#Ёшлар_бандлигини_таъминлаш_Чилонзорда
#Маҳалла_еттилиги
#Бўрижар_маҳалласи

Файзинисо 496-сонли МТТда иш бошлади

Ўзига, оиласига ва жамиятга фойдаси тегадиган иш билан машғул бўлиш - инсоннинг ҳаёти мазмунли ўтаётганидан дарак беради. Агар инсон фойдали бир иш билан банд бўлмаса, ҳаёти ўз-ўзидан рангсизлашади, бора-бора қоронғулашиб, бахтсизлик сари кета бошлайди.

Шу боис ҳам, давлатимиз раҳбари томонидан аҳоли, ёшлар бандлигини таъминлаш ва уларнинг ҳаёт фаровонлигини оширишга алоҳида эътибор қаратилиб, бу борада тизимли ишлар йўлга қўйилмоқда. Шунингдек, бу борада туманимизда фаолият олиб бораётган маҳаллалар "еттилик"лари томонидан ҳам ёшлар муаммолари ўрганилиб, иш излаётган ёшлар ишга жойлаштирилмоқда.

"Бўрижар" маҳалласида яшовчи Файзинисо Абдумаликова ҳам анчадан буён ўзига муносиб иш ўрни тополмай қийналиб юрганди. "Ёшлар дафтари"га иш излаётган ёшлар тоифаси бўйича рўйхатга олинган Файзинисо Тошкент шаҳар Адлия бошқармаси ва Чилонзор туман адлия бўлими мутасаддиларига бириктирилган. Барча ҳамкор ташкилотлар ва маҳалла "еттилиги" саъи-ҳаракати билан Файзинисо туманимиздаги 496-сонли МТТга ишга жойлашди.

👉👉👉Болажонларнинг қувноқ даврасида ишлашни бошлаган Файзинисо Абдумаликова ишга жойлашишига кўмак берган барча ташкилотчилардан миннатдор.

👉👉👉 Биз ҳам болажонлар таълим-тарбияси жараёнидек хайрли фаолиятда иш бошлаган Файзинисохонга ишларида муваффақиятлар тилаб қоламиз.

🔵@Сhilonzor_tumani_hokimligi