#Чилонзор_ОАВ_да

#Ёшларни_қўллаб_қувватлаш_ва_аҳоли_саломатлигини_мустаҳкамлаш_йили

Чилонзор тумани ҳокимлиги ва туман тиббиёт бирлашмаси томонидан аҳоли саломатлиги, айниқса, аёлларимиз саломатлигини сақлаш бўйича тизимли ишлар олиб борилмоқда. Негаки, аёллар соғлом бўлса, генофондимиз соғлом бўлади, келажак авлод баркамол бўлади. Бу борада, аёлларда кўпроқ учрайдиган ҳаёт учун хавфли касалликларнинг олдини олиш энг муҳим омилдир.

Бу борада Чилонзор тумани тиббиёт бирлашмаси Марказий поликлиникасида аёлларда одам папиллома вируси билан боғлиқ касалликларнинг олдини олиш бўйича ташхизлаш юзасидан тиббий кўрик ўтказилмоқда. Тумандаги 5000 нафар аёлни қамраб олган ушбу кўрик жараёнида аёлларга аниқ ташхиз қўйилади ва вирус аниқланган ҳолда даволаш чоралари кўрилади.

Республика Вирусология илмий-тадқиқот институти ва Жанубий Кореянинг халқаро Соғлиқни сақлаш фонди билан ҳамкорликда амалга оширилаётган инвестицион пилот лойиҳаси доирасида амалга оширилаётган бундай тиббий кўриклар, аёлларимиз саломатлигини мустаҳкамлашда муҳим аҳамият касб этади.


Эслатиб ўтамиз, ушбу тиббий кўрик 3 ой давомида олиб борилади.

“Ўзбекистон-24” телеканали эфирларида тиббий кўрик жараёнлари батафсил ёритилди.

#Ёшларни_қўллаб_қувватлаш_ва_аҳоли_саломатлигини_мустаҳкамлаш_йили
#Ёшлар_сиёсати_амалда

1 майдан қандай янгиликлар кутиляпти?

✅ 31 ёшга тўлмаган фуқароларнинг IELTS, TOEFL, GMAT, GRE, SAT каби халқаро имтиҳон тизимларидан юқори балл олган ёшларнинг имтиҳон харажатлари қоплаб берилади;

✅ Ижарада яшовчи талабалар учун ижара харажатларининг 50%и Давлат бюджетидан қоплаб берилади. Бунда қоплаб бериладиган сумма Тошкент шаҳрида максимал тўлов 245 минг сўмдан, бошқа ҳудудларда эса 122 500 сўмдан ошмаслиги керак;

✅ Мамлакатимизга 2005 йил 1 январга қадар келиб, доимий яшаётган, шунингдек мамлакатимизда 15 йил давомида доимий яшаб турган фуқаролиги бўлмаган (чет давлат фуқаролигини қабул қилмаган) шахслар томонидан истак билдирилган тақдирда Ўзбекистон фуқароси деб тан олиш тартиби жорий қилинади;

✅ Давлат ҳокимияти ва бошқаруви органлари ходимлари сони 15 фоизга (5 288 та) қисқартилади;

✅ Деҳқончиликни бошлаётган “Ёшлар дафтари”даги ёшларга уруғлик ва кўчат харид қилиши учун 2 млн сўмгача субсидия берилад;

✅ “Ёшлар дафтари”га киритилган тадбиркорлик фаолиятини бошлаш учун бино ва иншоотларни ижарага олган ёш тадбиркорларга ижара харажатлари 30 фоизи компенсация қилинади;

✅ “Ёшлар дафтари”га киритилган ёшларга коллеж ва техникум ўқувчиларига амалиёт ўтган вақти учун 6 ой давомида 490 минг сўмдан субсидия тўланади;

✅ Тадбиркорларга:

➖ 25 ёшдан ошмаган ходимлар учун тўланган ижтимоий солиқ суммаси қайтариб берилади;
➖ “Ёшлар дафтари”даги ёшларни ишга олишса, давлат мулки ижараси бўйича имтиёзлар берилади;

✅ Ёпиқ масканларда концерт-томоша тадбирларини ўтказиш тақиқланади.

