#ИНФОГРАФИКА
#Ҳоким_ёрдамчилари_фаолиятидан

Чилонзор тумани маҳаллабай ишлаш ва тадбирокорликни ривожлантириш маркази ҳамда маҳаллалардаги ҳоким ёрдамчилари томонидан 2022 йил январ-октябр ойлари давомида амалга оширилган ишлар хусусида

🔵@chilonzor_tuman_hokimligi

#Ҳоким_ёрдамчилари_фаолиятидан

“Кўркам” маҳалласида тикув цехи фаолият бошлади

Маҳаллалардаги ҳоким ёрдамчилари аҳолига чин маънодаги кўмакчига айланиб улгурди. Дастлаб ўз фаолиятини хатлов ўтказишдан бошлаган ҳоким ёрдамчилари маҳалладаги ҳар бир оиланинг ҳолатини ўрганиб чиқди. Биринчи ўринда ижтимоий қийналиб қолган қатламга турли кўмаклар кўрсатилган бўлса, маҳаллада тадбиркорликни ривожлантириш йўналишига ҳам алоҳида эътибор қаратилди.

Жумладан, туманимиздаги “Кўркам” маҳалласида фаолият олиб бораётган ҳоким ёрдамчиси Ойбек Рустамов ҳам жорий йилнинг ўтган ойи мобайнида маҳаллада яшовчи 23 нафар тадбиркорлик қилиш истагини билдирган фуқароларга турли йўналишда кредитлар олишига ёрдамлашди. Бундан ташқари, 9 нафар фуқарога ўзини-ўзи банд қилиши учун субсидия асосида меҳнат ускуналари олиб берилди.

Маҳаллада тадбиркорлар сафининг кўпайганлиги ва янги иш ўринлари яратилаётганлиги маҳалладошларнинг бандлигини таъминлашда ҳам қўл келмоқда.

Куни-кеча маҳалла ҳудудида иш бошлаган тикув цехининг очилишида ҳам Ойбек Рустамовнинг ҳоким ёрдамчиси сифатида ҳиссаси катта бўлди. Ҳозирда мазкур цехда 8 нафар маҳалладош аёллар ишга кириб, турли хил бежирим кийим-кечаклар тикишни бошлади. Цехда яна 5 нафар ишсиз аёлларни иш билан таъминлаш имкони бор ва маҳалла аёллари ҳозирда ишга жалб этилмоқда.

🔵@chilonzor_tuman_hokimligi

#Ҳоким_ёрдамчилари_фаолиятидан

Туманимиздаги барча маҳаллаларда ҳоким ёрдамчилари ўзларига юклатилган вазифаларни тизимли равишда амалга ошириб келмоқдалар.

Жумладан Оқтепа маҳалласи ҳоким ёрдамчиси Бахтиёр Тоиров ҳам ўз фаолияти давомида кўпгина маҳалладошларига кўмак бериб келмоқда.

Оқтепа маҳалласидаги ҳоким ёрдамчиси билан бўлган мулоқотимизда айни шу мавзуда сўз борди.

🔵@chilonzor_tuman_hokimligi

#Ҳоким_ёрдамчилари_фаолиятидан
#Субсидияга_олинган_ускуналар_топширилди

Бугун Чилонзор тумани ҳокимлиги биносида маҳалладаги ҳоким ёрдамчилари тавсиясига кўра 13 нафар “Аёллар дафтари” рўйхатида турган аёлларга субсидия асосида тикув машиналари ва ускуналари туман ҳокими томонидан ўз эгаларига топширилди.

👉👉👉Жараёнлар лавҳамизда

#Ҳоким_ёрдамчилари_фаолиятидан

“Чилонзор” маҳалласи ҳоким ёрдамчиси Адҳам Амиров томонидан маҳаллада самарасиз фойдаланилаётган объектлар аниқланиб, бундай объектларда тадбиркорлик фаолияти олиб бориш учун шарт-шароит яратилмоқда.
Жумладан, маҳаллада бўш турган бинода ҳозирда мебел цехи фаолияти йўлга қўйилди.

👉👉👉Лавҳамизда мебел ишлаб чиқариш цехи фаолияти

#Чилонзор_ОАВда
#Ҳоким_ёрдамчилари_фаолиятидан

Чилонзор тумани “Хирмонтепа” маҳалласи ҳоким ёрдамчиси Ахаджон Абдуллаев тавсиясига кўра тадбиркорлик фаолиятини бошламоқчи бўлган 28 нафар фуқарога имтиёзли кредит ажратиш ҳисобига 100 дан ортиқ аёлларнинг бандлиги таъминланди.
Ҳоким ёрдамчиси Аҳаджон Абдуллаевнинг фаолияти “Тошкент” телеканалида ҳам кенг ёритилди.

