#Меҳнат_ярмаркаси
#Тиббиёт_ходимлари_учун

📣📣📣Ҳурматли тумандошлар!
Тошкент шаҳар прокурори ташаббуси билан 2022 йил 10 феврал куни Тошкент шаҳар Соғлиқни сақлаш бошқармаси ҳамда шаҳар бандлик бошқармаси ҳамкорлигида тиббиёт ходимларининг касбий малакасини ривожлантириш марказида меҳнат ярмаркаси ўтказилади.

Ярмаркага Тошкент тиббиёт академияси, Тошкент давлат стомотология институти, Тошкент Педиатрия институти, Тошкент Фармацевтика институти битирувчилари ҳамда иш излаётган тиббиёт ходимлари таклиф этилади.

Шунингдек, Чилонзор тумани тиббиёт бирлашмаси ҳам ўзидаги бўш иш ўринлари билан ярмаркада қатнашади.

Ҳурматли тумандашлар! Агар тиббиёт йўналишида иш излаётган бўлсангиз, Сиз учун имконият эшиклари очиқ. Меҳнат ярмаркасида иштирок этинг ва ўзингизга муносиб ишга эга бўлинг!

🔵@chilonzor_tuman_hokimligi

#Меҳнат_ярмаркаси_Чилонзорда

Хабар берганимиздек, куни кеча Чилонзор тумани ҳокимлиги ва ҳамкор ташкилотлар биргаликда Чилонзор тумани Кичик саноат ҳудудида меҳнат ярмаркаси ташкил этилди.
Мазкур ярмаркада жами 29 та корхона ва ташкилотлар ўзларидаги мавжуд бўш иш ўринлари (вакансия) билан иштирок этди.

Бу ярмарканинг қулайлик томони шунда бўлдики, маҳаллалардан келган иш изловчи фуқаролар вакант иш ўринлари ва иш манзиллари билан фақатгина қоғоздагина танишмасдан, балки айнан корхоналарнинг ўзига кириб, иш жараёнлари ва яратилган шарт шароитлар билан яқиндан танишиш имконига эга бўлдилар.

Ярмаркада уй бекалари бўлган аёлларимизга ҳам ишлаб даромад топиши учун қулайлик яратиш мақсадида касаначилик тартибида яъни уй шароитида корхоналар билан шартнома тузиб ишлаш таклифлари ҳам берилди ва бу йўналишда ҳам иш изловчи аёллар билан меҳнат келишувларига эришилди.

Туман Аҳоли бандлигига кўмаклашиш маркази масъулларининг маълумотига кўра, иш изловчилар учун Кичик саноат ҳудудининг ўзида меҳнат ярмаркаси ўтказилгани ва яратилган шароитлар туфайли мазкур ярмарка жараёнида аксарият иш изловчи фуқаролар ўзига муносиб иш ўрни топди ва уларга ишга кириши учун йўлланмалар расмийлаштирилди.

👉👉👉Лавҳамизда жараёнлар

#Меҳнат_ярмаркаси
#Пробация_ҳисобида_турганлар_учун

Чилонзор туманида аҳоли бандлигини таъминлаш йўналишида барча ҳамкор ташкилотлар билан биргаликда тизимли ишлар амалга оширилмоқда. Жумладан, ИИОФМБ Пробация бўлими ҳамда туман Аҳоли бандлигига кўмаклашиш маркази, ҳамкор ташкилотлар биргаликда пробация ҳисобида турган фуқаролар учун меҳнат ярмаркаси ташкил этди.

Ярмарка жараёнида 11 та ташкилотлар ўзларидаги бўш иш ўринлари билан иштирок этишди. Пробация ҳисобида турган 150 нафар фуқародан 65 нафарига ишга жойлашиши учун йўлланмалар берилди. 28 нафари эса ишга жойлаштирилди. 6 нафар пробация ҳисобида турувчи фуқароларнинг хонадонларига борилиб, уларнинг ҳолидан хабар олинди.

