#Яшил_макон_Чилонзорда

Чилонзор туманида маҳалла фуқаролар йиғинлари “Яшил макон” умуммиллий лойиҳаси доирасида долзарб 40 кунлик бўйича 2022- йил куз мавсумида 11 мингтадан зиёд дарахт кўчатлари ўтқазишни режалаштирган. Ҳозирда маҳаллаларда айни шу дастур доирасида ишлар қизғин давом этмоқда.

Жумладан, МФЙ масъулларининг берган маълумотига кўра, долзарб 40 кунлик бошлангандан буён:

🌿“Дўмбиробод” МФЙ - 265 та;

🌿“Лутфий” МФЙ - 240 та;

🌿“2-Қатортол” МФЙ - 205 та;

🌿“1-Чарх Камолон” МФЙ – 180 та;

🌿“Кичик Хирмонтепа” МФЙ – 175 та;

🌿“Ботирма” МФЙ - 150 та;

🌿“Меҳржон” МФЙ - 146 та;

🌿“Ал Хоразмий” МФЙ - 129 та;

🌿“Фидокор” МФЙ - 114 та;

🌿“Бўрижар” МФЙ 111 та;

🌿“Хирмонтепа” МФЙ 49 та;

🌿“Зарқўрғон” МФЙ 30 та мевали ва манзарали дарахт кўчатлари маҳаллалар ҳудудларига экилган.

👉👉👉Туманимизнинг бошқа маҳаллаларида ҳам “Яшил макон” умуммиллий лойиҳасининг долзарб 40 кунлиги юзасидан ишлар қизғин олиб борилмоқда. Бу ҳақда кейинги хабарларимизда таништириб борамиз.

🔵@chilonzor_tuman_hokimligi

CHILONZOR TUMANI DAVLAT SOLIQ INSPEKSIYАSI BOSHLIG‘INING HISOBOTI VA TADBIRKORLARGA MUROJAATI

Yurtboshimiz joriy yilning 16-mart kuni Davlat soliq qo‘mitasiga tashrifi chog‘ida sohani takomillashtirish, xususan soliq tizimini raqamlashtirish, soliq to‘lovchilarga xizmat ko‘rsatish sifati va ko‘lamini oshirish, shuningdek, “Soliqchi – ko‘makchi” tamoyili asosida tadbirkorlar bilan bevosita muloqotga kirishib, ularning muammolarini o‘rganish va soliq qonunchiligidagi o‘zgarishlarni tushuntirish yuzasidan bir qator topshiriqlar bergandi.

Mazkur topshiriqlarning ijrosini ta’minlash, tadbirkorlarni soliq sohasidagi o‘zgarish va yangiliklar bilan tanishtirish maqsadida 28-29 mart kunlari Davlat soliq qo‘mitasi rahbariyati boshchiligida joylarda tadbirkorlar bilan uchrashuvlar o‘tkazildi.

Davlat soliq qo‘mitasi raisning o‘rinbosari ishtirokida Chilonzor tumanida o‘tkazilgan uchrashuvda tumanimizda faoliyat yuritayotgan tadbirkorlar ishtirok etishdi.

Tuman davlat soliq inspeksiyasi tomonidan 2022 yilning 10-oyligi davomida amalga oshirilgan ayrim ma’lumotlarga e’tiboringizni qaratsak. Davlat soliq inspeksiyasi mutaxassislari tomonidan tumanda jami 43 marotaba tadbirkorlar bilan bevosita muloqotlar o‘tkazildi. Uchrashuvlarda qariyb 1130 nafar tadbirkorlik sub’ektlariga soliq qonunchiligiga kiritilgan o‘zgartish va qo‘shimchalar, yangiliklar, avtomatlashtirilgan axborot tizimlari haqida batafsil ma’lumot berildi.

Ayni paytda tumanida 6702 taga yaqin tadbirkorlik sub’ektlari faoliyat ko‘rsatadi. Yil boshidan buyon “Soliqchi-ko‘makchi” tamoyili asosida tumanimizdagi 4683 ta korxonaning 1745 ta muammolari o‘rganilib, mazkur muammolarning 1515 tadan ortig‘i bevosita soliq xodimlari ko‘magida hal etildi.

Chilonzor tuman davlat soliq xizmati organlari xodimlari tomonidan tadbirkorlik sub’ektlari bilan olib borilgan tushuntirish ishlari natijasida 3157 ta korxonadagi 6875 nafar norasmiy ishlovchi fuqarolar faoliyati qonuniylashtirildi.

Agar sohalar kesimida ko‘rib chiqadigan bo‘lsak, savdo va umumiy ovqatlanish korxonarlarida 693 nafar, ishlab chiqarish va xizmat ko‘rsatish korxonalarida 6877 nafar, qurilish korxonalarida 68 nafar fuqarolarning faoliyati rasmiylashtirildi va byudjetga 845,1 million so‘m qo‘shimcha mablag‘ yo‘naltirildi.

Aytish kerakki, keyingi yillarda mamlakatimizda aholi va biznes uchun qulayliklarni oshirish, soliq munosabatlarida inson omilini kamaytirish maqsadida soliq ma’muriyatchiligi tubdan isloh qilinmoqda.

