#Коммунал_соҳа
#Дебитор_қарздорлик

Аҳолининг дебитор қарздорлиги нега ошиб бормоқда?

Айни пайтда кўпқаватли уйларга коммунал хизмат кўрсатиш хусусий секторга ўтказилган. Аксарият уйлар Бошқарув сервис компаниясига бириктирилган бўлса, айримларига уй-жой ширкатлари томонидан хизмат кўрсатилади.

Айтиш жоизки, ҳар иккала шаклда ҳам аҳолига коммунал хизмат кўрсатиш сифати уларнинг ҳар ойлик тўловларни ўз вақтида тўлашига боғлиқ. Лекин бугунги кунда кўпқаватли уйларда яшовчи аҳоли томонидан БСК ёки ширкатларга тўловлар ўз вақтида тўланмаган боис, дебитор қарздорлик ошиб кетаётгани кўпчиликка маълум.

Чилонзор туман ҳокимлиги мажлислар залида Тошкент шаҳар прокуратураси, МИБ шаҳар бошқармаси, Савдо-саноат палатасининг шаҳар бошқармаси масъуллари ва туман ҳокимлиги масъул мутасаддилари ҳамда тумандаги БСК ва ширкатлар раҳбарлари иштирокида ўтказилган йиғилишда ҳам айни шу мавзу муҳокама қилинди.

Ўрни келганда айтиш жоизки, биргина кириш йўлакларида чироқ ёниб туриши учун ҳам аҳоли ўз вақтида пул тўлаши керак. Лекин афсуски, уйнинг техник ҳолатини сақлаш учун ойига тўланиши керак бўлган 50 минг сўмни тўлашни ҳам эп кўрмаётганлар кўпчиликни ташкил этади.

Йиғилишда шу каби масалалар муҳокама этилиб, аҳоли орасида тугшунтириш ишларини олиб бориш, мулкдорларга тўловларни ўз вақтида тўлаш лозимлигини, шундагина компанияда кўпқаватли уйлардаги муаммоларни бартараф этиш имконияти пайдо бўлишини тушунтириш лозимлиги таъкидлаб ўтилди.

Aҳолининг коммунал маданияти шаклланмаса, ҳамма бирдек дахлдорлик туйғусини ҳис қилмаса, кўпқаватли уйлардаги коммунал муаммолар давом этаверади, дея таъкидлаб ўтди масъуллар.

👉👉👉 Лавҳамизда жараёнлар