👉👉👉Лавҳамизда тадбир жараёнлари

#Меҳнат_ярмаркаси

Пробация ҳисобида рўйхатда турган 11 та фуқаро ишга жойлашди

Ўзбекистон Республикаси Президентининг 2018 йил 7 ноябрь кунидаги “Жиноят-ижроия қонунчилигини тубдан такомиллаштириш чора-тадбирлари тўғрисида”ги қарори ҳамда Вазирлар Маҳкамасининг
2020 йил 14 февраль кунидаги “Ички ишлар органлари пробация хизмати фаолиятини самарали ташкил этиш бўйича қўшимча чора-тадбирлар тўғрисида”ги қарори талабларининг ижросини таъминлаш мақсадида Чилонзор тумани Аҳоли бандлигига кўмаклашиш маркази билан ҳамкорликда “TMC” университети биносида меҳнат ярмаркаси ташкил этилди.

Мазкур меҳнат ярмаркасига Чилонзор туман ИИО ФМБ Пробация бўлимида рўйхатда турган 74 нафар назорат остидаги шахслар таклиф этилди.

Ярмарка давомида 11та корхона ва ташкилотлардан келган маъсул ходимлар томонидан бўш иш ўринлари бўйича маълумотлар берилиб, Пробация бўлимида рўйхатда турган шахсларни иш билан таъминлаш ва шу орқали ишга жойлашиб ахлоқ тузатиш ишлари жазосини ўташлари борасида 32 нафар шахсга аниқ бўш иш ўринларига йўлланмалар берилди ҳамда
11 нафар пробация рўйхатида турган тумандошларимиз ишга жойлаштирилди.

👉👉👉 Лавҳамизда тадбир жараёнлари

#Меҳнат_ярмаркаси_Чилонзорда
#Кўтарма_маҳалласи

Бугун Чилонзор туманининг "Кўтарма" маҳалласида тумандаги иш изловчи фуқароларни иш билан таъминлаш мақсадида "Меҳнат ярмаркаси" ўтказилди. Тадбирда айни пайтда туманимизда фаолият олиб бораётган Республика ишчи гуруҳи аъзолари, шунингдек, Президент Администрацияси масъул ходими Ф.Набиев, Камбағалликни қисқартириш ва бандлик вазири ўринбосари Р. Турдибоева, Олий Мажлис Қонунчилик палатаси депутати М. Ҳусанова, Тошкент шаҳар прокурори ўринбосари Э.Иминжонов, туман секторлари раҳбарлари, туман Халқ депутатлари кенгаши депутатлари ва бошқа тегишли масъуллар иштирок этиб, ярмарка жараёнларини кузатди ҳамда иш берувчилар ва иш изловчиларга, ташкилотчи масъулларга ўз тавсия ва кўрсатмаларини берди.

Ярмаркада туманимиздаги 55 та маҳалладан 154 нафар иш изловчи фуқаролар қатнашди. 38 та ташкилот ва корхоналардан 327 та бўш иш ўринлари тақдим этилди. Ярмарка жараёнида 25 нафар фуқарога ишга йўлланма берилди, 18 нафар фуқароларимиз бугунинг ўзида ишга жойлашди.

Маълумот ўрнида айтиш жоизки, Чилонзор туманида ўтган 2023 йил давомида маҳаллалар бўйлаб 22 маротаба меҳнат ярмаркалари ўтказилган. Бу ярмаркаларда 246 та ҳамкор корхона ва ташкилотлардаги бўш иш ўринлари тақдим этилган ва ўтказилган меҳнат ярмаркаларида 1 минг 231 нафар фуқаролар иштирок этиб, шулардан 265 нафарига ишга жойлашиш учун йўлланмалар берилган. Ушбу йўлланмалар асосида 153 нафар фуқаролар ўз иш ўринларига эга бўлган.

Шунингдек, меҳнат ярмаркасида иштирок этган 103 нафар иш изловчилар ўқув курсларига бепул ўқиши учун имконият яратиб берилган. 50 нафар фуқаролар эса пул тўланадиган жамоатчилик ишларига жалб этилган.

