таъмирланмаган эди.

Бугун айни шу майдонни таъмирлаш ишлари бошланиши муносабати билан Чилонзор тумани ҳокими, “Юксалиш” умуммиллий ҳаракати пойтахт ҳокимлиги ҳузуридаги жамоатчилик кенгаши раҳбари Дилшод Шоумаров ва бошқа масъуллар иштирокида шу манзилнинг ўзида йиғилиш бўлиб ўтди.

Йиғилишда Тошкент шаҳридаги Ал-Хоразмий майдонини реконструкция қилиш ишчи лойиҳаси ва смета ҳужжатлари экспертизадан ўтказилганлиги, қурилиш учун ишлатиладиган маблағлар манбалари аниқлиги айтиб ўтилди ва қурилиш ишларини тез кунларда бошлаш масалалари муҳокама этилди.

Гувоҳи бўлганингиздек, туманимизда бошланиши режалаштирилаётган бунёдкорлик ишлари биз сўнгги пайтларда кўп учратаётганимиз тижорат мақсадида эмас, балки буюк алломанинг бутунжаҳон меросини ҳамда математика фанини оммалаштириш, аҳоли маънавий ҳордиқ чиқариши, шахмат ва шашка спорт турини ривожлантириш маркази сифатида қурилмоқда.

“Биз кенг кўламли демократик ўзгаришлар, жумладан, таълим ислоҳотлари орқали Ўзбекистонда янги Уйғониш даври, яъни Учинчи Ренессанс пойдеворини яратишни ўзимизга асосий мақсад қилиб белгиладик,-дея таъкидлайди давлатимиз раҳбари. Албатта, Чилонзор тумани Ал Хоразмий майдонида қурилаётган “Математиклар боғи” ҳам айнан шу ғоя ва мақсадларга хизмат қилади.

👉👉👉Лавҳамизда тадбир жараёнлари