#Шарқ_маҳалласи_янги_қиёфада
#Аҳоли_мамнун
Шарқ маҳалласи ички кўчаларида асфальтлаш ишлари якунига етмоқда

Хабарингиз бор, Чилонзор туманининг Шарқ маҳалласида “Обод маҳалла”, “Обод кўча” дастурлари доирасида кенг кўламли ободлаштириш ишлари олиб борилмоқда.

Маҳалла ҳудуди тозаланиб, кўп қаватли уйлар ва ижтимоий объектларга газ, электр, иссиқлик қуввати, ичимлик суви етказадиган тармоқлардаги, бундан ташқари, кўча ёритиш тизими, канализация тармоқларидаги барча таъмирталаб жойлар таъмирланди, аксарият қувурлар янгисига алмаштирилди. Кўп қаватли уйларнинг томлари, ертўла қисми ва йўлаклари таъмирланиб, фасадлари бўялди.

Энг муҳими, шу пайтгача доимий равишда аҳолининг эътирозларига сабаб бўлиб келаётган маҳалла ички кўчалари тўлиқ асфальтланди, аҳоли учун қулай бўлган пиёдалар йўлаклари қурилиб, бетонлар билан қопланди.

-Маҳалламиздаги ички кўчалар ва 19 та кўпқаватли уйларимизнинг олд қисмидаги майдонлар тўлиқ таъмирланиб, 13 минг метр квадрат асфальт ётқизиш ишлари бугун ниҳоясига етказилмоқда, -дейди МФЙ раиси Комил Худойберганов.

-Маҳалламиз тамоман янги қиёфа касб этди, чинакамига обод маҳаллага айланди, бунинг учун, албатта, аҳолимиз номидан, аввало, давлатимиз раҳбарига, қолаверса, барча ободонлаштириш ишларини тизимли ва сифатли амалга ошираётган туман ҳокими ва барча тегишли ташкилотлар масъулларига, иссиқ кунларда ҳам тинимсиз меҳнат қилаётган барча ишчиларимизга чин дилдан миннатдорчилик билдираман.


Аҳоли турмуш фаровонлигини ошириб, халқни рози қилиш йўлида олиб борилаётган бундай хайрли тадбирлар бошқа маҳаллаларда ҳам амалга оширилмоқда ва туманимизнинг барча маҳаллалари обод масканларга айланади.

Чилонзор тумани ҳокимлиги
Матбуот хизмати

#Обод_маҳалла
#Шарқ_маҳалласи_аҳолиси_амалга_оширилган_ишлардан_мамнун

Ободлашаётган маҳалла аҳлининг миннатдорчилик изҳорлари билан лавҳамиз орқали танишинг

👉🏻Каналга уланиш:
https://t.iss.one/chilonzor_tuman_hokimligi

#Яшил_макон
#Кузги_мавсум
#Шарқ_маҳалласи

🌿 Айни кунларда туманимизда “Яшил макон” умуммиллий лойиҳаси доирасида боғлар ташкил этиш, кўчатлар ўтқазиш ишлари қизғин давом эттирилмоқда.

🌿 Бу жараёнда айниқса маҳаллалар ҳудудидаги бўш турганлиги учун қаровсиз ҳолатга тушиб қолган майдонларга агротехник ишлов бериб, янги яшил майдонлар яратиш ишларига эътибор қаратилмоқда.

🌿 Шунингдек, “Шарқ” маҳалласи ҳудудида жойлашган 281-сонли умумтаълим мактабининг ёнидаги бўш турган майдонда ҳам боғ яратиш ишлари бошлаб юборилди.

🌿 МФЙ фаоллари, Миллий гвардия туман бўлими бошлиғи Б.Усмонов, Шайх Муҳаммад Содиқ Муҳаммад Юсуф масжиди имом-хатиби Исмоил Муҳаммад Содиқ каби фаол мутасаддилар раҳбарлигида боғ ташкил этиладиган майдонга унумдор тупроқ олиб келиб тўкилмоқда. Ер майдонига керакли бўлган агротехник ишловлар берилгандан сўнг, бу ерга турли мевали дарахтларни экиш режалаштирилмоқда.

🌿 Туманимизда яшил майдонларни, боғларни кенгайтиришга муносиб ҳисса қўшаётган барча тумандошларимизга туман ҳокимлиги номидан миннатдорчилик билдирамиз.

📣📣📣 Шунингдек, барча тумандошларимизни ўз маҳалласини ям-яшил боғларга айлантиришга ҳисса қўшишларига чақириб қоламиз!

🔵@Сhilonzor_tuman_hokimligi