#Ташаббусли_бюджет_ижроси_Чилонзорда
#195_мактаб

Давлатимиз раҳбари томонидан таълим тизимини ислоҳ қилишга, мактаблар инфратузилмасини янада яхшилашга алоҳида эътибор қаратилмоқда.

Янги-янги мактаблар, мактаб-интернатлар қурилиб, иқтидорли ўқувчиларга сифатли билимлар бериш йўлга қўйилди. Бундан ташқари, барча умумтаълим мактабларида ўқувчилар ва ўқитувчилар учун қулай шарт-шароит яратишда ҳам тизимли чора-тадбирлар кўрилмоқда.

Мактаблар ва МТТлар жамоасининг аҳоли билан биргаликда "Ташаббусли бюджет" имкониятларидан фойдаланаётгани ҳам бу борада яхши самара бермоқда. Жумладан, бу йилги "Ташаббусли бюджет"нинг биринчи босқичида Чилонзор туманидаги 12 та мактаб ва 4 та МТТ нинг таклиф қилган лойиҳалари ғолиб деб топилган.

Айтиш жоизки, туманда бугунги кунда ғолиб чиққан лойиҳалар ижроси тўла амалга оширилди. Мактаб ва МТТларда ютиб олинган маблағ эвазига таъмирлаш ишлари якунига етказилди.

Шунингдек, туманимиздаги 195-сонли умумтаълим мактаби жамоаси ҳам айни "Ташаббусли бюджет"га таклиф бериб, овоз йиғишда фаол иштирок этиб, мактабнинг 2 та кириш йўлакларини замонавий услубда таъмирлашга эришди. Таъмир ишлари жараёнида йўлакларнинг поллари янгиланди, кириш эшик ва қатор дераза ойналари замонавий акфа ромларга алмаштирилди, деворлар бўялди, спорт зал ва кириш зиналари ҳам таъмирланиб шинам кўринишга келтирилди.

👉👉👉 Мактабда "Ташаббусли бюджет" асосида амалга оширилган ишларни лавҳамиз орқали ўзингиз кўришингиз мумкин.

🔵@chilonzor_tuman_hokimligi