#Сўраган_эдингиз

❓❓ Давлат томонидан ажратиладиган моддий ёрдам пули кимларга берилади ва кимларга бу турдаги маблағ берилиши рад этилади?

Моддий ёрдам яшаш жойи бўйича оиланинг муомалага лаёқатли аъзосининг ёзма аризасига асосан тайинланади.

‼️ Моддий ёрдам тайинлаш учун ариза зарур ҳужжатлар билан бирга бевосита ариза берувчининг доимий ёки вақтинча яшаш манзилидаги фуқароларнинг ўзини ўзи бошқариш органига тақдим этилади ва рўйхатга олинади.

➡️ Аризага қуйидагилар илова қилинади:

➡️ ариза берувчи оила аъзоларининг Ўзбекистон Республикаси паспорти нусхалари ёки ИД-карталари;

➡️ чет эл фуқаролари, фуқаролиги бўлмаган шахсларнинг яшаш гувоҳномалари, фуқаролиги бўлмаган шахс гувоҳномалари ёки ИД-карталари ҳамда яшаш жойи бўйича рўйхатга олинганлиги тўғрисида қайд варағи нусхаси;

➡️ болалари васийлик остида бўлган тақдирда, аризага васийлик ва ҳомийлик органининг қарори нусхаси;

➡️ оиланинг мавжуд чорва моллари ва паррандалари тўғрисида маълумот;

➡️ ариза берувчи ва унинг оила аъзолари номидаги тижорат банки ҳисобварақларидаги маблағ қолдиқлари тўғрисида оилада бирга яшовчи 18 ёш ва ундан катта ёшдаги муомалага лаёқатли барча оила аъзолари имзолари билан тасдиқланган ариза.

🚫 Қуйидаги ҳолатлар мавжуд бўлганда моддий ёрдам тайинлаш рад этилади:

🔷 ариза берувчи оиласининг ҳар бир аъзосига тўғри келадиган бир ойлик ўртача жами даромад миқдори юқори бўлса;

🔷 ариза берувчи ва унинг оила аъзоларида жами биттадан ортиқ кўчмас мулки ёки бир ва ундан ортиқ нотурар жой бинолари мавжуд бўлганда;

🔷 ариза берувчи ёки унинг оила аъзоларида ўз номига расмийлаштирилган ёки бош ишончнома асосида фойдаланилаётган ишлаб чиқарилган муддати 7 йилдан ошмаган, техник ҳолати соз бўлган автотранспорт воситаси мавжуд бўлганда;

🔷 жами икки ва ундан ортиқ, техник ҳолати соз бўлган автотранспорт воситалари мавжуд бўлганда;

🔷 ариза берувчи ва унинг оила аъзоларининг тижорат банкларидаги депозит ҳисобварақларида ариза берган ойда меҳнатга ҳақ тўлаш энг кам миқдорининг беш баравари ва ундан ортиқ миқдорда маблағлари мавжуд бўлганда;

🔷 Ўзбекистон Республикаси Мудофаа вазирлиги, ИИВ, ФВВ, Ўзбекистон Республикаси Президенти Давлат хавфсизлик хизмати, Миллий гвардия, ДХХ, Давлат божхона қўмитаси, Мудофаа саноати давлат қўмитаси ҳамда уларнинг тизимидаги ташкилотларнинг хизматчилари ва ходимлари ёки уларнинг оила аъзолари (турмуш ўртоғи ва болалари) томонидан аризалар тақдим этилганда;

🔷 белгиланган тартибга риоя қилмаган ҳолда такрорий ариза тақдим этилганда.

🔷 оилада меҳнат органлари томонидан тайинланган ишсизлик нафақасини олаётган аъзолари мавжуд бўлганда;

🔷 оилада охирги 12 ой давомида иш қидираётган аъзоси меҳнат органларининг мақбул келадиган ишга доир таклифларини мунтазам равишда (икки ва ундан ортиқ маротаба) рад этганда.

🔵@chilonzor_tuman_hokimligi

#Сўраган_эдингиз

Бола пулини олиш учун қаерга мурожаат қилиш керак?

Болалар нафақаси ҳамда моддий ёрдам олиш учун ариза ва ҳужжатлар фуқаронинг доимий ёки вақтинча яшаш жойидаги маҳалла фуқаролар йиғинига (МФЙ) тақдим этилади. Ариза МФЙ томонидан махсус рўйхатга олиш дафтарида қайд этилади. Бунда аризанинг берилган санаси, ариза берувчининг исм-шарифи, отасининг исми ва яшаш манзили кўрсатилади.

