#Касб_байрами
#164_мактаб

Мактаб... Ҳар бир ўқувчи қалбида ширин хотиралар, билим олиш ва касб танлаш жараёнлари кечадиган қадрдон даргоҳ. Бугунги кунда мактабларга, таълим ва тарбия жараёнларига алоҳида эътибор қаратилаётгани бежиз эмас. Мактабларга маҳалла еттилиги, Миллий гвардия тизимини кўмакчи этиб белгилашнинг ҳам ўзига хос ижобий жиҳатлари кўп.

Бу борада туманимиздаги "Зарқўрғон" маҳалласи раиси Дилбар опа Қобилова бошчилигидаги маҳалла еттилигининг ҳудуддаги 164-сонли умумтаълим мактаби жамоаси билан ҳамкорликда олиб бораётган ишлари ўқувчиларнинг билим олиш ва касб-ҳунар танлашга қизиқишлари ошишида муҳим ўрин тутмоқда.

Шунингдек, куни кеча айни мактабда маҳалла еттилиги ҳамкорлигида ўтказилган "Касб байрами" тадбири ҳам ўқувчиларда чуқур таассурот қолдирди. Тадбирда аввало, ў‌кувчиларнинг турли соҳаларга қизиқишларига қараб улар томонидан тайёрланган тикувчилик, дизайнерлик, ҳунармандлик, пазандалик, рассомлик, дурадгорлик, этикдўзлик, сартарошлик, тиббиёт, фармацевтика, IT , электроника ва бошқа соҳалар бў‌йича маҳсулотлар ярмаркаси ташкил этилди.

Бундан ташқари, тадбир давомида МФЙ раиси томонидан таклиф этилган IT академиями катта ўқитувчиси Руслан Голованов, "Ҳамкор банк" ходими Сухроб Абдурахманов ва "Саноатқурилишбанк" ходими Ғайрат Қулматовлар билан битирувчи ва юқори синф ўқувчилари учун IT соҳаси ва банк тизими бўйича қизиқарли суҳбатлар ҳам ўтказилди.

Байрамона тадбирда ўқувчилар томонидан тайёрланган концерт дастури ҳам намойиш этилди ва иштирокчиларга хуш кайфият бахш этди.

Тадбир якунида касблар ярмаркаси ва бошқа йўналишларда фаол иштирок этган ўқувчилар фахрий ёрлиқлар ва совғалар билан тақдирланди.

👉👉👉 МФЙ еттилиги ва мактаб маъмурияти томонидан ташкил этилган ушбу тадбир, айниқса, мактаб таълимини битирувчи ёшларнинг ўзлари учун касб ва ҳунар танлашларида муҳим аҳамият касб этди.

🔵@Сhilonzor_tumani_hokimligi