Bugun Milliy bog‘ bilan Adiblar xiyobonida “Ayol uchun” forumi bo‘lib o‘tmoqda.

Forumni tashkil etishdan asosiy maqsad xotin-qizlarning qonuniy manfaatlarini himoya qilish, ularning iqtisodiy, ijtimoiy va siyosiy faolligini oshirish, sog‘lig‘ini saqlash, kasbga o‘qitish va bandligini ta’minlash, tadbirkorlikka keng jalb etish, ehtiyojmand xotin-qizlarni ijtimoiy qo‘llab-quvvatlash, gender tenglikni ta’minlash borasida olib borilayotgan islohotlarni tizimli davom ettirishdan iborat.
Forum doirasida “Ayol uchun” yugurish marafoni, Shaxmat va Stol tennisi musobaqasi bo‘lib o‘tdi.

Kun davomida “Yuridik klinika” maydonida - yuristlar va malakali advokatlarning qabullari, “Hello work” maydonida xususiy ishga joylashtirish va bandlikni ta’minlash agentliklarining bo‘sh ish o‘rinlari maydoni, Zamonaviy kasblar bo‘yicha mahorat darslari, “Oqila ayollar” maydonida - taniqli va hurmatga sazovor ayollar bilan ochiq muloqotlar, “Fitnes” maydonida - fitnes klublarining targ‘ibot maydonchalari, mutaxassislar ishtirokida mahorat darslari, “Sen muhimsan” maydonida - psixologlar, tadbirkorlar va motivatorlar bilan uchrashuvlar va seminar-treninglar, “Diyetologlar” maydoni - to‘g‘ri ovqatlanishni tashkil etish bo‘yicha mutaxassislar ishtirokidagi targ‘ibotlar, “Book&coffee” maydonida - kitob savdosi bilan shug‘ullanuvchi internet do‘konlarining chegirmali kitob savdosi yarmarkasi, “Bolalar dunyosi” maydonida - bolalar uchun mahsulotlar ko‘rgazmasi, bolalar bilan ishlash bo‘yicha mutaxassislarning seminar-treninglari o‘tadi.