#Xalqaro_hamkorlik
🟢ENOZ KOMPANIYASI RAHBARI BUXORO MAKTABLARIDA

💠Koreyaning sun’iy intellekt texnologiyalari asosida ta’limiy kontentlar yaratishga ixtisoslashgan ENOZ kompaniyasi rahbari Park Chang Hong Buxoro shahridagi 42-umumta’lim maktabi hamda Prezident maktablarida bo‘lib, ushbu ta’lim muassasalari faoliyati, innovasion yondashuvlari va loyihalari bilan yaqindan tanishdi.

🔴Uchrashuv chog‘ida kompaniya rahbari ENOZ tomonidan ishlab chiqilayotgan zamonaviy ta’limiy kontentlar va platformalar taqdimotini o‘tkazdi. Ta’lim resurslari o‘quvchilarga nafaqat sun’iy intellekt texnologiyalarini o‘zlashtirish, balki zamonaviy kasb va ko‘nikmalarni egallash imkonini berishi ta’kidlandi.

🟡 Taqdimot davomida ENOZ rahbari ushbu maktablar bilan hamkorlik qilishga katta qiziqish bildirdi hamda istalgan paytda amaliy hamkorlikni yo‘lga qo‘yishga tayyor ekanligini ma’lum qildi.

✅Yangi o‘quv yilidan kompaniya hamkorligida 42-umumta’lim maktabida sun’iy intellekt yordamida ta’limi kontent yaratiladigan maxsus xona tashkil etilib, qiziquvchi o‘quvchilarga bu yerda maxsus mashg‘ulotlar olib borilishi kelishib olindi.

✅Buxoro viloyati maktabgacha va maktab ta’limi boshqarmasi kanallariga a’zo bo‘ling👇
Telegram | Facebook

#Maktabgacha_talim
🟢GʻIJDUVONDA MAKTABGACHA TA’LIM QAMROVINI KENGAYTIRISH IMKONIYATLARI O‘RGANILMOQDA

🔵Ayni paytda Gʻijduvon tumanida 438 ta davlat va nodavlat maktabgacha ta’lim tashkilotlari faoliyat ko‘rsatmoqda. Ularda 23 347 nafar bola qamrab olingan bo‘lib, bu ko‘rsatkich tumandagi 3-7 yoshli bolalar qamrovining 90,1 foizini tashkil etmoqda.

🫥Ayni paytda qamrov darajasini yanada oshirish maqsadida bir qator amaliy chora-tadbirlar amalga oshirilmoqda.

🔴Buxoro viloyati maktabgacha va maktab ta’limi boshqarmasi ishchi guruhi tomonidan o‘tkazilgan o‘rganishlar davomida tumandagi mavjud imkoniyatlar tahlil qilinib, ayniqsa xususiy sektor ishtirokini kuchaytirish masalalariga alohida e’tibor qaratildi.

🟡O‘rganish davomida tumandagi bir qator davlat xususiy sherikligi asosida faoliyat olib borayotgan MTTlarda bo‘lib, ulardagi qamrov darajasini oshirish imkoniyatlari ko‘rib chiqildi.

⏺Bu borada imkoniyatlarni yanada oshirish chora tadbirlari belgilab olindi.

✅Buxoro viloyati maktabgacha va maktab ta’limi boshqarmasi kanallariga a’zo bo‘ling👇
Telegram | Facebook