🔵@chilonzor_tuman_hokimligi

#Ҳоким_ёрдамчилари_фаолиятидан

“3-Чарх Камолон” маҳалласи ҳоким ёрдамчиси Йўлдош Шоисломовнинг кўмагида маҳалладаги бир нечта табиркорлар ўз фаолиятларини янада кенгайтирмоқда.

👉👉👉Лавҳамизда ширинликлар ишлаб чиқариш цехи фаолияти

#Ҳоким_ёрдамчилари_фаолиятидан

Хабарингиз бор, Президентимизнинг “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида”ги қарорига асосан маҳаллаларда ҳоким ёрдамчилари фаолият олиб бормоқда.

Чилонзор туманида ҳам 55 та маҳаллада ҳоким ёрдамчилари ўзларига юклатилган вазифаларни амалга ошириб келмоқда. Хусусан, “Кўтарма” маҳалласида Мирзажон Ҳолиқов ушбу лавозимда иш олиб бормоқда.

Маълумот учун айтиш жоизки, бугунги кунда “Кўтарма” маҳалласида 38 та кўп қаватли уйлар бўлиб, 2 минг 190 та хонадонда 6 минг 100 нафар фуқаролар истиқомат қилади.

- Маҳаллада 217 та тадбиркорлик субъекти фаолият юритади ва турли хил хизмат кўрсатиш субъектлари ҳисобига ишсизлик муаммолари ҳал этилмоқда, -дейди ҳоким ёрдамчиси. 13 нафар тадбиркорлик истагини билдирган фуқароларга кредит ажратилиши учун тавфсияномалар берилди. Бунинг натижасида тадбиркорликни бошлаган фуқаролар томонидан 28 та иш ўрни яратилди.

Айтиш жоизки, маҳаллада тадбиркорликни ривожлантириш юзасидан олиб борилаётган ишлар натижасида сўнгги икки йил ичида 48 та катта - кичик тадбиркорлик субъекти иш бошлаган. Шу билан бирга 42 нафар иш изловчилар мономарказларга ўқишга йўналтириб уларнинг бандлигини таъминлашга эришилди.

Аҳолини ижтимоий ҳимоя қилиш йўналишида ҳам изчил ўрганишлар олиб борилиб, аниқланган 21 нафар кам таъминланган фуқароларга умумий қиймати 115 миллион сўм пул маблағлари ажратилди. Уларнинг 6 нафарига соғликларини тиклаш учун турли шифохоналарга пул ўтказиб берилган. 15 нафар фуқароларга эса бир марталик моддий ёрдам пуллари ажратилган.

🔵@chilonzor_tuman_hokimligi

#Ҳоким_ёрдамчилари_фаолиятидан

Чилонзор тумани "Янги Навбаҳор" маҳалласида Мирзоҳид Ёдгоров ҳоким ёрдамчиси лавозимида 2 йилдан буён ўз иш фаолиятини олиб бормоқда.

Маълумот учун айтиш жоизки ,бугунги кунда " Янги Навбаҳор" маҳалласида умумий 4 минг 652 та хонадонлар мавжуд бўлиб , унда 6 минг 552 нафар аҳоли истиқомат қилади .

Маҳаллада тадбиркорлар сони 530 нафарни ташкил этади. Ҳоким ёрдамчиси Мирзоҳид Ёдгоров маҳаллада тадбиркорлик қилиш истагидаги фуқаролардан 80 нафарининг ўз бизнесини бошлашига кўмак берди. Бунинг натижасида тадбиркорликни бошлаган фуқаролар томонидан 160 та иш ўрни яратилди. Шунингдек, маҳаллада 4 та 9 қаватли уйларнинг ертўлаларидан самарали фойдаланиш учун тадбиркорларга ижарага берилмоқда.

Мирзохид Ёдгоров бу йил ҳисобидан бандликни таъмилаш чора-тадбирлари бўйича 82 нафар маҳалладошларини иш билан таъминлашга ёрдам берди. Бундан ташқари, маҳаллада ўтган йили 85 нафар фуқароларга моно марказларда бепул ҳунар ўргатилиб , ишга йўналтирилган.

Аҳолини ижтимоий ҳимоя қилиш йўналишида ҳам изчил ўрганишлар олиб борилмоқда. Шунингдек , маҳаллада ўтган йили "Темир дафтар" га 10 нафар, бу йил эса 5 нафар кам таъминланган ва имконияти чекланган фуқаролар киритилиб, уларга керакли ёрдамлар берилмоқда.

🔵@chilonzor_tuman_hokimligi

#Ҳоким_ёрдамчилари_фаолиятидан

“Бешқўрғон” маҳалласи туманимиздаги йирик маҳаллалардан бири бўлиб, ҳозирда бу масканда 1 минг 151 та хонадонларда 7 минг 727 нафар аҳоли яшайди.