Болалар нафақаси ёки моддий ёрдам тайинлашда оиланинг ҳар бир меҳнатга лаёқатли ёшдаги аъзосини расмий даромад манбаларига эгалигини аниқлаштириш талаб қилинади. Белгиланган мезонлар асосида оилани кам таъминланган оила деб эътироф этиш ва унга болалар нафақаси ёки моддий ёрдамни тайинлаш ёхуд тайинлашни рад этиш “Ижтимоий ҳимоя ягона реестри” ахборот тизими орқали автоматлаштирилган тарзда амалга оширилади.

🔵@chilonzor_tuman_hokimligi

#Сўраган_эдингиз

❓❓❓“Темир дафтар”га қандай оилалар киритилади?

👉👉👉 “Темир дафтар”га қуйидаги тоифадаги оилалар киритилади:

🔵 кам таъминланган оила, деб эътироф этилган оилалар;

🔴 ижтимоий ёрдамга муҳтож I ва II гуруҳ ногиронлиги бўлган аъзолари мавжуд оилалар;

🟠 кам таъминланган якка-ёлғизлар ва кексалар;

🟡 боқувчисини йўқотган эҳтиёжманд оилалар;

🔴 кўп (4 ва ундан ортиқ) фарзандли моддий кўмакка муҳтож оилалар;

🟢 меҳнатга лаёқатли ишсиз аъзолари мавжуд эҳтиёжманд оилалар;

⚪️ тиббий ёрдамга муҳтож эҳтиёжманд оилалар (сурункали ёки оғир ногиронликка олиб келувчи касалликка чалинган ва ногиронлик гуруҳи белгиланмаган аъзолари мавжуд етарли даромад манбаига эга бўлмаган оилалар);

⚫️ нотурар жойларда истиқомат қилаётган, ўзи ёки биргаликда яшовчи оила аъзоларининг номида турар жой бўлмаган эҳтиёжманд оилалар.

🔵@chilonzor_tuman_hokimligi

#Сўраган_эдингиз
“Ёшлар дафтари”га киритилганларга қандай ёрдамлар берилади?

1.Моддий аҳволи оғир ёшларга бир марталик моддий ёрдам кўрсатилади.
Моддий ёрдам БҲМнинг 4 бараваригача миқдорда тўлаб берилади.
Бунинг учун бир марталик моддий ёрдам ажратишни сўраб маҳалладаги ёшлар етакчисига ариза берилади.
Моддий ёрдам шахсга бир календарь йил давомида бир маротаба берилади.
2. Ёшларни тадбиркорликка ва касб-ҳунарга ўқитиш курслари харажатлари қоплаб берилади.
3. Ёшларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курси харажатларини қоплаш учун субсидия ажратилади.
4. “Ёшлар дафтари”га киритилган ижтимоий ҳимояга муҳтож ёшларнинг давлат ва нодавлат таълим ташкилотларида автомототранспорт воситалари ҳайдовчиларини тайёрлаш ўқув курсининг харажатларини қоплаш учун БҲМнинг 4 бараваригача миқдорда ёшлар етакчисининг ижобий тавсияси асосида ўқитиш хизматини кўрсатган давлат ва нодавлат таълим ташкилотига субсидия ажратилади.
5. Ўқиш харажатларининг қолган қисми ариза берувчи томонидан таълим ташкилотига тўлаб берилади.
6. Деҳқончилик ва томорқа хўжалигини юритиш билан шуғулланаётган ёшларга уруғлик ва кўчатлар харид қилиш учун субсидия ажратилади.
7.Томорқа ер эгаси бўлган ёки деҳқончилик билан шуғулланиш учун, шу жумладан, янги ўзлаштирилган, лалми, фойдаланилмаётган ер майдонларида 0,1 гектардан 1 гектаргача ер майдони ажратиб берилган ёшларга уруғлик ва кўчатлар харид қилиш учун БҲМнинг 8 бараваригача миқдорда ҳоким ёрдамчисининг ижобий тавсияси асосида субсидия ажратилади.
8. Ёшларга тадбиркорлик фаолияти ва ўзини ўзи банд қилиш учун нотурар жойнинг ижара харажатлари қоплаб берилади.
9. “Ёшлар дафтари”га киритилган ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёш фуқарога фаолиятини амалга ошираётган нотурар жойнинг 12 ойгача ижара харажатларининг бир йилда 30 фоизи, бироқ БҲМнинг 25 бараваригача бўлган қисми ҳоким ёрдамчисининг ижобий тавсияси асосида ижарага берувчи ташкилотга қоплаб берилади.
10. Ёшларга тадбиркорлик фаолиятини бошлаш ва ўзини ўзи банд қилишга зарур бўлган асбоб-ускуналар ёки меҳнат қуролларини харид қилишга субсидия ажратилади.
11. Ёшларга профессионал ва олий таълим ташкилотлари ўқувчи-талабаларининг таълим тўлов-контракт суммасининг бир қисми тўлаб берилади.
12. Ёшларга замонавий касбларни эгаллаши, ахборот технологияларини ўрганиши ва уларни хорижий тилларга ўқитиш бўйича ўқув курсларида ўқиш харажатларини қоплаш учун субсидия ажратилади.
13. Ижтимоий ҳимояга муҳтож иқтидорли ёшларнинг илм-фан, спорт, санъат ва маданият йўналишларидаги ўқув курслари учун субсидия ажратилади.
14. Ёшларнинг илм-фан, спорт, санъат ва маданият йўналишларидаги олимпиада, танлов ва мусобақаларда қатнашиш харажатлари учун субсидия ажратилади.
15. Ёшларга таълим, маданият ва санъат, спорт, ахборот технологиялар соҳасига ва фанларни ўқитишга ихтисослашган нодавлат таълим ташкилотининг нотурар жой ижара харажатлари қоплаб берилади.
16. Бемор ёшларга даволаниш харажатлари учун субсидия ажратилади.
17. “Ёшлар дафтари”га киритилган бемор ёшларга мамлакатда ёки хорижий давлатларда даволаниш билан боғлиқ харажатларни қоплаш учун ёшлар етакчисининг ижобий тавсияси асосида БҲМнинг 50 бараваридан ошмаган миқдорда субсидия ажратилади.
18. Психологик маслаҳатга муҳтож ёшларга пуллик психологик хизмат кўрсатилиши билан боғлиқ харажатларни қоплаб берилади.
19. Ёшларнинг сафарбарлик чақируви резервидаги хизматни ўташ бадалини тўлиқ миқдорда қоплаш учун субсидия ажратилади.
20. Ёшларга янги турмуш қураётганида ўз хонадонида қўшимча уй-жой қуриш учун гаровсиз кредит ажратишга кафиллик берилади.
21. “Ёшлар дафтари”га киритилган, никоҳи қайд этилганига 3 йилдан ошмаган ёшларга якка тартибдаги ўз хонадонида қўшимча уй-жой қуриш учун 33 млн сўмгача гаровсиз кредит ажратишда мувофиқ берилади.
22. Ижтимоий ҳимояга муҳтож ёш оилаларга турар жой ижараси учун субсидия ажратилади.
23. Ижтимоий ҳимояга муҳтож ёш оилаларга 12 ойгача турар жой учун ижара компенсацияси ҳар ойда БҲМнинг 3 бараваридан ошмаган миқдорда субсидия ажратилади.

