#Биз_гиёҳвандликка_қаршимиз

"Интернетда тарқатилган сайт орқали шу қалтис йўлга қадам босдим... Пушаймонман..."

Ҳа, бу пушаймон бўлиб, ич-этини еб, ўта чорасиз ҳолга тушиб қолган йигитнинг иқрори. Йигитнинг айни ҳолати ҳар кимда жуда ачиниш ва афсусланиш ҳиссини уйғотади.

Ҳаётда ўз ўрнини эгаллаб яхши яшаб кетиш учун пойдевор қурадиган ёшида билиб билмай қўйган қалтис қадамини деб жазога тортилиб, қамоқда ўтиришга маҳкум бўлаётган бу йигит узоқ вилоятдан келган. Ўзининг айтиши бўйича ўтган йили олийгоҳни битирган. Ўз соҳаси бўйича иш тополмай, барча давлат идораларига мурожаат қилган. Тошкентда "Йўл патрул хизмати"да вакансия эълон қилинганлигини кўриб, ишга кириш ниятида шаҳарга келган. Лекин тегишли идорага бориб учрашиш, ишга кириш учун астойдил ҳаракат қилиши керак бўлган бир пайтда интернетдан турли ахборотларни ўқиш жараёнида норкотик тарқатувчиларнинг сайтига кўзи тушган ва сайтга кирган. Қалтис қадам мана шу ердан бошланган. Афсус... Минг афсус...

Кўпгина ёшларимиз шу йўл билан қалтис қадам ташлаб қўйиб, кейин пушаймон бўляпти.

Бизнинг ушбу лавҳани тайёрлашимиздан ҳам мақсад, ёшлар, ота-оналарни огоҳлантириш. Огоҳ бўлинг, ҳеч қачон осон йўл билан келган бойлик яхшиликка олиб кемайди.

Ҳурматли ота-оналар!

Фарзандларингизга хушёр бўлинг, интернетдаги "Заҳри қотил" гиёҳларни тарқатувчи сайтларга кириб, лаҳзаларда жиноят оламига кириб қолмасин.

Болаларингизга гўдаклигидан ҳалол меҳнат қилишни ўргатинг, зеро меҳнатдан қочиб, осон йўл билан пул топиш илинжида қинғир ишларга қўл урмасин.

👉👉👉 Лавҳамиз «Гиёҳвандлик ва психотроп моддаларнинг ноқонуний айланмасига қарши кураш» тезкор-профилактик тадбирлар доирасида туманимизда олиб борилаётган ишлар ва юқорида келтирилган йигитнинг афсус ва надоматлари ҳақида

🔵 Chilonzor_tumani_hokimligi