#мактабга_эътибор_келажакка_эътибор
🤩VAZIR O‘RINBOSARI GʻIJDUVON TUMANIDAGI TA’LIM MUASSASALARI FAOLIYATI BILAN TANISHDI

✨Buxoro viloyatida xizmat safarida bo‘lib turgan Maktabgacha va maktab ta’limi vaziri birinchi o‘rinbosari Sardor Radjabov Gʻijduvon tumanidagi ta’lim muassasalarida bo‘ldi.

✨Dastlab tumandagi 37-umumta’lim maktabi faoliyati bilan yaqindan tanishdi. Maktabrda o‘quv-tarbiya jarayonlarining borishi, o‘quvchilarning bo‘sh vaqtlarini mazmunli tashkil etish, ularga ikkita xorijiy til, kasb-hunar o‘rgatish, shuningdek, pedagoglar salohiyatini oshirish maqsadida olib borilayotgan ishlarga alohida e’tibor qaratdi. Dars jarayonlarini kuzatdi, bitiruvchi sinf o‘quvchilarining qiziqishlari va maqsadlari bilan qiziqdi.

✨Pedagoglar bilan uchrashib, ta’lim sohasida amalga oshirilayotgan ishlar va yangiliklar borasida suhbatlashdi. Suhbat jarayonida pedagoglarning ta’lim sifatini oshirish bo‘yicha muammo va takliflarini o‘rgandi.Ta’lim sifatini oshirish, pedagoglar salohiyatini oshirish borasida qilinishi lozim bo‘lgan vazifalar belgilab olindi.

✨Keyingi manzil tumandagi 53-maktabgacha ta’lim tashkiloti bo‘ldi. Vazir o‘rinbosari tashkilotda tarbiyalanuvchilar uchun yaratilgan shart-sharoitlar, o‘quv-tarbiya jarayonlarini o‘rganar ekan, bu boradagi ishlar sifatini yanada oshirish bo‘yicha mas’ullarga tegishli ko‘rsatmalar berdi.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |

🤩Maktabgacha va maktab ta’limi vaziri o‘rinbosari Sardor Radjabov Buxoro viloyatiga xizmat safari jarayonida viloyat pedagoglarni yangi metodikalarga o‘rgatish hududiy markazida ham bo‘ldi.

✨Mazkur markaz binosida olib borilayotgan mukammal ta’mirlash ishlarining borishi va sifati, markazning jihozlanishi, fan o‘qituvchilariga yangi metodikalarni o‘rgatish borasida yaratilgan shart-sharoitlar va imkoniyatlar bilan tanishdi.

✨Markaz xodimlari ishtirokida pedagoglarning uzluksiz kasbiy tayyorgarligini samarali tashkil etish yo‘nalishida ilg‘or xorijiy tajribalarni amaliyotga joriy etish, onlayn va oflayn malaka oshirish kurslarini samarali tashkil qilish, kasbiy rivojlanish masalalariga yangicha yondashuvlar asosida markaz faoliyatini yanada takomillashtirish mavzulariga bag‘ishlab davra suhbati o‘tkazdi.

✨Joriy yilning iyun oyida Buxoro viloyatida Abu Ali Ibn Sino nomidagi Xalqaro fan olimpiadasi o‘tkazilishi rejalashtirilgan.

✨Vazir o‘rinbosari mazkur olimpiadaning ochilish marosimi o‘tkaziladigan va ishtirokchilarning sayohatlari uyushtiriladigan ob’'ektlarda hamda olimpiada sinovlari o‘tkazilishi rejalashtirilgan Buxoro tibbiyot instituti binosida bo‘ldi va tashkiliy masalalar bo‘yicha o‘z taklif va tavsiyalarini berdi.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |