#Қарор_ва_ижро
#50_қарор

“Катта Навбаҳор” маҳалласининг ички кўчалари асфальтланмоқда

Ўзбекистон Республикаси Президентининг 2023-йил 9-февралдаги “Тошкент шаҳрининг ижтимоий-иқтисодий вазифаларини жадал суръатларда ҳал этиш ҳамда аҳоли фаровонлигини яхшилашга доир қўшимча чора- тадбирлар тўғрисида”ги 50-сонли қарори ижросини таъминлаш мақсадида Чилонзор туманидаги маҳаллаларда кенг кўламли ишлар олиб борилмоқда.

👉👉👉Жумладан, “Катта Навбаҳор” маҳалласининг ички кўчаларида ҳам асфальтлаш ишлари олиб борилмоқда. Шунингдек маҳалланинг 1-,2-, 3-, 4- ҳамда 45-сонли кўпқаватли уйларининг атрофидаги ирригация тармоқлари ҳам янгиланмоқда.

👉👉👉 Лавҳамизда жараёнлар

🔵@chilonzor_tuman_hokimligi

#Қарор_ва_ижро

#Давра_суҳбати

“Atlas Invest” корхонасида тадбиркорлар билан давра суҳбати ўтказилди

Хабарингиз бор, жорий йилнинг 3 июлида давлатимиз раҳбарининг “Тошкент шаҳри Чилонзор туманининг саноат салоҳиятини ва инвестиция жозибадорлигини оширишга доир қўшимча чора-тадбирлари тўғрисида”ги 201-сонли қарори эълон қилинган эди.

Бугунги кунда туманимизда айни қарор ижроси доирасидаги чора-тадбирлар бошлаб юборилган. Жумладан, Чилонзор тумани ҳокими Саидқаҳҳор Холхўжаев ва сектор раҳбарлари бошчилигида тумандаги саноат зонасида жойлашган “Atlas Invest” корхонасида ҳудудда фаолият олиб бораётган тадбиркорлар учун давра суҳбати бўлиб ўтди.

Давра суҳбати жараёнида тадбиркорларга Ўзбекистон Республикаси Президентининг 2023 йил 3 июлдаги “Тошкент шаҳри Чилонзор туманининг саноат салоҳиятини ва инвестиция жозибадорлигини оширишга доир қўшимча чора-тадбирлари тўғрисида”ги қарори ҳамда “20 минг тадбиркор ва 500 минг малакали мутахассис” дастури доирасида улар учун яратилган имкониятлар ва имтиёзлар ҳақида тушунтиришлар берилди.

Хусусан, Президент қарори билан Чилонзор туманининг “Бешқўрғон” ва “Тирсакобод” маҳалла фуқарорлар йиғинлари ҳудудидаги 320 гектар ер майдонида 30 йил муддатга кичик саноат зонаси мақомидаги “Индустриал ҳудуд” ташкил этилиши, мазкур ҳудуднинг саноат салоҳиятини ошириш, юқори технологияларга асосланган ишлаб чиқариш йўлга қўйилиши, тадбиркорлик субъектлари ва хорижий инвесторлар ўртасида саноат кооперация алоқаларини кенгайтириш, юқори қийматга эга бўлган маҳсулотларни ишлаб чиқариш учун тўғридан-тўғри инвестицияларнинг жалб қилиниши каби йўналишларда амалга оширилиши режалаштирилаётган ишлар ҳақида батафсил маълумотлар берилди.

Шунингдек, халқаро стандартларга асосланган энергия тежамкор, атроф-муҳит муҳофазасини таъминлашга қаратилган ва экологик хавфсиз ишлаб чиқариш қувватлари барпо этилиши, “Индустриал ҳудуд”нинг транспорт, муҳандислик-коммуникация ва йўл инфратузилмасини ривожлантириш орқали тадбиркорлар лойиҳалари амалга оширилиши, корхоналарда “амалий мономарказлар”ни ташкил қилиш орқали тадбиркорлик субъектлари фаолияти учун малакали мутахассислар тайёрлаш тизими йўлга қўйилиши хақида ҳам айтиб ўтилди.

