#Йиғилиш

Мактабларда ўқувчилар тўлиқ таътилга чиқиб, болажонларнинг ёзги таътилни мазмунли ўтказиши учун тўгараклар ўз ишини бошлади. Ёзги таътил даврида ҳам мактаб мутасаддиларининг олдида турган масъулиятли вазифалари бор.

Туманимиздаги 217-сонли умумтаълим мактабида туман ҳокимлиги, туман Мактабгача ва мактаб таълими мутасаддилари раҳбарлигида мактаблар директорлари иштирокида ўтказилган йиғилишда ҳам янги ўқув йилида ўқувчилар ва педагоглар жамоаси учун янада яхши шарт-шароитлар яратиш, таъмирталаб жойларни аниқлаш ва таъмирлатиш жараёнлари, шу билан бирга мактабларда болаларнинг ёзги таътилида фаолият олиб борадиган тўгараклар фаолияти ҳамда 1-синфга қабул жараёнларида шаффофликни таъминлаш масалалари муҳокама этилди.

Йиғилиш якунида 2023-2024 ўқув йилида ҳар томонлама намунали фаолият олиб борган 126-, 168-, 138-, 182-, 164- мактабларнинг директорларига ташаккурнома билдирилиб, совғалар тақдим этилди.

Тадбир сўнгида мактаб раҳбарлари 217-сонли умумтаълим мактабида фаолият олиб бораётган тўгаракларда яратилган шарт-шароитлар билан яқиндан танишишди.

👉👉👉 Лавҳамизда жараёнлар

🔵@Сhilonzor_tumani_hokimligi

#Йиғилиш

Чилонзор тумани ҳокими Саидқаҳҳор Холхўжаев раҳбарлигида туманда Қурбон ҳайити байрамини юқори савияда уюшқоқлик билан ўтказишга тайёргарлик юзасидан барча масъул ташкилотлар мутасаддилари иштирокида йиғилиш ўтказилди

Йиғилишда туман ҳокими Муборак Қурбон ҳайитининг маънавий ҳаётимизда меҳр-оқибат, бағрикенглик, мурувват, дўстлик ва ҳамжиҳатлик каби эзгу тамойилларни мустаҳкамлаш борасидаги ўрни ва аҳамияти беқиёслигини таъкидлаб ўтди ва қутлуғ айёмни муносиб кутиб олиш ҳамда юқори савияда ўтказишга тайёргарлик кўриш мақсадида барча тегишли ташкилотларга вазифаларни белгилаб берди.

Шунингдек, Қурбон ҳайити намози ўқилиши даврида фуқаролар хавфсизлигини таъминлаш, намозхонларга қулай шарт-шароитлар яратиб бериш мақсадида йўлларда, масжид ҳудудида автотранспорт ҳаракатини чеклаш, мажсид атрофида, олиб борувчи йўлларда сертификатланмаган, қўлбола тайёрланган, сифат талабига жавоб бермайдиган озиқ-овқат, музқаймоқ ва салқин ичимликлар савосига чек қўйиш, барча масжидларга махсус тез тиббий ёрдам автомашиналари ҳамда тиббий ходимни бирламчи дори воситалари билан бириктириш, Оилавий поликлиника ва шаҳар диспанесрлари билан биргаликда туманда истиқомат қилаётган ижтимоий ҳимояга муҳтож ва ногиронлиги бўлган шахсларни тиббий кўрикдан ўтказиш ва амалий ёрдам бериш ишлари ташкил қилиниши каби йўналишларда масъулларга топшириқлар берилди.

