#Муҳим_хабар

⚡️ Лутфий кўчасидаги 29 та кўп йиллик “Шумтол” дарахти қуриб қолганлиги сабабли кесиб олинади

Ҳамшаҳарларимиз яхши биладики Чилонзор туманидаги Лутфий кўчаси энг серқатнов кўчалардан бири. Кўчада Афруз тўйхонаси яна кўплаб савдо ва хизмат кўрсатиш объектлари жойлашган ҳамда бу ердан ўтган автойўлда ҳам ҳар доим автоуловлар оқими узлуксиз бўлади.

Айни шу манзилда автойўллар ўртасидаги майдончада бир неча йиллар олдин экилган кўп йиллик дарахтлар анча йиллардан бери қуриб қолганлиги ҳам кўпчиликка маълум. Шу ўринда айтиш жоизки, жорий йилнинг май ойида ҳам ёғингарчилик ва шамол туфайли айни шу кўчадаги қуриган дарахтлардан бири қулаб тушиши натижасида йўл ёпилиб қолиб, аҳолига ва йўловчиларга анча ноқулайлик келтириб чиқарган. Яхшиямки, дарахт қулаш пайтида йўлда транспорт ёки одамлар бўлмаган.

Биз сўз юритаётган кўчадаги бошқа қуриган дарахтлар ҳам худди шундай йўловчилар ҳаёти ва моддий бойлиги бўлган транспорти зарарланиши хавфини туғдиради. Шу боис, “Лутфий” маҳалласи аҳолиси томонидан туман Ободонлаштириш бошқармасига қуриган ва йўловчилар ҳаёти учун хавфли бўлган дарахтларни кесиб олиб ташлаш ва ўрнига бошқа ўсимликлар экиш бўйича мурожаатлар қилинган эди.

Шу мурожаатлар асосида Ўзбекистон Республикаси Вазирлар Маҳкамасининг “Махсус электрон тизим орқали рухсат этиш хусусиятиги эга айрим ҳужжатларини бериш тартиб-тамоиллари тўғрисидаги ягона Низомни тасдиқлаш ҳақида” 2022-йил 22-феврал 86-сон қарори билан тасдиқланган Низомнинг 1-иловасига мувофиқ “Лицензия” ахборот тизими портали орқали электрон тарзда Тошкент шаҳар Экология бошқармасига 2023-йил 8-сентябрда 302595-сонли аризаси келиб тушган.

Шу меъёрий ҳужжат талабларига кўра давлат инспектори ҳамда Тошкент “Ботаника боғи”нинг дарахтшунос мутахассислари томонидан дарахтларнинг ҳолати ўрганилиб, келиб чиқиши мумкин бўлган хавф-хатарнинг олдини олиш мақсадида қуриган дарахтларнинг кесилиши юзасидан белгиланган қонун ҳужжатларига асосан рухсатнома расмийлаштирилди.

Шунга кўра, туман Ободонлаштириш бошқармаси томонидан Лутфий кўчасидаги қуриган дарахтларни кесиб олиш жараёнлари олиб борилади.

Аҳолидан ва эколог блогерлар ҳамда журналистлардан биз олдиндан маълум қилаётган ушбу маълумотлар билан танишиб, айни жараёнларга холис баҳо беришларини сўраб қоламиз.

👉👉👉 Лавҳамизда мутахассислар томонидан Лутфий кўчасидаги қуриган дарахтларни ўрганишлар жараёни ва мутахассисларнинг хулосалари

🔵@chilonzor_tuman_hokimligi

#Конституция_эркин_ҳаёт_кафолати

Чилонзор туман ҳокимлигида давлат хизматчилари учун Янги Ўзбекистон Республикаси Конституциясининг мазмун-моҳиятини тушунтириш юзасидан ўқув-семинари ташкил этилди.

Ушбу семинарда Чилонзор тумани ҳокимлиги ходимлари ҳамда тумандаги давлат ташкилот ва идоралари давлат хизматчилари ҳам иштирок этди.

Тошкент давлат юридик университети профессори Қодиров Эшмуҳаммад Омонтурдиевич янги таҳрирдаги Конституция мазмун-моҳияти ҳақида тўхталиб, унда белгиланган конституциявий нормаларнинг ижросини сўзсиз таъминлаш барча соҳаларда “инсон қадри”нинг том маънода юксалишига хизмат қилишини, давлат ва жамият ҳаётини “инсон - жамият - давлат” деган тизимга асосланган янги ва замонавий тарзда бошқариш имконини беришини таъкидлади.