Xususan, 2020 yilda yangi tahrirdagi O‘zbekiston Respublikasi Soliq kodeksi qabul qilindi. Soliq turlari 13 tadan 9 taga kamaytirildi. Mol-mulk solig‘i esa 2 foizdan 1,5 foizga tushdi. Aylanmadan olinadigan solig‘i stavkasi o‘tgan yilgi foizda saqlab qolindi. Natijada, Chilonzorlik tadbirkorlarning ham islohotlarga ishonchi ortib, soliq tushumlari shaxarda 1,5 baravar ko‘paygan bo‘lsa, Aylanmadan olinadigan solig‘i to‘lovchilar soni 1652 dan 2178 taga еtdi.

Joriy yilning 10 – oyligida “Soliq hamkor” dasturi orqali tuman hududida faoliyat yuritayotgan tadbirkorlik sub’ektlari bilan bog‘liq soliq huquqbuzarliklari to‘g‘risida jami 8039 ta murojaat kelib tushgan bo‘lib, murojaatlar yuzasidan 3766 ta sayyor soliq tekshiruvlari o‘tkazildi. 2022-yilning 10-oyligida tushgan ushbu murojaatlarning 3766 tasi o‘z tasdig‘ini topdi.

O‘tgan 10 oy mobaynida 21 ta korxonalarga еr solig‘i, 15 ta korxonaga mol-mulk solig‘i, 7 ta korxonaga ijtimoiy soliq, 11 ta korxonaga aylanmadan olinadigan soliq, 6 ta korxonaga suv resurslaridan foydalanganlik uchun soliq to‘lovlaridan imtiyozlar qo‘llanildi.

Hurmatli tadbirkorlar!

Chilonzor tumani Davlat soliq inspeksiyasi xodimlari “Soliqchi - ko‘makchi” tamoyili asosida Sizlarga yaqindan yordam berishga doimo tayyordirlar. Bizga murojaat qiling barcha savollaringizga javob berishga va bilmaganlaringizni o‘rgatishga astoydil ko‘maklashamiz.

Akmalxon Raximov
Chilonzor tumani Davlat soliq inspeksiyasi boshlig‘i

#Тақдирлаш

Хабарингиз бор, куни кеча Чилонзор тумани “Кўтарма” маҳалласи ҳудудида кўп қаватли уй қурилиши ишларининг бошланиши аҳоли эътирозларига сабаб бўлиб, масъуллар томонидан қурилиш ишлари тўхтатилди.

Мазкур манзилда тадбиркор ҳудудни ўраб олиш ишларини бошлаган вақтида “Кўтарма” маҳалласида фаолият олиб борувчи Чилонзор тумани ИИО ФМБ 1-сон бўлими профилактика катта инспектори капитан Қудабаев Азимжон Якубжанович вазиятга тўғри баҳо берган ҳолда жараённи ўз вақтида тўхтатиб қолди.

Маҳалла нозирининг бу ҳаракатлари туман ҳокимлиги, аҳоли ҳамда ижтимоий тармоқ фойдаланувчиларининг эътирофига сазовор бўлди.

Шу сабабли бугун Чилонзор тумани ҳокими С.Холхўжаев ва сектор раҳбарлари томонидан ушбу ходимнинг ўз касбига садоқатли меҳнати учун миннатдорчилик билдирилди ва муносиб тақдирланди.

Шу ўринда, туманимизда жамоат хавфсизлиги, аҳоли осойишталигини таъминлаш, тинчлик ва барқарорликни мустаҳкамлашга муносиб ҳиссасини қўшаётган, жиноятчиликка қарши курашиш, фуқароларнинг ҳуқуқ ва эркинликлари, қонуний манфаатларини ҳимоя қилиш йўлидаги ибратли фаолияти, шарафли бурчини бажаришда мардлик ва жасорат намунасини кўрсатаётган барча ходимларга ўз миннатдорчилигимизни билдириб қоламиз.

🔵@chilonzor_tuman_hokimligi

#Йиғилиш
Туман ҳокимлигида болалар нафақаси ва моддий ёрдам масалалари бўйича ишчи гуруҳ тузилди

Чилонзор тумани ҳокимлигида Ўзбекистон Республикаси Вазирлар Маҳкамасининг 2022 йил 31 октябрдаги 02/1-1162-сонли топшириғи ижроси бўйича туманда кам таъминланган оилаларга болалар нафақаси ва моддий ёрдам масалалари бўйича Ишчи гуруҳини тузиш юзасидан йиғилиш ўтказилди.

Йиғилишда дастлаб туманда айни соҳада олиб борилаётган ишлар таҳлил қилинди. Мутасадди ва масъулларга бу борада амалга оширилиши керак бўлган ишлар тўғрисида тўлиқ ва батафсил тушунтиришлар берилди. Шундан сўнг, туман ҳокимининг биринчи ўрибосари раҳбарлигида туман ҳокимининг ижтимоий масалалари бўйича ўрибосари, туман Пенсия бўлими, Аҳоли бандлигига кўмаклашиш маркази, ДСИ, туман Адлия бўлими, ФҲДЁ бўлимлари масъуллари, тегишли ҳудуд бўйича МФЙ раислари ва ҳоким ёрдамчиларидан иборат Ишчи гуруҳ тузилди.

Мазкур Ишчи гуруҳнинг вазифаси болалар нафақаси ва моддий ёрдам масалалари бўйича маҳаллабай тушунтиришлар ўтказиш ҳамда бу борада мавжуд бўлган муаммоларни ҳал қилишдан иборат.

🔵@chilonzor_tuman_hokimligi