Бундан ташқари, барча жомеъ масжидларни узлуксиз электр энергияси билан таъминлаш, жомеъ масжидлар ҳудуди, уларга олиб бориш йўллари, кириш йўлакларида, қабристонларда ободонлаштириш ва тозалаш ишларини ташкил қилиш, ичимлик суви, оқава сувлари, тунги ёриткичлар созлиги кўриб чиқилиши ҳамда аниқланган камчиликларни бартараф этиш, ижтимоий ҳимояга муҳтож оилалар ҳолидан ҳабар олиш, уларнинг хонадонларига борган ҳолда уй-жойларини тозалаш ва ободонлаштириш чораларини кўриш, якка-ёлғиз, ногиронлиги бўлган шахсларга алоҳида эътибор қаратиш, Хотин-қизлар фаоллари, ёшлар етакчилари, Оқила аёллар харакати билан биргаликда янги келин тушурилган хонадонларда сарф-ҳаражатларсиз ортиқча исрофгарчиликларнинг олдини олиш мақсадида келинларнинг ҳайит байрамларини ўтказиш жараёнларини тартибга солиш бўйича тушунтириш ва тарғибот ишлари олиб бориш, "Аёллар дафтари" ва "Ёшлар дафтари"га киритилган ижтимоий ҳимояга муҳтож аёллар ва ёшлар ҳолидан ҳабар олиш, маҳаллаларда, истироҳат боғларида маънавий-маърифий, маданий тадбирлар ўтказиш, барча маҳалла фуқаролар йиғинлари, БСК ва бошқа масъул ташкилотлар, маҳалла ҳудудидаги корхона ва ташкилотларни кенг жалб қилган ҳолда ободонлаштириш ва ҳудуднинг санитария ҳолатини яхшилаш борасида тегишли ишларни амалга ошириши ва ҳашарлар ташкил қилиниши, йиғилган чиқиндиларни ўз вақтида олиб кетиш чоралари кўрилиши бўйича ҳам топшириқлар берилди.

Шу билан бирга бўлим ва бошқармалар, ижтимоий соҳалар, корхона ва ташкилотларда ойлик маошлардан, пенсия ва ижтимоий тўловлардан мавжуд қарздорлик аниқланган тақдирда ўз вақтида тўлаб бериш чоралари кўрилиши бўйича ҳам масъулларга топшириқ ва кўрсатмалар берилди.

👉👉👉 Айни дамда туманимизда тумандошларимиз ва шаҳримиз меҳмонлари Қурбон ҳайитини муносиб ўтказишини таъминлаш бўйича барча йўналишларда тайёргарлик ишлари олиб борилмоқда.

🔵@Сhilonzor_tumani_hokimligi

#Йиғилиш

"Сайҳунобод тажрибаси", "Уйчи тажрибаси", "Ғиждувон тажрибаси" ва "Зарбдор тажрибаси" асосида Чилонзорда қандай ишлар амалга оширилади?

Чилонзор тумани ҳокимлигида туман ҳокими Саидқаҳҳор Холхўжаев ва сектор раҳбарлари бошчилигида йиғилиш ўтказилди.

Йиғилишда туман ҳокими томонидан масъулларга туманда солиқ тушумлари барқарорлигини таъминлаш ҳамда яширин иқтисодиётнинг олдини олиш мақсадида ишчи ўринларини норасмий сектордан расмий секторга ўтказиш, ўзини-ўзи банд қилиш амалиётини кенгроқ жорий этиш каби чора-тадбирларни амалга ошириш, шунингдек, МФЙлардаги ҳоким ёрдамчилари ва Хотин-қизлар фаоллари ҳамда туман Аҳоли бандлигига кўмаклашиш марказига аҳоли бандлигини таъминлаш, уларни касб-ҳунарга ўқитишни доимий назоратга олиш вазифаси юкланди.

Шу билан бирга туманимиздаги банклар филиаллари мутасаддиларига ҳам "Сайҳунобод тажрибаси" асосида микролойиҳаларни шакллантириш, "Уйчи тажрибаси" асосида учрашувларни ташкил қилиб, доимий иш ўринларини яратиш, шунингдек, банклар ва маҳаллалардаги ҳоким ёрдамчилари ҳамкорлигида "Ғиждивон тажрибаси" асосида вертикал саноатни ривожлантириш ҳамда туман Инвестиция бўлими масъулларига "Зарбдор тажрибаси" асосида туманда йирик лойиҳаларни шакллантириш йўналишидаги вазифалар топширилди.

