#Чилонзор_тумани_ҳокимлиги
#Низомий_номидаги_ТДПУ
#Чилонзор_тумани_ХТБ
#Битирувчиларни_ОТМга_жалб_этиш
Битирувчилар педагог бўлишга қизиқяптими?
Мактаб...Ўқувчилик даври... Ҳа, болалаликнинг шўх дамлари ва сирли ўсмирлик даврларимизнинг унитилмас лаҳзалари ўтган қадрдон мактабимизни ва унда ўтган даврларни ҳечам унитолмаймиз. Мана ҳар йили май ойининг айни кунларида мактабни битирувчи ёшларнинг ҳаяжонларини кузатиб, ўзимиз ҳам бир муддат ёшликка қайтиб, шижоатли даврларни қўмсаймиз.
Мана, Чилонзор туманидаги 138-мактабда йиғилган мактаб битирувчиларининг кўзидаги шижоат ва қалбидаги қизиқишларни кўриб, келажакда мактабларимизда биз орзу қилган замонавий билимга эга ҳақиқий педагоглар фаолият олиб боришига ишонгимиз келди.
Ёшларни касбга йўналтириш борасида мактаблар ва ОТМлар ўртасида ўрнатилган ҳамкорлик доирасида Низомий номидаги Тошкент давлат Педагогика университети билан битирувчи ўқувчиларни ОТМга жалб қилши мақсадида ўтказилган “Кўргазмалар фестивали”да ҳам аксарият туманимизнинг битирувчи ёшлари педагоглик касбига кўпроқ қизиқиш билдираётганлигининг гувоҳи бўлдик.
Ушбу тадбирда туман ҳокимлиги мутасаддилари, Университет раҳбарияти, педагоглар, талабалар иштирок этиб, битирувчи ўқувчиларга мазкур таълим муассасаси ҳақида барча маълумотларни тақдим этди.
Туманда бошқа ОТМлар билан ҳам шундай тадбирлар бўлиб ўтмоқда.
Чилонзор тумани ҳокимлиги
Матбуот хизмати