#Сўраган_эдингиз

❓1-синфга борадиган ўқувчилар учун «Президент совғаси» жамланмасида нималар бўлади?

☝️ Бу йил 1-синфга чиқиши режалаштирилган 732 960 нафар болалар учун «Президент совғаси» хариди амалга оширилиб, туман бўлимлари орқали ҳудудларга етказилмоқда.
1-синф ўқувчиларига бериладиган «Президент совғаси» таркибида 12 турдаги ўқув қуроллари мавжуд:
• Ўқувчи сумкаси
• 12 дона дафтар
• Расм дафтари
• Акварел бўёқлари
• Рангли қоғоз
• Қаламдон
• Шарикли ручка
• Рангли қалам
• 2 дона оддий қалам
• Пластилин
• Елим
• 2 дона ўчирғич

👉👉👉 «Президент совғаси» жорий йилнинг 25-августига қадар Вазирликнинг adm.maktab.uz электрон базасига киритилган болалар сонига мос равишда умумтаълим мактабларига етказилади.

🔵@chilonzor_tuman_hokimligi

#Сўраган_эдингиз

❓Пропискаси бўлмаган жойдан субсидия олса бўладими?


👉👉👉 Йўқ, Вазирлар Маҳкамасининг 2020 йил 25 мартдаги 182-сон қарори билан тасдиқланган Низомнинг 5-бандига кўра субсидия фуқаронинг доимий яшаш жойи бўйича берилади.

Тошкент шаҳрида доимий яшайдиган фуқаролар Тошкент вилоятидан ҳам субсидия асосида уй олиши мумкин.

Қорақалпоғистон Республикаси, вилоятлар ва Тошкент шаҳар ичида яшайдиганлар бир туманидан бошқа туманда субсидия олиш мумкин.

Масалан, Жиззах вилояти Фориш туманида яшаётган шахс Жиззах вилояти Жиззах шаҳридан субсидия олиши мумкин. Бироқ Тошкентдан ёки Самарқанддан ололмайди.