Бундан ташқари, давра суҳбатида ҳукумат қарори билан тасдиқланган “20 минг тадбиркор – 50 000 минг малакали мутахассис” дастури доирасида тадбиркорларга берилган имтиёзлар ҳақида ҳам батафсил маълумотлар тақдим этилди.

👉👉👉 Давра суҳбати очиқ мулоқот тарзида давом этди ва тадбиркорлар томонидан берилган саволларга мутасаддилар томонидан тўлиқ жавоблар берилди.

🔵@chilonzor_tuman_hokimligi

#Қарор_ва_ижро
#ПҚ_50
#Бешқўрғон_маҳалласи

Ўзбекистон Республикаси Президентининг 2023-йил 9-февралдаги “Тошкент шаҳрининг ижтимоий-иқтисодий вазифаларини жадал суръатларда ҳал этиш ҳамда аҳоли фаровонлигини яхшилашга доир қўшимча чора- тадбирлар тўғрисида”ги 50-сонли қарори ижросини таъминлаш мақсадида Чилонзор туманидаги маҳаллаларда ҳам кенг кўламли ишлар олиб борилмоқда.

Жумладан, бугун “Бешқўрғон” маҳалласининг Чорбоғ 3-тор кўчасининг 600 метр қисмига асфальт қопламаси ётқизилди. Бундан ташқари, маҳалланинг 1- ва 3- Чорбоғ тор кўчаларида 760 метр оқова сув тармоқлари қурилди.

Айтиш жоизки, жорий йилнинг охиригача “Бешқўрғон” маҳалласининг 1- ва 3-Чорбоғ тор кўчалари ҳамда 1-ва 4-Бешқўрғон берк кўчаларида яна 1 минг 750 метр оқова сув қувурлари ўрнатилади.

👉👉👉Лавҳамизда Чорбоғ 3-тор кўчасида олиб борилаётган асфальтлаш жараёнлари

🔵@chilonzor_tuman_hokimligi

#Қарор_ва_ижро
#ПҚ_5216

Давлатимиз раҳбарининг “Етим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида”ги 5216-сонли қарорининг ижроси доирасида туманда етим болалар ва ота-она қарамоғидан маҳрум бўлган болаларнинг ҳуқуқ ва эркинликларини рўёбга чиқариш, ижтимоий ҳимоясини кучайтириш, уларни давлат томонидан қўллаб-қувватлаш механизмларини янада такомиллаштириш, шунингдек, етим болалар ва ота-она қарамоғидан маҳрум бўлган болаларни давлат томонидан қўллаб-қувватлаш борасида Чилонзор тумани ҳокимлиги томонидан тизимли ишлар олиб борилмоқда.

Жумладан, куни кеча Чилонзор тумани хокимлиги мутасаддилари томонидан Яшнобод тумани 2-Авиасозлар кўчасидаги 59-уй 78-хонадоннинг калити 23-сонли Меҳрибонлик уйи собиқ битирувчиси Радаев Евгений Константиновичга тўлиқ жиҳозланган ҳолда топширилди.

Уй-жойга муҳтож сифатида эътироф этилган Е.Радаев давлатимиз раҳбарига ва Чилонзор тумани ҳокимлигига ўз миннатдорчилигини билдирди.

🔵@chilonzor_tuman_hokimligi

#Оқова_сув_тармоқлари_Чилонзорда
#Қарор_ва_ижро
#ПҚ_50

Коммунал соҳада азалдан оқова сув тармоқлари билан боғлиқ муаммолар бўлиб келган. Чилонзор туманида ҳам маҳаллалардаги айрим кўчалар ҳанузгача оқова сув тармоқларга уланмаган эди.

Ўзбекистон Республикаси Президентининг 2023-йил 9-февралдаги “Тошкент шаҳрининг ижтимоий-иқтисодий вазифаларини жадал суръатларда ҳал этиш ҳамда аҳоли фаровонлигини яхшилашга доир қўшимча чора- тадбирлар тўғрисида”ги 50-сонли қарори ижросини таъминлаш мақсадида Чилонзор туманидаги маҳаллаларда ҳам кенг кўламли ишлар олиб борилмоқда.

