#Адлия_хабари

Сенат томонидан “Хусусий бандлик агентликлари тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”ги Қонун маъқулланди.

📋 Қонун билан чет элда иш қидираётган шахсларни ишга жойлаштириш бўйича кўрсатилган хизматлар учун тўловларни иш қидираётган шахслардан эмас, балки иш берувчилардан ундириш белгиланмоқда.

❗️ Шунингдек, хусусий бандлик агентлиги мансабдор шахсларига нисбатан Қонун талабларини бузганлик учун жавобгарлик ҳам назарда тутилган.

▫️ Маъқулланган Қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.iss.one/huquqiyaxborot

#Адлия_хабари

“Аҳоли бандлиги тўғрисида”ги Қонун кучга кирди

🗓 Қонунга кўра, ишсизлик нафақаси 12 ойлик давр ичида кўпи билан 26 ҳафта давомида тўланади.

🔰 Ишсизлик нафақаси миқдори қуйидагича оширилади:

➖ ишдан ва иш ҳақидан (меҳнат даромадидан) сўнгги 12 ойлик давр ичида маҳрум бўлган шахсларга – аввалги иш жойидаги ўртача ойлик иш ҳақининг 50 фоизи миқдорида, лекин меҳнатга ҳақ тўлашнинг энг кам миқдори (МҲЭКМ – 679 330 сўм)дан оз бўлмаган миқдорда;

➖ ишдан ва иш ҳақидан (меҳнат даромадидан) маҳрум бўлган ҳамда узоқ (1 йилдан ортиқ) танаффусдан кейин меҳнат фаолиятини қайта бошлашга ҳаракат қилаётган шахсларга – МҲЭКМнинг 1 баравари миқдорида;

➖ илгари ишламаган, биринчи марта иш қидираётган шахсларга – МҲЭКМнинг камида 75 фоизи миқдорида.

Каналга уланиш👇👇👇
https://t.iss.one/huquqiyaxborot

#Адлия_хабари

Сенатнинг навбатдаги ялпи мажлисида “Ўзбекистон Республикасининг айрим қонун ҳужжатларига аҳолининг санитария-эпидемиологик осойишталигини таъминлашга қаратилган ўзгартишлар ва қўшимча киритиш тўғрисида”ги Қонун маъқулланди

🔰 Қонунда қуйидагилар назарда тутилмоқда:

➖ “Фуқаролар соғлиғини сақлаш тўғрисида”ги Қонуннинг 28-моддасида карантинли ва инсон учун хавфли бўлган бошқа юқумли касалликлар тарқалиши хавфи мавжуд бўлган тақдирда Бош давлат санитария врачининг қарори асосида аҳолини профилактик эмлашдан ўтказиш жорий этилиши мумкинлиги тўғрисида аниқ норма киритилмоқда;

➖Меҳнат кодексининг 113-моддасида ходим юқумли касалликлар тарқалиши хавфи мавжуд бўлган тақдирда жорий этиладиган профилактик эмлашдан ўтишни рад этган тақдирда (соғлиғининг ҳолатига кўра қарши кўрсатма мавжуд бўлмаганда) иш берувчи уни ишга қўймасликка ҳақли эканлиги назарда тутилмоқда.

❕Мазкур Қонун Ўзбекистон Республикаси Президенти томонидан имзоланиб, белгиланган тартибда эълон қилингач кучга киради.

Каналга уланиш👇👇👇
https://t.iss.one/huquqiyaxborot

#Адлия_хабари

Адлия вазирлиги томонидан Президент ҳужжатларининг ўз вақтида, тўлиқ ва сифатли ижро этилишига эришиш, уларнинг ижро этилмаётганлиги ҳолати бўйича тезкор мурожаат йўллаш имконини яратиш ҳамда вазирликка берилган ваколатлар доирасида чоралар кўриб бориш мақсадида @ijronazorati_bot телеграм боти ишга туширилди.

Сизнинг фаровон ҳаёт кечиришингиз учун қабул қилинган Президент ҳужжатлари бажарилмаётганлиги ҳолатларига бефарқ бўлманг ва ўзингиз дуч келган шундай ҳолатлар бўйича ушбу бот орқали мурожаат йўлланг. Бу билан сиз ҳужжатларнинг амалда ижро этилишига ҳисса қўшган бўласиз.

Каналга уланиш👇👇👇
https://t.iss.one/huquqiyaxborot

#Адлия_хабари

Умуммиллий Конституция имтиҳони ўтказилади

🇺🇿 Адлия вазирлиги Конституциявий суд билан хамкорликда фуқароларнинг Конституция ҳақидаги билимларини синовдан ўтказиш мақсадида умуммиллий Конституция имтиҳони ўтказилади.