🔵@chilonzor_tuman_hokimligi

#Сўраган_эдингиз

❗️БОЛА ПУЛИ ОЛИШ УЧУН АРИЗАНИ МАҲАЛЛАГА ТОПШИРИШ ШАРТМИ ?

Ҳа, бола пули олиш учун ариза МФЙ га топширилади. Вазирлар Маҳкамасининг 654-сон қарори билан тасдиқланган низомда, болалар нафақаси ёки моддий ёрдам тайинлаш учун Молия вазирлиги ҳузуридаги бюджетдан ташқари Пенсия жамғармасининг туман ёки шаҳар бўлими бошлиғининг номига ариза ёзилиб, фуқароларнинг ўзини ўзи бошқариш органига тақдим этилади деб кўрсатилган.

Демак, Сиз аризани Пенсия жамғармаси бошлиғини номига ёзасиз, лекин маҳалла фуқаролар йиғинига беришингиз керак. МФЙ лар эса берган аризангизни қабул қилмасликка қонун бўйича ҳақли эмас. Улар бунга ваколатли ҳам эмас. Ҳаттоки сизнинг оилавий шароитингиз болалар нафақасини олиш учун тўғри келмаслиги аниқ бўлган тақдирда ҳам, маҳалла масъули аризангизни қабул қилмасликка ҳаққи йўқ.

Маҳалла ҳодимлари томонидан "Сизлар барибир ололмайсизлар, тўғри келмайсизлар, қайнотангизнинг пенсияси бор, қайнонангиз нафақа олади, шароитларинг ўзи яхши, сизларда машина бор, эрингиз чет давлатда экан бўлмайди, қонуний ажрим бўлмаган экан унда ҳам бўлмайди, бошқа жойда пропискада турар экансиз ўша ерга мурожаат қилинг" каби айтилган важларнинг ҳеч бири қонуний жавоб эмас.

Агар оилавий аҳволингиз юқоридаги 654-сонли қарорга илова қилинган низом талабларига тўғри келмаган тақдирда Сизни телефонингизга қарор талаби бўйича қонуний асослантирилган ҳолда рад жавоби келади. Ана ўша жавоб ҳақиқий жавоб ҳисобланади.

🔵@chilonzor_tuman_hokimligi

#Сўраган_эдингиз
❓ Ҳудудларни тозалашга ким масъул???

✅ Ҳудудларни тозалаш:

🔹ободонлаштириш объектларида – шаҳар ва туман ободонлаштириш бошқармалари;

🔹кўп квартирали уйлар атрофида – хусусий уй-жой мулкдорлари ширкатлари ёки бошқарувчи ташкилотлар;

🔹якка тартибдаги турар жой уйлари ва ташкилотларнинг ерларида – жисмоний ва юридик шахслар;

🔹автомобиль йўллари ва сунъий йўл иншоотларида ажратилган ерда – ушбу объектларга хизмат кўрсатувчи ташкилотлар;

🔹темир йўлларда ажратилган ерда – темир йўл ташкилотлари;

🔹бозорлар ҳудуди ва уларга туташ ҳудудларда – бозорлар маъмурияти;

🔹жамоат транспорти бекатларида жойлашган вақтинчалик савдо ва хизмат кўрсатиш объектларида – объект эгалари;

🔹савдо дўконлари ёки бошқа савдо нуқталарига, кўчма шохобчаларга туташ ҳудудларда 5 м радиусда – шу соҳадаги хўжалик юритувчи субъектлар томонидан амалга оширилади.

🔵@chilonzor_tuman_hokimligi

#Сўраган_эдингиз

❓КОММУНАЛ ТЎЛОВЛАРНИ ҚАЙСИ ШАКЛДА ТЎЛАЙМАН

❓Ассалому алайкум. Оилавий корхона очганман фаолиятим озиқ-овқат дўконини уйда очганман, кадастр турар жой , электр энергияни ахоли тарифида тўлайманми?

‼️ "Оилавий тадбиркорлик тўғрисида"ги қонуннинг 28-моддасига асосан Фуқароларнинг яшаш жойидан оилавий корхона сифатида ишлаб чиқариш учун фойдаланилган тақдирда, коммунал хизматлар (электр энергияси, сув таъминоти, канализация, газ таъминоти ва иссиқлик таъминоти) ҳақини тўлаш аҳоли учун белгиланган тарифлар бўйича ва шартлар асосида амалга оширилади.

Коммунал хизмат кўрсатиш, электр ва газ таъминоти корхоналари зарур коммуникация тармоқларининг оилавий корхона фаолияти амалга оширилаётган жойгача етказилишини ҳамда уланишини аҳоли учун белгиланган тарифлар бўйича ва шартлар асосида таъминлайди.

🔵@Сhilonzor_tuman_hokimligi