#Ёшларни_қўллаб_қувватлаш_ва_аҳоли_саломатлигини_мустаҳкамлаш_йили
#Ёшлар_сиёсати_амалда

Касб танлаш... Негадир бу масалага айрим ёшлар бефарқроқ қарайди. Аслида ўзи севган касб бўйича ўқиб, олган билимлари асосида халққа чин дилдан хизмат қилиш ҳар бир инсон учун бахтку. Ёшларнинг ҳаётда қийналмай ўз ўринларини топишида ҳам бу омил жуда муҳим саналади. Шу боис ҳам, айни дамларда мамлакатимиздаги барча ОТМлар битирувчи ўқувчилар учун “Очиқ эшиклар” кунларини ўтказмоқда.

Жумладан, Чилонзор туманида жойлашган Низомий номидаги Педагогика Университети раҳбарияти ва масъуллари ҳамда туман ҳокимлиги масъуллари, туман Халқ таълими бўлими томонидан 195-сонли умумтаълим мактабида ўтказилган “Очиқ эшиклар” кунида ҳам тумандаги мактабларни битирувчи ўқувчиларга Университетдаги турли йўналишлар ва факультетлар, мутахассисликлар бўйича қизиқарли маълумотлар тақдим этилди.

Лавҳамизда тадбир жараёнлари

#Ёшларни_қўллаб_қувватлаш_ва_аҳоли_саломатлигини_мустаҳкамлаш_йили

3-сектор: Кам таъминланган оилалар фарзандларига компьютер саводхонлиги курси бепул ўқитилмоқда

Чилонзор тумани “Оқ-тепа” маҳалласи ҳудудида фаолият олиб бораётган ЯТТ “Gold Grant Targe” ўқув маркази 2019 йилда ўз фаолиятини бошлаган. Ўқув марказига ҳозирда маҳалла худудида яшовчи 43 нафар ёшлар жалб қилинган бўлиб бу ерда инглиз, рус, корейс тиллари ва математика фанидан машғулотлар олиб борилади.

Ички ишлар вазири ўринбосари - Тошкент шаҳар ИИББ бошлиғи, Генерал-майор Азиз Тошпўлатовнинг ташаббуси билан “Gold Grant Targe” ўқув маркази қошида компьютер саводхонлиги курси ҳам ташкил этилди ва 10 дона компьютер тўпламлари билан жиҳозланди.

Аҳамиятли жиҳати шундаки, ушбу ўқув марказига Чилонзор тумани 3-сектор маъмурий ҳудудида жойлашган маҳаллаларда яшовчи ижтимоий муҳофазага муҳтож оилаларнинг фарзандлари компьютер саводхонлигидан ва ўзи қизиққан яна бир фандан бепул таҳсил олиш имкониятига эга бўлдилар.

Ўқув курси 6 ой давом этади ва машғулотлар якунида битирувчига “SERТIFIKAT” берилади.

Чилонзор тумани ҳокимлиги
Матбуот хизмати

#Ёшларни_қўллаб_қувватлаш_ва_аҳоли_саломатлигини_мустаҳкамлаш_йили

Тор мутахассислар маҳаллаларда манзилли тиббий кўрик ўтказмоқда

Тинчлик ва соғлик – инсон ҳаёти учун энг керакли неъматлар. Бу икки йўналиш давлатимиз ижтимоий сиёсатининг муҳим негизлари этиб белгиланган. Айтиш мумкинки, Президентимиз раислигида 18 май куни соғлиқни сақлаш соҳасидаги ислоҳотлар самарадорлигини ошириш чора-тадбирлари муҳокамаси юзасидан ўтказилган видеоселектор йиғилишида белгилаб берилган 5 та йўналиш доирасида жойларда ишлар бошлаб юборилди.

Жумладан, Чилонзор туманининг Боғзор маҳалласи аҳолиси учун ташкил этилган тиббий кўрик ҳам давлатимиз раҳбари кўрсатиб ўтган иккинчи йўналиш бўйича ўтказилмоқда. Маҳаллада Республика ва шаҳар миқиёсидаги ихтисослаштирилган клиникалар ва шифохоналардан келган тор мутахассислар иштирокида тиббий тизимда белгиланган 3-гуруҳ яъни сурункали касалликлари мавжуд аҳоли учун бевосита маҳалла идорасининг ўзида, 4-гуруҳга киритилган ётоқли касаллар учун эса хонадонларига борилган ҳолда манзилли тиббий кўриклар ўтказилмоқда.

Аҳоли саломатлиги йўлидаги бундай тиббий кўриклар касалликларни эрта аниқлаш ва шу орқали фуқароларимиз саломатлигини мустаҳкамлашга хизмат қилади.

Чилонзор тумани ҳокимлиги
Матбуот хизмати