Айни маҳаллада ҳоким ёрдамчиси лавозимида фаолият юритиб келаётган Жамолиддин Жўраевни бугунги кунда барча маҳалладошлари яхши танийди ва ҳурмат қилади.

Айтиш жоизки, шу пайтгача, маҳаллада хатлов асосида аниқланган 576 нафар ишсизлардан 241 нафари норасмий иш билан шуғулланиб келаётгани учун давлатимиз раҳбарининг 4742-сонли қарори асасида ўзини ўзи банд қилиши расмийлаштирилди. 29 нафар ёшлар касб-ҳунарга ўқитилиб, ҳозирда ўз иш фаолиятини олиб бормоқда, шулардан 16 нафари тадбиркорлик фаолияти билан шуғулланмоқда.

41 нафар фуқаро кредит олиш ҳисобига тадбиркорлик ташкил қилиш истагини билдирди. Шундан 39 тасига имтиёзли кредит ажратиш учун тавсия берилди ва ҳозирги кунда яна 2 та кредит ажратиш жараёни кетаяпти. Натижада 68 та янги иш ўринлари яратилди.

32 нафар ишсиз хотин-қизларнинг кооперация асосида бандлиги таъминланди. 18 нафар ягона ижтимоий реестрда рўйхатда турадиган фуқароларнинг бандлиги таъминлаб, реестрдан чиқаришга ёрдамлашилди.
2022-2023 йиллар давомида 98 та янги микро-лойиҳалар ишга туширилди бунинг натижасида 265 нафар фуқаронинг бандлиги таъминланди.

Бундан ташқари, бевосита ҳоким ёрдамчисининг кўмаги билан 87 та тадбиркорлик субъектлари фаолияти қайта тикланди. Маҳалла ҳудудида жойлашган саноат ҳудудида фаолият кўрсатаётган 29 та йирик корхоналарнинг йиллик ишлаб чиқариш қувватларини ошириш, шунингдек, экспорт салоҳиятига таъсир кўрсатадиган муаммо ва таклифлар тегишли давлат идоралари хамкорлигида бартараф этилди.

Инвестиция лойиҳалари доирасида 2023 йилда ишга туширилиши режалаштирилган қиймати 380 млрд.сўмлик 8 та лойиҳалар якуний босқичга келиб, мазкур лойихалар ҳисобига ҳам 420 та янги ишчи ўрни яратилиши кутилмокда.Бунинг натижасида мазкур корхоналарнинг жами экспортдаги улуши 1,8 фоизга ўсиши кутилмоқда.

Шунингдек, ҳоким ёрдамчиси томонидан ижтимоий ҳимояга мухтож жами 25 нафар шундан, 4 нафарига тиббий жарроҳлик амалиётини ўтказишда, 2 нафар фуқаронинг таъмирталаб бўлган ҳонадонини тўлиқ таъмирлашда, 19 нафар фуқарога моддий ёрдам ажратишда кўмаклашилди.


👉👉👉Лавҳамиз “Бешқўрғон” маҳалла ҳоким ёрдамчиси Жамолиддин Жўраев томонидан олиб борилаётган ишлар хусусида

#Ҳоким_ёрдамчилари_фаолиятидан

Бугунги кунда маҳаллалардаги ҳоким ёрдамчилари ҳақиқатдан, маҳалла аҳлининг энг яқин кўмакчисига айланди.

Аҳолининг эҳтиёжманд қатламларига моддий ёрдам, тадбиркорлик истагидаги фуқароларнинг иш бошлашларига кўмаклашиш, тадбиркорларнинг муаммоларини бартараф этишга ёрдам бериш, ишсиз аҳолини ишга жойлаштириш, ҳунар ўрганмоқчи бўлган маҳалладошларни курсларга ўқишга йўллаш... Ҳа, ҳозирда шундай кенг қамровли ишларни муваффақиятли олиб бораётган ҳоким ёрдамчилари ҳам талайгина.

Туманимиз маҳаллаларида иш олиб бораётган шундай масъулиятли ҳоким ёрдамчиларидан бири “Бешқўрғон” маҳалласидаги ҳоким ёрдамчиси Жамолиддин Жўраевнинг фаолиятига эътибор қаратамиз.

👉👉👉 Лавҳамизда маҳаллада ҳоким ёрдамчиси томонидан олиб борилаётган ишлар

#Ҳоким_ёрдамчилари_фаолиятидан
#Субсидияга_меҳнат_анжомлари

20 нафар хотин-қизларга субсидия асосида меҳнат анжомлари топширилди

Чилонзор туманида аҳоли бандлигини таъминлаш ва шу орқали тумандошларимизнинг турмуш фаровонлигини яхшилаш йўналишида тизимли ишлар олиб борилмоқда.

