«Маҳаллада дув-дув гап: Маҳаллалар деворидаги расмлар»: расмлар учун манзиллар

Лойиҳа бошланиши вақтида эълон қилинганидек, биринчи босқичда биз расмлар учун манзиллар бўйича таклифларни тўпладик. Жами 38 та таклиф келиб тушган бўлиб, улардан 10 таси шаҳримизнинг тоннел ва ерости ўтиш йўлларини ташкил қилади. Расмлар учун манзилларни илова қилинган файлда кўришингиз мумкин.

Иккинчи босқич бошланмоқда. 25 мартгача жойлаштириш манзилини кўрсатган ҳолда эскизларни ва расмни яратишга кетадиган молиявий ҳаражатлар сметасини Telegram орқали @poytaxt_uz_support манзилига юборишингизни сўраймиз.

📍 Локациялар рўйхати билан танишиш.

🎥 YouTube 🌏 Telegram 🌐 Web-site

🏗 Кўп қаватли турар жой биноларининг ярим ертўла қисмида яшаш хонадонлари қурилади

АОКАда Қурилиш вазирининг биринчи ўринбосари Даврон Адилов, вазир ўринбосари Насрулло Бабаев, Қурилиш соҳасида назорат инспекцияси бошлиғи ўринбосари Алижон Соатов иштирокида ўтказилган матбуот анжуманида аҳолини ипотека кредитлари орқали уй-жой билан таъминлаш ва «Янги Ўзбекистон» массивларини қуриш бўйича Президент фармонлари ижроси юзасидан маълумот тақдим этилди.

Фармон билан 29 та массив рўйхати тасдиқланган. Бунинг учун 1015 гектар ер майдони ажратилган.

Қурилиш ишларида кўп қаватли уйлар, ижтимоий соҳа, бозор инфратузилмаси ва муҳандислик объектларини жойлаштириш бўйича бош режа лойиҳалари ҳам ишлаб чиқилди. Дастур доирасида 21 312 та хонадонли 619 та уй, 18 та мактаб, 24 та боғча, 15 та оилавий поликлиника қуриш режалаштирилган.

📌 Батафсил

Telegram | Facebook | Instagram | Медиабанк

#Бандлик

“София ширинликлар уйи” чилонзорликлар учун бўш иш ўринлари тақдим қилди

🎂 Айни шу бренд остида савдога чиқарилаётган ширинликларни деярли барчамиз яхши биламиз. Кенг тармоқларга эга бўлган ишлаб чиқарувчилар учун чаққон ва ораста, тартибли ва муомаласи ҳам маҳсулотлари каби ширин бўлган ишчи ходимлар доимо зарур.

🍰🍩Яқинда Чилонзор тумани ДСИ ва Аҳоли бандлигига кўмаклашиш маркази раҳбарияти “София ширинликлар уйи” мутасаддилари билан келишувга эришиб, туманда иш излаётган 40дан ортиқ фуқароларни бевосита корхонанинг бошқарув офисига олиб борди. Бу ерда мавжуд бўлган бўш иш ўринларига ишга жойлашиш учун 35 та фуқаро суҳбатдан ўтди ва уларни ишга жойлаштириш бўйича расмийлаштириш ишлари бошлаб юборилди.


👉👉👉Лавҳамизда тадбир жараёнлари

#МТМда_баҳор_байрами

Туманимиздаги 429-сонли МТТда баҳор байрами ўзига хос тарзда қизиқарли ва завқли ўтказилди.

Лавҳамизда беғубор жажжиларнинг байрам дастури номойиши жараёнлари

👉🏻Каналга уланиш:
@Chilonzor_tuman_hokimligi

"Менимча" телелойиҳасининг навбатдаги сонида таҳлил қилинадиган мавзулар:
- Шавкат Мирзиёев 8 март – Халқаро хотин-қизлар кунига бағишланган байрам тадбирида аёлларни самимий табриклаб, уларга юксак эҳтиромини билдирди;
- Давлат раҳбари раислигида ўтган видеоселектор йиғилишида инвестициялар ва экспортни кўпайтириш, озиқ-овқат бозорини тўлдириш вазифалари кўриб чиқилди;
- Президент cаноат кооперацияси ва маҳаллийлаштиришни янада кенгайтириш масалаларига бағишланган видеоселектор йиғилиши ўтказди;
- “Cotton Campaign” халқаро коалицияси Ўзбекистон пахтасига бойкотни бекор қилди.

Кўрсатувни бугун, 12 март куни соат 20:20 да "O'zbekiston 24" телеканалида томоша қилишингиз мумкин.

Эртага, 13 март куни соат 12:20 ва 17:20 да ҳам такроран намойиш этилади.

#Ёшлар_етакчилари_фаолиятидан
#Мактаб_маъмурияти_билан_ҳамкорликда

“Заковот” билимдонлар беллашуви ғолиби “Билимдон”лар жамоаси бўлди

Ёшларнинг турли соҳалар бўйича билимини ошириш орқали уларнинг дунёқарашини кенгайтириш бугунги кунда энг долзарб вазифаларимиздан бирига айланган. Бу борада ўқувчи ёшлар орасида ўтказилаётган “Заковот” интеллектуал ўйинлари муҳим ўрин тутади.

Куни кеча туманимизнинг 281-сонли умумтаълим мактабида таълим муассасаси Маънавият ва маърифат ишлари бўйича ўринбосари Д.Мирзаҳмедова ҳамда “Ал Хоразмий” ва “Шараф” маҳаллалари Ёшлар етакчилари томонидан ташкил этилган билимдонлар беллашуви ҳам айни шу мақсадга хизмат қилади.

“Заковот” беллашувида 3 та жамоа, яъни “Билимдонлар”, “Ал Фаробий” ва “Ўзбекистон ёшлари” жамоалари илм ва зукколик бўйича куч синашди. Қизғин ва шиддатли давом этган билимлар “жанги”да ғолибликни, яъни биринчи ўринни “Билимдонлар” жамоаси забт этди. Иккинчи ўринни “Ал Фаробий” жамоаси олди. Учинчи ўрин “Ўзбекистон ёшлари” жамоасига берилди.

Чилонзор тумани ҳокимлиги номидан ёшларнинг ителлектуал салоҳиётини оширишга хизмат қиладиган шундай қизиқарли тадбирларни ташкил қилаётгани учун ҳар иккала маҳалла Ёшлар етакчиларига ва мактаб маъмуриятига миннатдорчилик билдирамиз.

👉🏻Каналга уланиш:
@Chilonzor_tuman_hokimligi