#Чилонзорда_Наврўз_шукуҳи
#Олам_нурга_тўлсин_сен_билан_Наврўз
#Миллий_ҳунармандчилик_кўргазмаси

“Миллий қадриятларимиз – беқиёс бойлигимиз”

Туманимизда жойлашган "Абулқосим Эшон" мадрасасида халқимизнинг улуғ байрами – Наврўзи олам муносабати билан “Миллий қадриятларимиз – беқиёс бойлигимиз” шиори остида миллий ҳунармандчилик кўзгазмаси ўтказилди.

Тадбирда Олий Мажлис Қонунчилик палатаси спикерининг ўринбосари А.К.Қодиров, Халқ депутатлари Чилонзор тумани кенгаши депутатлари С.Т.Имомов, У.С.Зиёдуллаев, Н.Н.Ашраповлар ҳамда ОАВ вакиллари иштирок этдилар.

Мазкур кўргазма миллий маданий ва маънавий бойлигимиз, бой тарихий меросимиз, ўзбек халқининг урф одат, анъана ва қадриятларини асраб авайлаш ва кўпайтириш, йўқолиб бораётган миллий ҳунармандчилик намуналарини сақлаб қолиш, бойитиш ва келгуси авлодга етказиш, устоз ва шогирд анъаналарининг давомийлигини таъминлаш масалалари ижросига қаратилганлиги билан ҳам аҳамиятли бўлди.

Кўргазма байрамона турзда давом этиб, таниқли хонандалар томонидан янграган миллий мумтоз қўшиқлар ва байрамона миллий рақслар тадбир иштирокчиларига кўтаринки кайфият бахш этди.

🔵@Сhilonzor_tumani_hokimligi

#Наврўзи_олам_муборак
#Олам_нурга_тўлсин_сен_билан_Наврўз

Азиз чилонзорликлар ва туманимиз меҳмонлари!

🌸 Жонажон юртимиз – Ўзбекистонимизга яшариш, баҳор ва гўзаллик байрами – Наврўзи олам кириб келди.

🌸 Ана шу қутлуғ айём – Шарқона янги йил билан муҳтарам отахон ва онахонларни, мунис опа-сингилларимиз, суюкли фарзандларимиз, бутун халқимизни чин юракдан самимий муборакбод этаман.

🌸 Қалбларимиз шодлик ва қувончга тўлган мана шу нурли лаҳзаларда барчангизга сиҳат-саломатлик, хонадонларингизга бахту саодат, файзу барака тилайман.


Қадрли дўстлар!

🌸 Мана бугун етти ёшдан етмиш ёшгача – барча юртдошларимиз катта шоду хуррамлик билан бир-бирини қутлаб, шу ёруғ кунларга етказгани учун шукроналар айтмоқда.

🌸 Эл-юртимизнинг табаррук заминимизга, она диёримизга меҳри, ўзаро аҳиллик, меҳр-оқибат фазилатлари янада яққол намоён бўлмоқда.

🌸 Шу дилбар фаслда табиатдаги ўзгаришларга уйғун бўлиб, жамиятимиз, ҳаётимиз ҳам ўзгариб, янгиланиб бормоқда.

🌸 Янги-янги уй-жойлар, таълим, тиббиёт ва маданият масканлари, замонавий корхоналар, обод маҳаллалар туманимиз чиройига чирой қўшмоқда.

🌸 Наврўз фалсафаси, Наврўз қадриятлари – одамларнинг дарду ташвиши билан яшаш, кексаларга ҳурмат, муҳтож инсонларга эътибор ва ёрдам кўрсатиш, адолат ва халқпарварлик фаолиятимиз мезонига айланмоқда.


🌸 Ҳақиқатан ҳам бу бетакрор байрам барча эзгу ниятли инсонларни бирлаштиради, уларнинг қалбида энг гўзал ва олижаноб туйғуларни уйғотади.

🌸 Шарқона янги йилимиз ҳар бирингизга, ҳар бир оила, ҳар бир хонадонга бахт ва қувонч олиб келсин!

🌸 Барча пок орзу-ниятларимиз амалга ошсин!

🌸 Юртимиз тинч, халқимиз омон бўлсин!

🌸Наврўзи олам барчамизга муборак бўлсин!


Ҳурмат билан

Чилонзор тумани ҳокими Саидқаҳҳор Холхўжаев

#Чилонзор_ОАВда
#Чилонзорда_Наврўз_шукуҳи
#Олам_нурга_тўлсин_сен_билан_Наврўз

Хабар берганимиздек, 7-март куни Чилонзор тумани ҳокимлиги, Маҳаллалар уюшмаси ва Renessans телеканали ҳамкорлигида Наврўз байрами кенг нишонланган эди.

👉👉👉Renessans телеканали дастурларида байрам тафсилотлари кенг ёритилди.

🔵@Сhilonzor_tumani_hokimligi