👉👉👉 Лавҳамизда тадбир жараёнлари

🔵 @Сhilonzor_tumani_hokimligi

#Йиғилиш

1-сектор ҳудудида жиноятчиликнинг олдини олиш бўйича олиб бориладиган ишлар муҳокама этилди

Чилонзор тумани ҳокими Саидқаҳҳор Холхўжаев раҳбарлигида 1-сектор ҳудудида содир этилган жиноятлар, содир этилиши мумкин бўлган жиноятлар ва уларнинг барвақт олдини олиш юзасидан йиғилиш ўтказилди.

Йиғилишда туман ҳокими томонидан сектор ҳудудида содир этилган жиноятчилик ҳолатлари таҳлил этилди.

Шунингдек, йиғилишда маҳаллаларда содир этилиши мумкин бўлган жиноятларнинг барвақт олдини олиш бўйича амалга оширилиши керак бўлган ишлар муҳокама қилинди.

Айни йўналишда тегишли масъулларга топшириқлар берилди.

👉👉👉Лавҳамизда жараёнлар

🔵 @Сhilonzor_tumani_hokimligi

#Йиғилиш

Муҳим йўналишдаги масалалар муҳокама қилинди

Бугун Чилонзор тумани ҳокимлиги биносида туман ҳокими Саидқаҳҳор Холхўжаев бошчилигида сектор раҳбарлари ва барча масъул ташкилотлар мутасаддилари, масъуллари, маҳалла еттилиги аъзолари иштирокида кенгайтирилган йиғилиш бўлиб ўтди.

Йиғилишда туманимизда яшаб туриб ҳозирда хорижга ишлаш ёки ўқиш учун чиқиб кетган фуқароларимиз ва уларнинг оилаларини қўллаб-қувватлаш юзасидан олиб борилаётган ишлар, туманимиз миқиёсида солиқ тушумлари, "Яшил макон" умуммиллий лойиҳаси доирасида олиб бориладиган ишлар, "Камбағалликдан фаровонлик сари" дастури бўйича амалга оширилаётган ишлар ва бу борада келгусида амалга ошириладиган ишлар таҳлили, шунингдек, маҳалла еттиликлари фаолияти таҳлил этилди.

Кун тартибига қўйилган масалалар чуқур таҳлил қилиниб, тегишли масъулларга туман ҳокими ва сектор раҳбарлари томонидан айни йўналишлардаги тавсиялар ҳамда топшириқлар берилди.

👉👉👉 Лавҳамизда тадбир жараёнлари

🔵 @Сhilonzor_tumani_hokimligi

#Йиғилиш

Ер участкаларини хусусийлаштириш масалаларига бағишланган йиғилиш ўтказилди

Бугун, Чилонзор тумани ҳокимлигида туман ҳокимининг биринчи ўринбосари М. Абдукадиров ҳамда шаҳар ҳокимлигидан бириктирилган масъул ходимлар билан биргаликда тумандаги бўш ер майдонлари ва муниципиал объектларни хатловдан ўтказиш бўйича йиғилиш ўтказилди.

Йиғилишда туман бандлик бўлими, кадастр бўлими ва бошқа мутасаддилар иштирок этишди.

Йиғилганларга “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги ЎРҚ-937-сонли Қонунининг мазмун-моҳияти, тартиби ҳамда талаблари тушунтирилди.

Шунингдек, тасдиқланган режа-жадвал асосида туман маҳаллаларида ўтказилаётган хатлов ишлари ҳақида тўлиқ маълумот тақдим қилинди.

Кадастрга оид савол ва муаммолар тингланиб, тегишли ечим, ҳуқуқий тушунчалар берилди.

Йиғилиш давомида масъулларга ер участкасини хусусийлаштириш мумкин бўлган ҳудудларни аниқлаш (хатлов) бўйича ишларни тўғри, холисона ва сифатли ташкил этиш, аниқланган ҳудудларда ер участкаларини хусусийлаштириш бўйича тарғибот ишларини ташкил этиш, ер участкасини хусусийлаштириш бўйича юридик шахслар томонидан аризалар берилишини ташкил этиш юзасидан топшириқ ҳамда тавсиялар берилди.

🔵@Сhilonzor_tumani_hokimligi