Жорий йилда ҳам тумандаги ишсиз фуқароларни иш билан таъминлаш бўйича 18 маротаба меҳнат ярмаркаларини ташкил этиш режага киритилган.

👉👉👉 Лавҳамизда жараёнлар

🔵@Сhilonzor_tumani_hokimligi

#Меҳнат_ярмаркаси_Чилонзорда

Кеча хабар берганимиздек, айни пайтда туманимиздаги Ғафур Ғулом номидаги маданият ва истироҳат боғида туманимиздаги иш излаётган аёллар учун меҳнат ярмаркаси ва аёлларнинг ҳуқуқий йўналишдаги мурожаатларини қабул қилиш бўйича "Сайёр қабул" давом этмоқда.

👉👉👉 Видеохабаримизда жараёнлар тасвири

🔵 @Сhilonzor_tumani_hokimligi

#Меҳнат_ярмаркаси
+
#Сайёр_қабул

13 нафар аёллар доимий ишга жойлашди, 25 нафар хотин-қизларга ишга жойлашиши учун йўлланмалар берилди, 211 нафар аёлларга эса ҳуқуқий маслаҳатлар берилди

Хабар берганимиздек, бугун Чилонзор тумани ҳокимлиги, туман Оила ва хотин-қизлар бўлими, туман Камбағалликни қисқартириш ва бандлик бўлими ҳамкорлигида “Аёллар дафтари”га киритилган эхтиёжманд хотин-қизларнинг хуқуқлари ва қонуний манфаатларини ҳимоя қилиш, тазйиқ ва зўравонликдан жабрланган хотин-қизларга ҳуқуқий ёрдамлар кўрсатиш ва иш излаётган аёлларнинг бандлигини таъминлаш мақсадида Ғофур Ғулом номидаги маданият ва истироҳат боғида сайёр қабул хамда “Бўш иш ўринлари меҳнат ярмаркаси” ўтказилди.

Ўтказилган тадбирда “Бўш иш ўринлари меҳнат ярмаркасига жами 156 нафар иш излаётган аёллар келишди. Шунингдек, 211 нафар хотин-қизлар ҳуқуқий маслаҳат юзасидан мурожаат этди.

Тадбирда Тошкент шаҳар Маъмурий ишлар бўйича судлар масъуллари, туман прокуратураси, туман ИИО ФМБ, туман Адлия бўлими, туман ФҲДЁ бўлими, Чилонзор туман ҳокимлиги Оила ва хотин-қизлар бўлими мутасаддилари томонидан аҳолининг мурожаатлари қабул қилинди.

Бўлиб ўтган сайёр қабул натижасида туман Адлия бўлими томонидан 16 нафар фуқароларга ҳуқуқий маслаҳатлар берилди. Оила ва хотин-қизлар бўлими томонидан 51 нафар хотин-қизлар мурожаатлари тингланди ва шундан 29 нафарининг масалалари жойида ҳал қилинишига эришилди.

Туман прокуратураси ходимлари томонидан 21 нафар хотин-қизларнинг муаммолари юзасидан ҳуқуқий тушунтиришлар ва тегишли кўрсатмалар берилди.
Бундан ташқари, туман ИИО ФМБ вакилларига ҳам 28 нафар хотин-қизлар турли масалаларда мурожаат қилди ва мурожаатчиларнинг 16 нафарининг масалалари бўйича жойида амалий ёрдамлар кўрсатилди.

Бўш иш ўринлари меҳнат ярмаркасида жами 45 та ташкилотлар бўш иш ўринлари билан иштирок этди. 13 нафар хотин-қизлар доимий иш билан таъминланди ҳамда 25 нафар хотин-қизларга ишга жойлашиши учун йўлланмалар берилди.

👉👉👉 Лавҳамизда тадбир жараёнлари

🔵 @Сhilonzor_tumani_hokimligi