#Инвестиция_дастури_ижроси_Чилонзорда

Тошкент шаҳрида Чилонзор туманидаги рестораннинг расмий очилиши муносабати билан катта тантанали тадбир бўлиб ўтди.

Маълумот сифатида қайд этиш жоизки, The Wendy's компанияси 1969 йилда Дейв Томас томонидан Колумбияда (AҚШ, Огаё штати) ташкил этилган. Wendy's ҳозирда бутун дунё бўйлаб 7 000 дан ортиқ ресторанларни бошқаради. Ўзбекистондаги биринчи Wendy's ресторани 2019 йилда очилган.

Дейв ўз бизнесини "Сифат-бизнинг рецептимиз" тамойили асосида қурди, бу бутун Vendi тизими учун асосий кўрсатма бўлиб қолмоқда. “Wendy's”нинг диққатга сазовор жойларидан бири шундаки, бургерларда енг яхши гўшт ишлатилади ва бургерда кўпроқ бўлиши учун квадрат шаклида тайёрланади.

Тантанали очилиш маросимида Wendy'sнинг AҚШ бош оффиси вакили - Жеймс Л. Гассиcк, Қозоғистонлик таъсисчи Кусто Гроуп директорлар кенгаши аъзоси–Карсйбеков Оразхан Каиржанович, Aмерика қўшма штатлари элчиси Жонатан Ҳеник каби эътиборли меҳмонлар ҳамда Чилонзор туман ҳокимининг Инвестиция ва ташқи савдо масалалари бўйича ўринбосари Aбдухамид Aбдуқодиров ва бошқа ҳамкорлар иштирок этишди.

Расмий очилиш маросими шарафига сўзлаган нутқида Wendy's компаниясининг Ўзбекистондаги бош раҳбари Шохруҳ Жалилов яқин йиллардаги режалари билан ўртоқлашди. Таъкидланишича, келгуси тўрт йил ичида юртимизнинг вилоятларида ҳам кўплаб филиаллар очиш режалаштирилган.

Шунингдек, компания тизимида маҳсулотларни маҳаллийлаштириш бўйича ишлар олиб борилмоқда, маҳаллий ишлаб чиқарувчилар улушини имкон қадар ошириш кўзда тутилган.

Wendy'sнинг Марказий Осиёдаги франчайзи ва оператори Кусто Гроуп халқаро холдингидир. Гуруҳ 10 та давлатда (Канада, Хитой, Грузия, Исроил, Қозоғистон, Россия, Сингапур, Туркия, Виетнам, Украина) 30 дан ортиқ компанияга ега. Фаолиятининг асосий йўналишлари - агробизнес, нефт ва газ, кўчмас мулк, қурилиш материаллари ва чакана савдо.

Wendy's фаст-фуд ресторанида 500 минг AҚШ доллар қийматидаги асбоб-ускуналар Aмерика қўшма штатларидан олиб келинган бўлиб, жами 35 та янги иш ўринлари яратилди. Шунингдек Wendy's фаст-фуд ресторанида таёрланаётган махсулотлар ҳом-ашёлари гўшт Россия давлатидан, картошка Голландия давлатидан олиб келинади.

Шу билан бирга Wendy's фаст-фуд ресторани Чилонзор туманида янги лойиҳаларни очиш бўйича ўз қизиқишларини таъкидлаб ўтдилар.

👉👉👉Лавҳамизда тантанали тадбир жараёнлари

#Мустақиллик_байрами_арафасида_Чилонзорда
#Инвестиция_дастури_ижроси_доирасида

"Новза" маҳалласи ҳудудида замонавий типда қурилган янги меҳмонхона ишга туширилди

Чилонзор туманида Инвестиция дастури асосида кўплаб янги бинолар, иншоотлар қуриб битказилиб ишга тушириб келинмоқда.

Шунингдек, жорий йилнинг ўтган даври мобайнида 30 та лойиҳалар битказилиб ишга туширилди ва туманимиз кўркига кўрк қўшиб турган бундай бино ва иншоотларда аҳолимиз учун кўплаб иш ўринлари яратилди.

Айтиш жоизки, туманимизда айни пайтларда хизмат кўрсатиш соҳаси жадал ривожланмоқда. Инвестиция дастурлари ижроси доирасида ҳам 20 та хизмат кўрсатиш йўналишидаги лойиҳалар, яъни меҳмонхона, савдо комплекслари, ресторан ва умумий овқатланиш шаҳобчалари ишга туширилди.

Куни кеча "Новза" маҳалласи ҳудудида қуриб ишга туширилган "Novza Hotel" МЧЖга қарашли меҳмонхона ҳам шулар жумласидандир. Ушбу лойиҳа қиймати 30 миллиард сўм миқдорида бўлиб, барча шарт-шароитларга эга бўлган меҳмонхона замонавий тарзда жиҳозланган.

Айни шу лойиҳа ишга тушиши билан тумандошларимиз учун 40дан ортиқ иш ўринлари яратилди.

Мустақиллик байрами арафасида ишга туширилган ушбу янги меҳмонхона туманимиз кўркига кўрк қўшиб, тумандошларимизни ҳам мумнун этди.

👉👉👉 Лавҳамизда янги очилган меҳмонхона тасвирлари

🔵@Сhilonzor_tumani_hokimligi