#ЗАКОВАТ

“Заковат” кичик турнирида чилонзорликлар ғолиб бўлди

Дунёни илм ва заковат қутқазади, дейди доноларимиз. Шу боис ҳам, ҳозирги вақтда юртимизнинг барча мактабларида заковат клублари ташкил этилган ва илм баҳсида ўқувчиларимиз кундан-кунга фаоллашиб бормоқда.

Шу кунларда “Заковат” интеллектуал мусобақаларининг мактаблар орасида туманлараро дўстлик турнирлари ўтказилмоқда.

Куни кеча Учтепа туманидаги 81-ИДУМда туманимиздаги 201-сонли умумтаълим мактаби, Учтепа туманидаги 238- сонли умумтаълим мактаби ва мезбон мактабнинг “Заковат” клуби терма жамоалари ўртасида кичик турнир юқори савияда ташкил этилди.

Турнирда 2 турда 11 тадан жами 22 та савол ўйналди. Турнир натижаларига кўра, туманимиздаги 201- сонли умумтаълим мактаби жамоаси 12 балл билан 1-ўринни эгаллади. Учтепа туманидаги 81-ИДУМ жамоаси эса 10 баллга эга бўлди ва 2-ўрин соҳиби бўлди. Учинчи ўрин Учтепа туманининг 238-сонли умумтаълим мактаби жамоасига насиб қилди ва улар турнирда 8 бал олди.

Ўқувчилар ўртасида бундай қизиқарли учрашувлар яна давом этади.

🔵@chilonzor_tuman_hokimligi

#Заковат
#Маҳалла_еттилиги
#Чилонзорда

Республикада илк бор Чилонзорда бошланди

Чилонзор тумани ҳокимининг ташаббуси билан Республикада илк бор тумандаги МФЙлар еттилиги орасида “Заковат” интеллектуал ўйини бўйича туман ҳокими кубоги мусобақалари ташкил этилди.

Ўйиннинг саралаш босқичида бугун интеллектуал майдонда туманнинг 1- ва 2- секторларида жойлашган 26 та маҳаллаларнинг еттиликлари иштирок этди.

Интеллектуал баҳслар орқали иштирокчиларнинг ҳар томонлама билимлари синовдан ўтказилди.

Ўйинда иштирокчилар 20 та саволларга жавоб излади ва жавоб беришди.

Натижада 1- сектордан:

🟣 Биринчи ўрин-“Шарқ” маҳалласи;
🟣 Иккинчи ўрин-“Тирсакобод” маҳалласи;
🟣 Учинчи ўрин- “Ал Хоразмий” маҳалласи еттилигига берилди.

2-сектордан эса:

🟠 Биринчи ўрин- “1-Катта Чилонзор” маҳалласи;
🟠 Иккинчи ўрин- “Бешёғоч” маҳалласи;
🟠 Учинчи ўрин-“3-Чарх Камолон” маҳалласи еттилиги жамоаларига насиб этди.

👉👉👉Ғолиб жамоалар ўйиннинг туман босқичига йўлланма олди.

👏👏👏Ғолиб жамоаларни қутлаймиз ва кейинги босқичларда ҳам омад тилаб қоламиз.👏👏👏

@Chilonzor_tumani_hokimligi

#Маҳалла_еттилиги_бир_жамоада
#Бир_стол_атрофида
✅#Финал_босқичи

🇺🇿Туман ҳокимлиги ташаббуси билан илк маротаба тумандаги маҳалла еттилиги ўртасида #Заковат билимдонлар беллашувига старт берилган эди.

✅ #29_02_2024 йил, соат ⏰14:30да Тошкент давлат Иқтисодиёт университети #Заковат клубида беллашувнинг #финал босқичи бўлиб ўтади.

✅#Финалда сектор саралаш босқичларида 1-2-3-ўринларинларни эгаллаган жами #12_та маҳалла жамоалари иштирок этишади.

➡️Барча маҳалла жамоаларига омад тилаган ҳолда фаол иштирок этишларини сўраб қоламиз.

🔵@Сhilonzor_tumani_hokimligi

#Чилонзор_тумани_ҳокими_кубоги
#Билимлар_жанги_ФИНАЛ
#Рингда_мактаб_битирувчилари

Чилонзор тумани ҳокими кубоги учун эълон қилинган #Заковат билимдонлар беллашувининг #финал босқичи бўлиб ўтди

Ҳар йили мамлакатимизда июнь ойи давомида кенг нишонланадиган "Ёшлар ойлиги" Чилонзор туманида ўзгача бир анъана билан бошланди.

"Янги Ўзбекистон ёшлари бирлашайлик" шиори остида ўтказиладиган турли тадбирлар доирасида туманимиздаги мактаб битирувчилари ўртасида ўтказилган "Заковат" интеллектуал ўйини бўйича туман ҳокими кубоги мусобақалари ўтказилди. Олдинги босқичларда маҳаллалар ва секторлар кесимида ўтказилган интеллектуал баҳсларда ғолиб бўлган 4 та жамоа ўртасида кескин беллашувлар бўлди.

Туманимиздаги Абдулқосим мадрасаси ҳовлисида қизиқарли, ҳис-ҳаяжонларга бой тарзда бўлиб ўтган кубокнинг якуний босқичи мусобақасини туман ҳокими Саидқаҳҳор Холхўжаев, сектор раҳбарлари ва вазирлик ҳамда бошқармалардан таклиф этилган масъул раҳбарлар ва халқимизнинг севимли актёрлари табрик сўзлари билан очиб берди ва финалгача етиб келган жамоаларнинг беллашувларини томоша қилишди. Тадбирда, шунингдек, туманимиздаги мактаблар раҳбарлари, ота-оналар иштирок этиб, жамоаларни қўллаб-қувватлаб туришди.

Мусобақа якунига кўра:

1️⃣-ўрин 162-мактаб жамоасига

2️⃣-ўрин 201-мактаб жамоасига

3️⃣-ўрин 164-мактаб жамоасига

4️⃣-ўрин 178-мактаб жамоасига насиб этди.

Ғолиб ва совриндорларга махсус кубог, фахрий диплом ва ҳар бир иштирокчига қимматбаҳо совғалар ҳамда улар таҳсил олган мактаблар учун сараланган бадиий китоблар ва спорт анжомлари, шахмат-шашка доскалари, футбол тўплари тақдим қилинди.

👉👉👉 Лавҳамизда билимдонлар баҳси жараёнлари

🔵 @Сhilonzor_tumani_hokimligi