#Диққат_танлов
#Заҳириддин_Муҳаммад_Бобур_таввалудининг_540_йиллиги

Хабарингиз бор, жорий йилнинг 26 январ куни Президентимизнинг “Буюк шоир ва олим, машҳур давлат арбоби Заҳириддин Муҳаммад Бобур таваллудининг 540 йиллигини кенг нишонлаш тўғрисида”ги қарори чиқди.

Жаҳон тарихида ўчмас из қолдирган бетакрор сиймолардан бири Заҳириддин Муҳаммад Бобур буюк шоир, қомусий олим, давлат арбоби ва моҳир саркарда сифатида бутун дунёда маълум ва машҳурдир. Унинг беқиёс илмий-ижодий мероси нафақат миллий маданиятимиз ва халқимиз адабий-эстетик тафаккурининг шаклланишида, балки жаҳон адабиёти, илм-фани ва давлатчилиги тарихида алоҳида ўринга эга.

Мустақиллик даврида Заҳириддин Муҳаммад Бобурнинг ҳаёти ва фаолиятини ҳар томонлама чуқур ўрганиш, унинг асарларини юртимиз ва хорижий давлатларда тарғиб қилиш борасида кенг кўламли ишлар амалга оширилди. Хусусан, шоир туғилган кун – 14 февраль санаси ҳар йили мамлакатимиз бўйлаб адабиёт ва илм-маърифат байрами сифатида нишонланмоқда. Бобуршунослик соҳасида кўплаб тадқиқотлар, республика ва халқаро миқёсда илмий анжуманлар мунтазам ўтказилмоқда.

Чилонзор тумани ҳокимлиги томонидан ана шу қутлуғ сана муносабати билан ҳокимликнинг расмий телеграм канали орқали Бобурнинг ҳаёти ва ижодига бағишланган саволлар асосида танлов эълон қиламиз.

Бугундан “Чилонзор туманида Бобурнинг ҳаёти ва ижодини ўрганиш” ҳафталиги бошланади. Ҳафталик доирасида ҳар куни соат 17-00да шоҳ ва шоир Заҳириддин Муҳаммад Бобур ҳаёти ва ижодига доир саволлар эълон қилинади ва соат 19-00гача жавоблар қабул қилинади.

👉👉👉Саволга жавобларингиз ва батафсил шарҳингизни телеграмм орқали @Bolliyeva7 манзилига жўнатишингиз мумкин.

🔵@chilonzor_tuman_hokimligi

#Диққат_танлов
#Заҳириддин_Муҳаммад_Бобур_таввалудининг_540_йиллиги

📣📣📣Диққат, танловнинг 2-саволи
«Бобур характерининг энг мислсиз белгиси унинг бошқа ҳукмдорларникига мос келмаслигидадир. Осиё тождорларидаги маҳобатли, сунъий характер ўрнига бизнинг кўз олдимизда Бобирнинг характери табиий, ҳаётий, севувчи, самимий бўлиб гавдаланади. Бобур тахтга ўтирганига қарамай, оддий турмушнинг энг яхши туйғуларини ва иштиёқини ўзида сақлаб қолди. Биз Осиёдаги ҳукмдорлар ичидан Бобур сингари даҳо ва талантли кишиларни камдан-кам учратамиз… Ақлининг фаоллиги ва теранлиги, хушчақчақ со- вуққонлик ва бевафо тақдирнинг найрангларини писанд қилмай, руҳини тетик тутиши, подшоҳлар орасида камдан кам учрайдиган саховатлилиги, мардлиги, талантлилиги; фанга, санъатга муҳаббати ва улар билан муваффақиятли шуғулланиши жиҳатидан олиб қараганда, Осиёдаги подшоҳлар орасидан Бобурга тенг келадиган биронта ҳам подшоҳ тополмаймиз»

❓❓❓Заҳриддин Муҳаммад Бобур ҳақидаги мазкур мулоҳазаларни ким ёзган ва айни фикрларнинг тарихий шахс бўлган буюк бобокалонимизни таърифлашдаги аҳамияти нимадан иборат?


👉👉👉Саволга жавобингизни соат 19-00гача @Bolliyeva7 манзилига жўнатишингизни сўраймиз.

📣📣📣Ҳурматли тумандошлар!

Маънавият денгизи томон боқиб, дунё таниган ва тан олган шоҳ ва шоир бобокалонимиз Заҳириддин Муҳаммад Бобур ижодига бир назар ташланг ва шоирнинг бебаҳо мероси бўлган қимматбаҳо фикрлар жамланган асарилардан баҳраманд бўлинг!
👉👉👉Танловимизда фаол бўлинг!

🔵@chilonzor_tuman_hokimligi