#Эътироф
❇️DILNOZA ENG IQTIDORLILAR QATORIDA

🔹Maktabgacha va maktab ta’limi vazirligi tomonidan Ilm-fan va ta’lim-tarbiyani rivojlantirish Ziyo Forum fondi bilan hamkorlikda tashkil etilgan "Ziyolilar.maktab" loyihasida g‘olib bo‘lgan mamlakatimizdagi 100 nafar eng faol, tashabbuskor va iqtidorli o‘quvchilar qatorida Jondor tumanidagi 33-maktabning 10-sinf o‘quvchisi Dilnoza To‘ymurodova ham bor.

🔹Kimyo va biologiya fanlari yo‘nalishida fan olimpiadalarining tuman hamda viloyat bosqichlari g‘olibasi bo‘lgan Dilnoza ayni paytda Xalqaro fan olimpiadalarida ishtirok etib, yuqori natijalarni qo‘lga kiritish maqsadida astoydil izlanmoqda.

🔹Uning kelajakdagi maqsadi kuchli shifokor bo‘lib, inson salomatligiga jiddiy xavf tug‘dirayotgan onkologik kasalliklar ustida izlanishlar olib borib, shu dard bilan og‘rigan bemorlar dardiga davo topishdir.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |

#янги_ўқув_йилига_туҳфа
❇️Vobkent tumanidagi 16-maktabning yangi binosi foydalanishga topshirildi

🔹Vatanimiz mustaqilligining qutlug‘ 33 yillik bayrami va Bilimlar kunini Vobkent tumanidagi 16-umumta’lim maktabi jamoasi qo‘shaloq shodiyonalar bilan qarshi olmoqda.

🔹Bugun, ushbu maktab uchun bunyod etilgan 180-o‘rinli qo‘shimcha o‘quv binosi foydalanishga topshirildi.

🔹Aytish joizki, investisiya dasturi doirasida 1 milliard 820 million so‘m mablag‘ evaziga barpo etilgan mazkur inshoot zamonaviy ko‘rinishga ega bo‘libgina qolmay, bunda o‘quvchilarning sifatli ta’lim-tarbiya olishlari uchun qulay shart-sharoilar yaratilgan.

🔹Shuningdek, maktab zamon talablari asosida mukammal ta’mirlanib, yangicha qiyofaga keltirilib, fasad qismidan tortib, issiqlik tizimlarigacha batamom zamonaviy ta’mirlash ishlari olib borildi.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |