🤩BUXORODAGI 46 TA MAKTABDA “ZAMIN” FONDI DASTURI DOIRASIDA ICHIMLIK SUV TA’MINOTI VA SANITARIYA TIZIMI YARATILADI

✨Xabaringiz bor, “Zamin” fondi tomonidan "Umumta’lim maktablarida suv, sanitariya va gigiyena" dasturi doirasida viloyatimizdagi maktablarda suv ta’minoti va sanitariya tizimi yaratilmoqda.

✨Mazkur loyihaning dastlabki bosqichida 16 ta, ikkinchi bosqichida 17 ta maktabda quduqlardan suv bilan ta’minlash, suvni filtrlash va xavfsiz ichimlik suvi darajasigacha chuchuklashtirish tizimlari o‘rnatilgan. Suv ta’minoti va kanalizatsiyaning ichki va tashqi muhandislik tarmoqlari, hojatxona va dush xonalari qurilgan.
Shuningdek, oqova suvlarni sug‘orma suv darajasigacha biologik tozalash tizimlari o‘rnatildi. Endilikda yana 13 ta maktabda shunday tizim yaratilishi rejalashtirilgan.

✨Viloyat maktabgacha va maktab ta’limi boshqarmasi tomonidan Vobkent tumanidagi 8-umumta’lim maktabida tashkil etilgan seminarda ushbu maktab direktorlari ishtirok etdilar.

✨Tadbir davomida ishtirokchilarga fond mablag‘lari hisobidan amalga oshirilayotgan "Ichimlik suvi va oqova suv tozalash tizimlari"ni qurish ob’ektlarini ishlash prinsipini uzluksiz tashkil etish bo‘yicha batafsil ma’lumotlar berilib, tizimdan samarali foydalanish bo‘yicha muhim tavsiyalar berildi.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |

🤩“Buxoro viloyati hokimi” sovrini uchun tashkil etilgan fan olimpiadasining 2-bosqichi bo‘lib o‘tmoqda

✨Avval xabar berganimizdek, joriy yilning 16-17-may kunlari “Buxoro viloyati hokimi” sovrini uchun viloyat umumta’lim muassasalarining 7-8-sinf o‘quvchilari o‘rtasida biologiya fanidan tashkil etilgan olimpiadaning dastlabki bosqichi o‘tkazilib, unda yuqori ballarni qo‘lga kiritgan 50 nafar o‘quvchi olimpiadaning 2-bosqichida ishtirok etish imkoniyatiga ega bo‘lgan edi.

✨Bugun, 22-may kuni Buxoro shahridagi 17-umumta’lim maktabida Biologiya olimpiadasining 2-bosqichiga start berildi.

✨Tadbirning ochilish marosimida ishtirok etgan viloyat maktabgacha va maktab ta’limi boshqarmasi boshlig‘ining birinchi o‘rinbosari Hidoyat Rahmonova barcha ishtirokchilarga omad tiladi.

✨2-bosqich natijalariga ko‘ra, 1-2-3-o‘rin g‘oliblari aniqlanadi hamda diplom va esdalik sovg‘alari bilan taqdirlanishi rejalashtirilgan.

✅Buxoro viloyati maktabgacha va maktab ta'limi boshqarmasi kanallariga a’zo bo‘ling:👇
Telegram | Facebook |