#Чилонзор_тумани_3_сектор
#Кўтарма_маҳалласи
#Обод_маҳалла_обод_кўча_обод_хонадон
#Ўрганиш

Хабар берганимиздек, туманимизнинг "Кўтарма" маҳалласида "Обод_маҳалла_обод_кўча_обод_хонадон" дастури доирасида кенг қамровли қурилиш-таъмирлаш, ободонлаштириш ишлари олиб борилмоқда.

Чилонзор тумани Саидқаҳҳор Холхўжаев, 3-сектор раҳбари, туман ИИОФМБ бошлиғи Алишер Муродуллаев ва бошқа масъуллар маҳаллага келди ва бу ерда амалга оширилаётган қурилиш-таъмирлаш, ободонлаштириш ва кўкаламзорлаштириш ишларини кўздан кечирди.

Ўрганиш давомида масъуллар ҳудудда "Яшил макон" умуммиллий лойиҳаси доирасида олиб борилаётган ишларга алоҳида эътибор қаратди ва бу борада ўз тавсия ҳамда кўрсатмаларини берди.

👉👉👉 Лавҳамизда жараёнлар

🔵@Сhilonzor_tumani_hokimligi

#Саф_йиғилиши
#Обод_маҳалла_обод_кўча_обод_хонадон
#3_сектор
#Кўтарма_маҳалласи

Туман ҳокими Саидқаҳҳор Холхўжаев раҳбарлигида саф йиғилиши ўтказилди

Хабар берганимиздек, "Кўтарма" маҳалласида "Обод маҳалла-обод кўча-обод хонадон" дастури доирасида қурилиш-таъмирлаш ва ободонлаштириш ишлари олиб борилмоқда. Бугунги кунда маҳалладаги 17-, 18-, 19- ва 20-сонли кўпқаватли уйлар ва улар атрофидаги майдонлар, ички йўллар таъмирдан чиқиш арафасида. Ҳудудда минифутбол майдони, болалар майдончалари қурилиб битказилмоқда. Кўпқаватли уйлар атрофига асфальт ва бетон қопламалари ётқизилмоқда. Кўпқаватли уйларнинг ертўла қисми, фасад қисми тўлиқ таъмирдан чиқарилмоқда.

Маҳаллада иш қизғин. Айни жараёнларда ишларни тўғри ташкил этиш ва иш сифати ва самарадорлигини ошириш мақсадида бугун эрта тонгдан туман ҳокими Саидқаҳҳор Холхўжаев, сектор раҳбарлари ва бошқа тегишли масъуллар иштирокида эрталабки саф йиғилишини ўтказди.

Йиғилишда маҳаллада олиб борилаётган қурилиш-таъмирлаш ишларини тез ва сифатли амалга ошириш, маҳалланинг бошқа ҳудудларида ҳам таъмир ишларини бошлаш масалалари муҳокама этилди ва бу борада амалга ошириладиган ишлар режаси белгилаб олинди.

🔵@Сhilonzor_tumani_hokimligi

#Ўрганиш
#Кўтарма_маҳалласи
#Обод_маҳалла_обод_кўча_обод_хонадон

Хабарингиз бор, Чилонзор тумани "Кўтарма" маҳалласида "Обод маҳалла-обод кўча-обод хонадон" дастури доирасида 17-, 18-, 19- ва 20-сонли кўпқаватли уйлар оралиғидаги ҳудуд ва кўпқаватли уйлар бинолари таъмирланиб обод масканга айлантирилмоқда.

Куни кеча айни шу маҳаллада Тошкент шаҳар ҳокими Шавкат Умурзаков, унинг ўринбосарлари, пойтахтимиздаги секторлар, ташкилот ва идоралар раҳбарларидан иборат ишчи гуруҳ томонидан ўрганиш ўтказилди.

Ўрганишлар жараёнида мавжуд муаммо ва масалалар таҳлил қилинди, маҳалланинг инфратузилмаси, қиёфасини ягона стандартга келтириш, аҳоли учун шаффоф мониторинг тизимини яратиш орқали режа ва ўзгаришлардан хабардор қилиш зарурлиги айтилди.

Шунингдек, масъул раҳбарлар томонидан маҳалланинг яшил майдонларига эзгу ниятлар билан кўчатлпр ўтқазилди. Ўрганишлар жараёнида туман ҳокими Саидқаҳҳор Холхўжаев мазкур маҳаллада олиб борилаётган ишлар ҳақидаги тақдимотни масъуллар ва аҳоли эътиборига ҳавола қилди.

👉👉👉Лавҳамизда жараёнлар

🔵@Сhilonzor_tumani_hokimligi

#Обод_маҳалла_обод_кўча_обод_хонадон
#Кўтарма_маҳалласи
#Очилиш_маросими

Бугун “Кўтарма” маҳалласи аҳолиси учун қўшалоқ байрам бўлди. Рамазон ҳайити байрами маҳалладаги обод масканнинг очилиши маросимига уланиб кетди.

Очилиш маросимида туман ҳокими Саидқаҳҳор Холхўжаев, сектор раҳбарлари, Халқ депутатлари Чилонзор тумани кенгаши депутати Доно Махмудова ва бошқа масъуллар иштирок этиб, маҳалла аҳлини Рамазон ҳайити ҳамда маҳаллада барпо этилган обод масканнинг очилиши билан қутлади ва ўзларининг эзгу тилакларини билдирди.

"Кўтарма" маҳалласида "Обод маҳалла-обод кўча-обод хонадон" дастури доирасида 17-, 18-, 19- ва 20-сонли кўпқаватли уйлар оралиғидаги ҳудуд ва кўпқаватли уйлар бинолари таъмирланиб обод масканга айлантирилди.

Шунингдек, янги футбол майдони, болалар ўйингоҳи қурилди. Ички йўллар таъмирланиб, асфальт ётқизилди, пиёдалар йўлаклари барпо этилди.

Маҳалланинг ва туманимизнинг кўркига кўрк қўшган бундай обод масканнинг фойдаланишга топширилиши маҳалла аҳлини чинакамига мамнун қилди ва тумандошларимиз Ҳайит байрамини катта хурсандчилик ва шукроналик ҳисси билан ўтказишмоқда.

👉👉👉Лавҳамизда жараёнлар

🔵@Сhilonzor_tumani_hokimligi