☑️ Имтиҳонда 15 ёшга тўлган ва ундан катта барча фуқаролар қатнашиши мумкин.

🔄 Имтиҳонда иштирок этиш ихтиёрий, бепул ва барча учун очиқ.

📌 Имтиҳон шартлари билан бу ерда батафсил танишинг.

Имтиҳонда қатнашиб билимингизни синовдан ўтказинг ва ғолиб бўлиб пул мукофотларини қўлга киритинг!

Каналга уланиш👇👇👇
https://t.iss.one/huquqiyaxborot

#Адлия_хабари

Хотин-қизлар ҳуқуқлари бўйича аудио подкаст ташкил этилади

🔰Адлия вазирлигининг “Хотин-қизлар ҳуқуқлари бўйича долзарб икки ой” лойиҳаси доирасида аудио подкаст ташкил этилади.

🎙Суҳбат спикери: Бош прокурор ўринбосари Артикова Светлана Баймирзаевна.

⏰ Овозли чат бугун соат 19:00да Huquqiy axborot телеграм каналида бошланади.

📥 Саволларингизни тўғридан-тўғри онлайн мулоқот вақтида беришингиз мумкин.

Каналга уланиш👇👇👇
https://t.iss.one/huquqiyaxborot

#Адлия_хабари

Адлия вазирлиги томонидан жорий йил 15 майдан 15 июнга қадар “Қоидаларга йўл ҳам бўйсунади” шиори остида йўл ҳаракати хавфсизлиги бўйича ҳуқуқий саводхонлик ойлиги эълон қилинади.

🔰Ойлик доирасида:

🔹Йўл ҳаракати иштирокчилари ҳуқуқлари ОАВ ва ижтимоий тармоқларда кенг ёритилади;
🔹kurslar.huquqiyportal.uz платформасида йўл ҳаракати қоидалари бўйича бепул онлайн ўқув курслари ташкил этилади;
🔹“Ҳуқуқий ахборот минбари” рукни остида мутахассислар иштирокида жонли эфирлар ташкил қилинади;
🔹Радиоэфирларда совринли ҳуқуқий викториналар ўтказилади;
🔹“Бир қадам” номи остида ижтимоий видеороликлар танлови эълон қилинади;
🔹“Streеt law” лойиҳаси доирасида мактаб ўқувчиларида амалий кўникмалар шакллантирилади;
🔹Йўловчиларга йўл ҳаракатларини содда тушунтириш мақсадида сайёр қабуллар учун “Huquqiy taxi” хизмати йўлга қўйилади;
🔹Соҳага доир бошқа тадбирлар ташкил этилади.

Каналга уланиш👇👇👇
https://t.iss.one/huquqiyaxborot

#Адлия_хабари

❗️“Меҳнат ҳуқуқи” бўйича умуммиллий имтиҳон ўтказилади

⚖️ Адлия вазирлиги томонидан ўтказилаётган “Меҳнат ҳуқуқларимизни ўрганамиз” ҳуқуқий акцияси доирасида “Меҳнат ҳуқуқи” бўйича умуммиллий имтиҳон ташкил этилади.

📝 Имтиҳонда қатнашиш учун 8-dekabr.adliya.uz сайтида рўйхатдан ўтилади (2023 йил 21–24 июль).

❕Имтиҳонда Адлия вазирлиги тизимида фаолият юритувчи шахслардан ташқари барча фуқаролар иштирок этиши мумкин.

☑️ Танлов тест синови шаклида ташкил этилиб, 25 июль куни соат 09:00 дан 15:00 гача онлайн тарзда – 8-dekabr.adliya.uz сайтида бўлиб ўтади.

📌 Тест синови 20 та тест саволи ва 1 та ижодий саволдан иборат.

➡️ Тест саволларига энг қисқа муддатда тўғри жавоб берган иштирокчилар орасидан 10 нафари танлаб олиниб, уларнинг ижодий саволга жавоблари баҳоланади.

✅ Баҳолаш натижасига кўра, энг юқори балл тўплаган 3 нафар иштирокчи ғолиб деб эълон қилинади.

🎁 Ғолиблар диплом ва эсдалик совғалар билан тақдирланади.

Каналга уланиш👇👇👇
https://t.iss.one/huquqiyaxborot

#Адлия_хабари

Ўзбек ва хорижий тилларда “Янги Ўзбекистон Конституцияси” ягона миллий портали ўз фаолиятини бошлади.

Мазкур портал орқали қонунчиликни янги таҳрирдаги Конституцияга мувофиқлаштириш ҳамда уни амалга оширишда юзага келаётган муаммоларни бартараф этиш бўйича таклифлар қабул қилинади.

Шунга кўра, фуқаролар конституциядаги ҳар бир модда бўйича таклифларини қолдириши мумкин.