Шунингдек, Конституциянинг асосий принциплари ва бошқалар хусусида батафсил маълумот бериб ўтди.

🔵@chilonzor_tuman_hokimligi

#Ташаббусли_бюджет_Чилонзорда

Бугун «Ташаббусли бюджет» лойиҳасининг 2023 йилнинг 2-мавсуми якунланди. Ғолиблар рўйхати Open Budget сайтида эълон қилинди.

Овоз бериш босқичи якунларига кўра, Чилонзор тумани бўйлаб жами 9 та лойиҳа ғолиб деб топилди. Ушбу лойиҳаларни амалга ошириш учун эса 11 134 000 000 сўм маблағ ажратилган.

Жумладан, 👉👉👉 Туманда жойлашган Хирургия маркази ҳудудида ходимлар ҳамда беморларга қулайлик яратиш мақсадида 1 500 кг оғирликда бўлган кўтарилиш баландлиги 10 қават бўлган 2 дона лифт ускунаси ўрнатилиши юзасидан;

👉👉👉 ТДИУ қошидаги академик лицей ҳудудида ўқувчилар учун замонавий универсал спорт майдони яъни юмшоқ қопламали валейбол ва баскетбол майдони, ўлчами 40/20м бўлган футбол майдони, қисқа югуриш йўлаклари ҳамда wоркоут қуриш бўйича берилган лойиҳа;


👉👉👉 Чилонзор тумани 34-сон оилавий поликлиникасига ахолига сифатли тиббий хизмат курсатиш учун замоновий тиббиёт ускуналари ва оргтехника харид килиш лойиҳаси;

👉👉👉 90-сонли умумтаълим мактабига 8 та замонавий электрон-интерактив доскалар, 10 та комплект юқори синф ўқувчилари ўқув хонаси учун мебел жиҳозлари, ўқитувчилар хонаси учун мебел жиҳозлари, меҳнат хонаси учун 4 та тикув машинаси, юқори синф ўқув хоналари учун 6 дона смарт телевизор, 10 кв лик қуёш панели харид қилиш лойиҳаси;

👉👉👉 217-сонли умумтаълим мактабининг спорт залини замонавий шаклда таъмирлаш, пол қисмини янгилаш, эшик ва ромларни акфа ромларга алмаштириш, ёритиш тизимини янгилаш, ўқувчилар кийиниш хонаси, тренерлар хонасини ҳамда хожатхоналарни таъмирлаш, шунингдек, мактаб ҳовлисидаги жойлашган таъмирталаб бинони ҳам замонавий шаклда таъмирлаб, тўгарак машғулотлари ўтадиган хоналарга айлантириш бўйича берилган лойиҳа;

👉👉👉 195-сонли умумтаълим мактабининг Информатика хонаси учун 2 дона кондинционер, 10 та синф хоналари учун мебеллар тўплами, 12 та замонавий интерактив доска, 10 квли қуёш панели харид қилиш бўйича лойиҳа;

👉👉👉 Тошкент шаҳри Чилонзор тумани 201-сонли умумтаълим мактабига информатика хонаси учун 16 дона компьютер жамланмаси, фаоллар залига 2 дона кондиционер, 1 дона 10 кв лик қуёш панел, информатика ва ўқитувчилар хонаси учун 6 дона кондиционер, 5 дона моноблок, 4 дона тикув машинаси, 1 дона овоз кучайтиргич жамланмаси, 18 дона интерактив замонавий доска харид қилиш юзасидан киритилган таклиф лойиҳаси;

👉👉👉 Республика ихтисослаштирилган онкология ва радиология илмий-амалий тиббиёт маркази Тошкент шаҳар филиалига замонавий тиббий жиҳозлар харид қилиш лойиҳаси;

👉👉👉 Чилонзор тумани 37-сон оилавий поликлиникага аҳолига сифатли тиббий хизмат кўрсатиш учун замоновий тиббий ускуналар ва компьютер жиҳозлари харид қилиш лойиҳаси каби 9 та лойиҳа ғолиб деб топилди.

👏👏👏Ғолиб лойиҳалар эгаларини бу ютуқлари билан табриклаймиз ва “Ташаббусли бюджет” жараёнларида фаол иштирок этганлари учун туман ҳокимлиги номидан миннатдорчилик билдирамиз. 👏👏👏

🔵@chilonzor_tuman_hokimligi