#Ayni_paytda

❇️Buxoro viloyati hokimi o‘rinbosari Mirali Hamrayev maktabgacha va maktab ta’limi boshqarmasi boshlig‘i Farrux Qurbonov hamrohligida Qorovulbozor tumanidagi ta’lim muassasalari faoliyatini o‘rganmoqda.

Umumta’lim maktablari va maktabgacha ta’lim tashkilotlarining ta’lim sifati va kuz-qish mavsumiga tayyorgarlik holatini o‘rganish maqsadidagi tashrif dastlab tumandagi 8-maktabgacha ta’lim tashkilotidan boshlandi.

Ushbu ta’lim muassasasining binosi 1983-yilda qurilgan bo‘lib, 2019-yilda kapital ta’mirlangan. Ayni paytda mazkur ta’lim muassasasida 150 nafar bolajonlar tarbiyalanmoqda.

Viloyat hokimi o‘rinbosari ta’lim tashkilotda bolajonlarning sifatli ta’lim olishi, ovqatlanishi va dam olishi uchun yaratilgan shart-sharoitlar, binoning kuz-qish mavsumiga tayyorgarlik holatini ko‘zdan kechirdi.

Mamlakatimiz bo‘ylab “Yashil makon” umummilliy loyihasi davom etayotgan ayni kunlarda viloyat mutasaddilari tomonidan maktabgacha ta’lim tashkiloti bog‘iga daraxt ko‘chatlari o‘tkazildi.

#Ayni_paytda
#Qorovulbozor

Keyingi manzil tumandagi 3-umumta'lim maktabi bo'ldi. Mazkur ta’lim muassasasi binosi 1985- yilda qurilgan bo‘lib, 2019- yilda davlat dasturi asosida kapital ta’mirlangan. Ayni paytda maktabda 430 nafar o‘quvchi bir smenada ta’lim olmoqda.

52 nafar o‘qituvchilardan iborat pedagogik jamoa ta’lim-tarbiya jarayonlarini sifatli tashkil etishga harakat qilmoqda.
O‘tgan o‘quv yilida maktabning 11-sinfini 25 nafar o‘quvchi tamomlagan bo‘lsa, ularning 18 nafari, ya’ni 72 foizi oliy ta’lim muassasalariga o‘qishga kirishdi.

Viloyat hokimi o‘rinbosari hamda viloyat maktabgacha va maktab ta’limi boshqarmasi boshlig‘i maktabdagi o‘quv jarayonlarini kuzatdilar.

Maktab hududida olib borilayotgan obodonlashtirish ishlari, kuz-qish mavsumiga tayyorgarlik holati, shuningdek maktab oshxonasi faoliyati yaqindan o‘rganildi.

#Ayni_paytda
#Qorovulbozor

Tumandagi 9-davlat maktabgacha ta’lim tashkiloti hamda 5-umumta’lim maktabi tuman markazidan 25 kilometr olisdagi Jarqoq mahalla fuqarolar yig‘ini hududida joylashgan.

Xo‘sh, bugun ushbu ta’lim muassasalarida o‘quv jarayonlari qanday tashkil etilmoqda? Bu dargohlarda o‘quvchilarning puxta bilim olishi, pedagoglarning faoliyat olib borishi uchun qulay shart-sharoilar yaratilganmi?

Viloyat hokimi o‘rinbosari Mirali Hamrayev hamda viloyat maktabgacha va maktab ta’limi boshqarmasi boshlig‘i Farrux Qurbonov ushbu ta’lim muassasalarida bo‘lib, bu boradagi holat bilan yaqindan tanishdilar.

Jarayonda kuzatilgan kamchiliklarni bartaraf etish bo‘yicha mas’ullarga tegishli topshiriqlar berildi.

✅Buxoro viloyati maktabgacha va maktab ta'limi boshqarmasi Axborot xizmati