#Ўқув_семинари
#ПҚ_306
#ПҚ_7

Ҳоким ёрдамчилари учун ўқув-семинари бўлиб ўтди

Чилонзор тумани ҳокимлигида туманимизга бириктирилган Республика ишчи гуруҳи вакиллари иштирокида тумандаги маҳаллаларда фаолият олиб бораётган ҳоким ёрдамчилари учун ўқув-семинари ташкил этилди.

Тадбирда Президентимизнинг 2023-йил 14 сетябрдаги "Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида"ги ПҚ-306-сонли қарори ҳамда 2024 йил 9 январда қабул қилинган "2024 йилда янги иш ўринларини ташкил этиш ва аҳоли бандлигига кўмаклашиш дастури тўғрисида"ги 7-сонли қарори мазмун-моҳияти ҳоким ёрдамчиларига батафсил тушунтирилди.

Ҳоким ёрдамчилари қарорда белгиланган вазифаларни амалга ошириш тартиби ҳамда "Кичик бизнесни узлуксиз қўллаб-қувватлаш" комплекс дастурида тадбиркорларни молиявий ва консултатив қўллаб-қувватлаш бўйича белгиланган йўналишлардан батафсил хабардор этилди.

Ўқув-семинарида олинган билим ва кўникмалар маҳаллаларда ҳоким ёрдамчиларининг тадбиркорлик ва кичик бизнесни ривожлантириш бўйича олиб бораётган фаолиятлари самарадорлигини янада оширади.

🔵@Сhilonzor_tumani_hokimligi