#Uch_avlod_uchrashuvi_Chilonzorda
#9_may_Xotira_va_qadrlash_kuni

Nuroniylarni e’zozlash, ularga hurmat-ehtirom ko‘rsatish xalqimizga xos fazilatdir

9-may Xotira va qadrlash kuni arafasida Toshkent shahar “Nuroniy” jamg‘armasi va Chilonzor tumani hokimligi hamkorligida G‘ofur G‘ulom bog‘ida “Uch avlod uchrashuvi” tadbiri o‘tkazildi.

Yoshlar tarbiyasiga keksa avlod vakillarini jalb etish, bu borada ularning boy hayotiy tajribalaridan keng foydalanish maqsadida “Bir nuroniy o‘n yoshga mas’ul” tamoyili joriy etildi. Uning asosida mahallalarda boy hayot tajribasiga ega bo‘lgan 560 nafar nuroniylarning 5367 nafar yoshlarga biriktirilishi natijasida ko‘plab yoshlar hayotda o‘z yo‘llarini topishga erishdilar.

Shuningdek, tadbirda yurtimiz mustaqilligi yo‘lida kurashgan va jonini qurbon qilgan ajdodlarimizning yorug‘ xotirasi yodga olindi.
Bayramona ruhda o‘tgan tadbirda elimiz suygan san’atkorlar kuy-qo‘shiqlari bilan mehmonlarga yaxshi kayfiyat bag‘ishladilar.

Tadbir so‘ngida hayot tajribalari, erishgan yutuqlari va jamiyatda tutgan o‘rinlari bilan yoshlarga ibrat bo‘la oladigan nuroniylar sovg‘a-salomlar bilan taqdirlandilar.

🔵@Сhilonzor_tumani_hokimligi