Шунингдек, жорий йилнинг ўтган даври мобайнида туманнинг “Бешқўрғон” маҳалласидаги Чорбоғ 1- ва 3- тор кўчаларида 760 метр, “Хайробод” маҳалласидаги Хайробод 2-тор кўчасида 485 метр, “Гавҳар” маҳалласи Гавҳар 2-тор ва Дилхуш кўчаларида 1 минг 955 метр, айни шу маҳалланинг Серқуёш кўчасида 280 метр янги оқова сув тармоқлари ўрнатилди.

Ҳозиргача тумандаги хонадонларнинг барчаси оқова сув тармоқлари билан қамраб олинди ва айрим жойларда тармоқлардаги носозликларни бартараф этиш бўйича тизимли ишлар олиб борилмоқда.

🔵@chilonzor_tuman_hokimligi

#Қарор_ва_ижро
#ПҚ_91

⚡️⚡️⚡️ Чилонзор туманидаги “Алгоритм” подстанциясига қуввати 40 000 КвА бўлган трансформатор ўрнатилмоқда

Туманимиз аҳолисини электр қуввати билан узлуксиз таъминлаш сифатини яхшилаш учун давлатимиз раҳбарининг 91-сонли қарори ижроси доирасида тизимли чора-тадбирлар кўрилмоқда.

Шунингдек, “Алгоритм” подстанциясига қуввати 40 000 КвА бўлган янги электр трансформатори олиб келинди.

Маълумот ўрнида айтиш жоизки, Тошкент шаҳар Чилонзор туманида жойлашган 110/10кВ “Алгоритм” подстанцияси 1983-йилда ишга туширилган. Подстанцияда 2 та куч трансформаторлари мавжуд. Т-1 куч трансформаторининг куввати 25 000 кВА, Т-2 куч трансформаторининг куввати 16000 кВА эди.

Хозирги кунда куз-қиш мавсумида аҳолини ва юридик истеъмолчиларни барқарор электр энергияси билан таминлаш мақсадида ушбу подстанциядаги қуввати 16000 кВА бўлган Т-2 куч трансформатори ўрнига қуввати 40 000 кВА бўлган янги куч трансформатори ўрнатилмоқда.

👉👉👉 Бу эса туманимиз аҳолиси ва бошқа истеъмолчиларга электр қувватини узлуксиз етказиб бериш сифатини янада яхшилайди.

🔵@Сhilonzor_tuman_hokimligi

#Қарор_ва_ижро

"Хонтўпи" маҳалласида "Маҳалла сервис компанияси" ташкил этилади

Президентимизнинг жорий йил 25 июнида маҳаллалар ободлигини таъминлаш, уларни сақлаш ва ободонлаштириш билан боғлиқ муаммоларни бартараф этишнинг янги механизмларини жорий қилиш, аҳоли ва коммунал хизмат ташкилотлари ўртасида самарали ҳамкорликни йўлга қўйиш ҳамда маҳаллалар ҳудудида яшовчи аҳолини маҳалла ободлигига кенг жалб қилиш мақсадида:қабул қилинган "Маҳаллаларни ободонлаштириш, кўкаламзорлаштириш ва қиёфасини тубдан яхшилашга доир қўшимча чора-тадбирлар тўғрисида"ги 234-сонли қарори ижроси доирасида Чилонзор туманида ҳам тизимли ишлар амалга оширилиши режалаштирилмоқда.

Шунингдек, ерли хонадонлар жойлашган маҳаллаларда "Маҳалла сервис компаниялари"ни ташкил этиш юзасидан ҳудудлар ўрганилмоқда.

Бу борада бугун Қурилиш ва уй-жой коммунал хўжалиги вазири биринчи ўринбосари Шерзод Хидоятов ҳамда туман ҳокими Саидқаҳҳор Холхўжаев ва бошқа масъул мутасаддилар туманимизнинг "Хонтўпи" маҳалласида бўлиб ҳудудни ўрганди.

👉👉👉 Ўрганишлар жараёнида "Маҳалла сервис компанияси"ни жойлаштириш мумкин бўлган ҳудудлар кўриб чиқилиб, айни йўналишдаги ташкилий масалалар муҳокама этилди.

🔵@Сhilonzor_tumani_hokimligi