#Маҳалладан_хабарлар
#Куз_қиш_мавсумига_тайёргарлик
#Депутат_ўрганиш_ўтказди

Кўпқаватли уйларнинг куз-қиш мавсумига тайёргарлиги ҳозирги кундаги энг долзарб масалалардан биридир. Шу боис, Халқ депутутлари Чилонзор тумани кенгаши депутати Доно Маҳмудова ўз округида жойлашган “Кўтарма” маҳалласида кўпқаватли уйлар бириктирилган “Яшил макон” БСК раҳбари билан биргаликда кўпқаватли уйларнинг куз-қиш мавсумига тайёргарлик ҳолати юзасидан очиқ мулоқот ўтказди.

Очиқ мулоқот жараёнида айрим кўпқаватли уйларнинг ертўла қисмидаги коммуникация тармоқларида таъмирталаб жойлар борлиги, баъзи тураржойларнинг том қисмида ҳам таъмирланиши лозим бўлган жойлар борлиги аҳоли томонидан маълум қилинди.

Мулоқотдан сўнг, депутат мурожаат бўлган манзилларни бориб кўздан кечирди ва БСК масъулларига ушбу муаммоларни тез кунларда бартараф этиш ишларига жиддий эътибор қаратишларини сўради.

👉👉👉 Ўз округидаги сайловчилари муаммоларига бефарқ бўлмасдан айни кунлардаги долзарб муаммоларга эътибор қаратгани учун Доно Махмудовага миннатдорлик билдирамиз ва бу йўналишдаги муаммоларни “Яшил макон” БСК масъуллари тезкорлик билан бартараф этадилар, деган умиддамиз.

🔵@Сhilonzor_tuman_hokimligi