#Тақдирлаш

Хабарингиз бор, куни кеча Чилонзор тумани “Кўтарма” маҳалласи ҳудудида кўп қаватли уй қурилиши ишларининг бошланиши аҳоли эътирозларига сабаб бўлиб, масъуллар томонидан қурилиш ишлари тўхтатилди.

Мазкур манзилда тадбиркор ҳудудни ўраб олиш ишларини бошлаган вақтида “Кўтарма” маҳалласида фаолият олиб борувчи Чилонзор тумани ИИО ФМБ 1-сон бўлими профилактика катта инспектори капитан Қудабаев Азимжон Якубжанович вазиятга тўғри баҳо берган ҳолда жараённи ўз вақтида тўхтатиб қолди.

Маҳалла нозирининг бу ҳаракатлари туман ҳокимлиги, аҳоли ҳамда ижтимоий тармоқ фойдаланувчиларининг эътирофига сазовор бўлди.

Шу сабабли бугун Чилонзор тумани ҳокими С.Холхўжаев ва сектор раҳбарлари томонидан ушбу ходимнинг ўз касбига садоқатли меҳнати учун миннатдорчилик билдирилди ва муносиб тақдирланди.

Шу ўринда, туманимизда жамоат хавфсизлиги, аҳоли осойишталигини таъминлаш, тинчлик ва барқарорликни мустаҳкамлашга муносиб ҳиссасини қўшаётган, жиноятчиликка қарши курашиш, фуқароларнинг ҳуқуқ ва эркинликлари, қонуний манфаатларини ҳимоя қилиш йўлидаги ибратли фаолияти, шарафли бурчини бажаришда мардлик ва жасорат намунасини кўрсатаётган барча ходимларга ўз миннатдорчилигимизни билдириб қоламиз.

🔵@chilonzor_tuman_hokimligi

#ТАҚДИРЛАШ
#Вилоятлардан_кўмакка_келган_электриклар_тақдирланди

Хабарингиз бор, туманимизда электр таъминотида узилишлар бўлган аномал совуқ кунларида вилоятлардан келган электрик мутахассислар туну-кун, фидойиларча меҳнат қилиб аҳолимизни электр билан таъминлашга ўзининг ҳиссаларини қўшди.

-Туманимиз аҳолиси ва туман ҳокимлиги номидан Сизларга чин қалбдан миннатдорчилик билдирамиз, мустаҳкам соғлик, оилавий бахт, фаолиятларингизда ривожлар тилаб қоламиз, ёз ойларида оилангиз билан туманимизга меҳмонга келинг, Ғафур Ғулом боғида ва бошқа диққатга сазовор жойларимизда ҳордиқ оласизлар, - дея ўз миннатдорчилигини ва самимий таклифларини билдирди туман ҳокими Саидқаҳҳор Холхўжаев тақдирлаш маросимида.

👉👉👉Лавҳамизда тақдирлаш жараёнлари

#ТАҚДИРЛАШ
#Вилоятлардан_кўмакка_келган_электриклар_тақдирланди

Хабарингиз бор, туманимизда электр таъминотида узилишлар бўлган аномал совуқ кунларида вилоятлардан келган электрик мутахассислар туну-кун, фидойиларча меҳнат қилиб аҳолимизни электр билан таъминлашга ўзининг ҳиссаларини қўшди.

Бир гуруҳ электрикларимиз “Ҳудудий электр тармоқлари” АЖ мутасаддилари томонидан ҳам тақдирландилар.

👉👉👉Лавҳамизда тақдирлаш жараёнлари

#Тақдирлаш

Чилонзор тумани ҳокими кўкрак нишони билан тақдирланди

Чилонзор тумани ҳудудида бир қанча Республика миқиёсидаги тиббий муассасалар билан бирга 7 та оилавий поликлиника, 1 та Марказий кўп тармоқли поликлиника, 1 та туғруқхона ва кўплаб хусусий клиникалар ҳам аҳолига хизмат кўрсатиб келмоқда.

Албатта, ушбу тиббий муассасаларга коммунал хизмат кўрсатиш, биноларни таъмирлаш ишлари, атрофини ободонлаштириш каби муҳим йўналишлар туман ҳокимлиги зиммасига юклатилган. Айтиш мумкинки, туман ҳокимлиги томонидан ҳудудда жойлашган тиббий муассасаларга алоҳида эътибор қаратилади ва бу ерда аҳолимизга сифатли хизмат кўрсатилиши учун шарт-шароит яратилиб келинмоқда.