Жараёнда таклифларингиз билан фаол иштирок этинг ва қонунчилик мустаҳкамланишида ўз ҳиссангизни қўшинг.

Каналга уланиш 👇👇👇
https://t.iss.one/huquqiyaxborot

#Адлия_хабари

❗️Тўлов-контракт миқдорлари оширилмайди

✅ 2023/2024 ўқув йили учун барча босқичдаги талабаларнинг тўлов-контракт асосида ўқитиш қиймати миқдори давлат олий таълим муассасалари, жумладан, молиявий мустақиллик берилган ОТМларда ҳам базавий тўлов-контракт қиймати 2022/2023-ўқув йили учун белгиланган миқдорларда сақлаб қолинади.

➡️ Шунингдек, 2023/2024 ўқув йили табақалаштирилган тўлов-контракт миқдорлари ўтган ўқув йили учун белгиланган миқдорларда ўзгаришсиз қолади.

☑️ 2023/2024 ўқув йили қабулида тўплаган баллари тасдиқланган қабул параметрлари чегарасига етмаган, лекин табақалаштирилган тўлов-контракт асосида таҳсил олиш истагини билдирган абитуриентларга, истисно тарақасида янги ўқув йили бошланишидан шартномалар расмийлаштиришга, шунингдек бир йиллик ўқитиш қийматининг 50 фоизини тўлаганларни талабалар сафига қабул қилишга рухсат берилди.

📌 Тасдиқланган табақалаштирилган тўлов-контракт қийматини 2023 йил 15 октябргача тўлиқ тўлаган абитуриентлар учун 10 фоиз миқдорида чегирма берилади.

Олий таълим, фан ва инновациялар вазирлиги

Каналга уланиш👇👇👇
https://t.iss.one/huquqiyaxborot

#Адлия_хабари

❗️Олий маълумотга эга шахсларни юридик мутахассисликка қайта тайёрлаш курсларига қабул бошланди

📝 Курсларда ўқиш учун барча олий маълумотли шахслар ҳужжат топшириши мумкин.

➡️ Ҳужжатлар 2023 йил 3-31 октябрь кунлари qabul.centertsul.uz сайти орқали фақат электрон равишда қабул қилинади.

📁 Бунинг учун талабгорлар қуйидаги ҳужжатларни тақдим этиши керак:

➖фуқаролик паспорти;
➖олий маълумот тўғрисидаги диплом ва унинг иловаси;
➖3.5x4.5 ўлчамдаги рангли фотосурат.

❕Қабул квотаси 100 нафарни (ўзбек тилида) ташкил этади.

💰Тўлов-контракт миқдори – 14 500 000 сўм.

⚠️ Эслатиб ўтамиз, курсни тугатиб, диплом олган шахслар давлат органлари ва бошқа ташкилотларнинг юридик хизмати ва фуқаролик ҳолати далолатномаларини ёзиш органларида ишлаш ҳуқуқига эга бўлади.

🔘 Мурожаат учун телефонлар: (71) 236-28-55 (1018); (71) 233-66-36 (1018); (90) 930-70-74; (99) 937-04-33; (95) 988-01-50; (98) 125-73-92.

Каналга уланиш👇👇👇
https://t.iss.one/huquqiyaxborot

#Адлия_хабари

Адлия вазирлиги томонидан Ўзбекистон Республикасининг янги таҳрирдаги Конституцияси мазмун-моҳиятини тушунтиришга қаратилган видеороликлар тайёрланиб, вазирликнинг youtube ижтимоий тармоғидаги расмий саҳифасига жойлаштирилди.

Шунингдек, фойдаланувчиларга қулайлик яратиш мақсадида Конституциянинг аудио шакли ҳам тайёрланиб, yurkitob.uz махсус электрон кутубхонага жойлаштирилган.

Видеороликлар билан батафсил ушбу ҳавола орқали танишишингиз мумкин.

Каналга уланиш👇👇👇
https://t.iss.one/huquqiyaxborot

#Адлия_хабари

🔰 Ўзбекистон Республикаси Конституциясининг 31 йиллигига бағишланган байрам тадбири бугун соат 20:00 да “Ўзбекистон” ҳамда “Ўзбекистон 24” телеканаллари орқали эфирга узатилади.

Каналга уланиш👇👇👇
https://t.iss.one/huquqiyaxborot

#Адлия_хабари

✳️ Тошкент шаҳрида ҳар ой бир кун давомида "Автомобилсиз кун" жамоатчилик лойиҳаси ўтказилади.

📌 Бунда шахсий автомобиллар ҳаракатланиши чекланиб жамоат транспортидан фойдаланиш тарғиб қилинади.

Каналга уланиш👇👇👇
https://t.iss.one/huquqiyaxborot