Шунингдек, маҳаллаларда фаолият олиб бораётган ҳоким ёрдамчиларининг тавсиясига кўра, жорий йилнинг ўтган даври мобайнида ўзини-ўзи банд қилиб оиласига даромад олиб кириш истагида бўлган фуқаролардан 251 нафарига субсидияга асбоб-ускуналар олиб берилди.

Жумладан, куни кеча туман ҳокимлигида туман ҳокими Саидқаҳҳор Холхўжаев ва сектор раҳбарлири иштирокида 20 нафар фуқарога субсидия асосида олинган меҳнат анжомлари тантанали равишда топширилди.

Тадбир жараёнида “Аёллар дафтари”да рўйхатда турган ўзини ўзи банд қилиб хонадонида тадбиркорлик фаолиятини бошламоқчи бўлган опа-сингилларимиздан 18 нафарига тикув машинаси, 2 нафарига замонавий ноутбук тақдим этилди.

Тадбир якунида субсидия асосида меҳнат анжомлари олган хотин-қизлар уларни ҳар томонлама қўллаб қувватлаётган давлатимиз раҳбарига ҳамда ҳокимлик мутасаддиларига ўз миннатдорчилигини билдиришди.

👉👉👉 Лавҳамизда жараёнлар

#Конституциямизнинг_31_йиллиги_Чилонзорда
#Ҳоким_ёрдамчилари_фаолиятидан
#Субсидияга_меҳнат_анжомлари

20 нафар хотин-қизларга субсидия асосида меҳнат анжомлари топширилди

Чилонзор туманида аҳоли бандлигини таъминлаш ва шу орқали тумандошларимизнинг турмуш фаровонлигини яхшилаш йўналишида тизимли ишлар олиб борилмоқда.

Жумладан, куни кеча туман ҳокимлигида туман ҳокими Саидқаҳҳор Холхўжаев ва сектор раҳбарлири иштирокида Ўзбекистон Республикаси Констутциясининг 31 йиллиги муносабати билан 20 нафар фуқарога субсидия асосида олинган меҳнат анжомлари тантанали равишда топширилди.

Тадбир жараёнида “Аёллар дафтари”да рўйхатда турган ўзини ўзи банд қилиб хонадонида тадбиркорлик фаолиятини бошламоқчи бўлган опа-сингилларимиздан 20 нафарига тикув машинаси тақдим этилди.

Тадбир якунида субсидия асосида меҳнат анжомлари олган хотин-қизлар уларни ҳар томонлама қўллаб қувватлаётган давлатимиз раҳбарига ҳамда ҳокимлик мутасаддиларига ўз миннатдорчилигини билдиришди.

#Ҳоким_ёрдамчилари_фаолиятидан

⚡️ 100 миллион сўмлик имтиёзли кредитларга аризалар топширилмоқда

Туманимиздаги 55 та маҳаллада фаолият олиб бораётган ҳоким ёрдамчилари томонидан маҳаллаларда тадбиркорликни ривожлантириш бўйича тизимли ишлар олиб борилмоқда.

👉👉👉 Шунингдек, давлатимиз раҳбарининг 2023 йил 14 сентябрдаги "Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида"ги 306-сонли қарорига асосан маҳаллаларда фаолият кўрсатаётган ва ўз тадбиркорлигини кенгайтириш истагида бўлган фуқароларга 100 миллион сўмлик имтиёзли кредитлар ажратиш бўйича шу кунгача 175 та аризалар топширилди.

Шундан секторлар кесимида:

1-сектордаги "Гулистон" маҳалласидан 6 та, "Шарқ" ва "Шарқ тонги" маҳаллаларидан 5 тадан;

2-секторда ҳам тадбиркорликни кенгайтиришга қизиқувчилар "3-Катта Чилонзор" маҳалласидан 8 та, "1-Катта Чилонзор" маҳалласидан 5та

3-секторга қарашли "Навбаҳор" маҳалласидан 8 та, "Боғзор" ва "Кўтарма" маҳаллаларидан 6 тадан;

4-секторда яшовчи тадбиркорларимиздан "Яккабоғ" маҳалласидан 8 та, "Меҳржон" маҳалласидан 6 та ва "Кичик Хирмонтепа" маҳалласидан 5 та тадбиркорларимиз ўз тадбиркорлигини кенгайтириш учун 100 миллион сўмлик имтиёзли кредит олиш учун аризалар топширган.

👉👉👉 Барча маҳаллаларда аризалар топшириш давом этмоқда.

📣📣📣 Ҳурматли тумандошлар!

👉👉👉 Агар тадбиркорлик фаолиятингизни кенгайтиришни ният қилган бўлсангиз, маҳаллангизда фаолият олиб бораётган ҳоким ёрдамчиларига учрашиб, улардан бу борада йўл-йуруқ ва тавсиялар олишингиз мумкин.

🔵@Сhilonzor_tumani_hokimligi