Шу жиҳатларни эътиборга олиб Соғлиқни сақлаш вазирлиги томонидан туманимиз ҳокими Саидқаҳҳор Холхўжаевга соғлиқни сақлаш соҳасини ривожлантиришга, шунингдек соҳадаги муаммолар ва уларни бартараф этиш масалалаларига қўшиб келаётган муносиб ҳиссаси учун “Ўзбекистон Республикаси Соғлиқни сақлаш аълочиси” кўкрак нишони топширилди.

Саидқаҳҳор Холхўжаевга ушбу мукофотни Тошкент шаҳар Соғлиқни сақлаш бошқармаси мутасаддилари ва туман Тиббиёт бирлашмаси раҳбари тантанали равишда топширди.

🔵@Сhilonzor_tuman_hokimligi

#Тақдирлаш

Тошкент шаҳар Нуронийлар жамғармасининг жорий йилдаги фаолияти якунларига кўра жамғарма ишларида жамоатчилик асосида фаол иштирок этиб келаётгани учун Чилонзор тумани Камбағалликни қисқартириш ва бандликка кўмаклашиш бўлими бошлиғи Мирзоҳид Абдуқодиров Тошкент шаҳар Нуронийлар кенгаши томонидан "Ташаккурнома" ва совғалар билан тақдирланди.

Нуронийлар кенгашининг "Ташаккурнома"сини туман ҳокими Саидқаҳҳор Холхўжаев ва ҳокимлик мутасаддилари тантанали равишда топширди.

Туманимизда яшовчи нуронийларимизни ҳар томонлама қўллаб-қувватлашда хайрли ташаббуслар билан ўз ҳиссасини қўшиб келаётган Мирзоҳид Абдуқодировнинг бундан кейинги ишларига ҳам омад тилаймиз.

🔵@Сhilonzor_tuman_hokimligi

#Тақдирлаш

Чилонзор тумани ҳокими Саидқаҳҳор Холхўжаев, туман прокурори Жаҳонгир Муротов ва ҳокимлик мутасаддилари биргаликда Ўзбекистон Қуролли Кучлари ташкил этилганининг 32 йиллиги ҳамда Ватан ҳимоячилари куни муносабати билан Чилонзор тумани Мудофаа ишлари бўлими мутасаддилари ва хизматчиларини табриклади.

Байрам муносабати билан туман Мудофаа ишлари бўлимида хизмат қилаётган ҳарбийларимизга эзгу тилаклар билдирилиб, туман ҳокимлигининг совғалари топширилди.

👉👉👉 Лавҳамизда жараёнлар

🔵@Сhilonzor_tumani_hokimligi

#Тақдирлаш

7 нафар энг фаол маҳалла раислари тақдирланди

Чилонзор тумани ҳокимлиги ва Маҳаллалар уюшмаси туман бўлими томонидан туманимиздаги 7 нафар энг фаол маҳалла раислари замонавий компьютер жамланмалари билан тақдирланди.

👏👏👏Ўзига юклатилган барча вазифаларни намунали амалга ошириб келаётган, айниқса, айни пайтдаги совуқ об-ҳаво шароитида аҳолининг талофат кўрмаслиги учун йўллардаги музламаларни тозалаш, коммунал муаммоларнинг тезкорликда бартараф этилишига ҳисса қўшиб, туну-кун маҳалла аҳлининг осойишталиги йўлида фидойилик кўрсатган МФЙ раисларини ушбу мукофот билан қутлаймиз ва келгуси ишларига муваффақиятлар тилаймиз.👏👏👏👏👏👏👏👏👏👏

Шу ўринда айтиш жоизки, туманимиздаги барча МФЙлар раислари, маҳалла бешликлари маҳалла аҳлининг совуқ об-ҳаво шароитидаги ноқулайликлардан жабр кўрмасликлари учун фидойиларча хизмат қилмоқда.

👉👉👉Туман ҳокимлиги ва Маҳаллалар уюшмасининг туман бўлими томонидан МФЙ раислари ва маҳалла бешликларини рағбатдантириш тадбирлари яна давом эттирилади.

@chilonzor_tuman_hokimligi

#Тақдирлаш_маросими

Хабар берганимиздек, юртимиз бўйлаб ДХХ кубоги бўйича спорт мусобақалари давом этмоқда.

Мусобақаларнинг Тошкент шаҳар босқичида Чилонзор тумани қизлар жамоаси ғолибликни қўлга киритди ва Республика босқичига йўлланма олди.

Куни кеча ЖАР спорт мажмуасида ғолиб жамоа қизларини тантанали тақдирлаш маросими ўтказилди.

👉👉👉Лавҳамизда тадбир жараёнлари

🔵@Сhilonzor_tumani_hokimligi