#онлайн_мулоқот

Соат 16.05. Вилоят ҳокими Ботир Зариповнинг жойлардаги тадбиркорлар, ишбилармон доира вакилларининг, кичик бизнес субьектлари, шунингдек, янги бизнес лойиҳа ва режалар устида изланаётган ташаббускор фуқароларнинг фаолиятларидаги мавжуд муаммоларни ўрганиш ва уларга амалий кўмак беришга қаратилган мулоқоти давом этмоқда.

Вилоят раҳбари ишбилармонлар билан бирма-бир мулоқот қилиб, уларнинг вилоят ёки республика даражасида ҳал қилиниши лозим бўлган мавжуд муаммоларига алоҳида эътибор қаратмоқда.

Бундан ташқари, ҳудуд имкониятидан келиб чиққан ижтимоий инфратузилмани ривожлантириш, аҳоли бандлиги, даромадлари ва турмуш даражасини изчил оширишга қаратилган турли йўналишдаги лойиҳаларни қўллаб-қувватлаш, тадбиркорлар учун зарур муҳандислик-коммуникация тармоқларига оид масалаларни ҳал этиш, умуман, вилоятда ишлаб чиқариш ва хизмат кўрсатиш даражасини янада яхшилашга қаратилган зарур чоралар белгиланиб, ижроси назоратга олинмоқда.
Учрашувда Иқтисодиёт ва молия вазири ўринбосари Адиз Бобоев ҳам иштирок этмоқда.

Buxoro.uz | Facebook | Instagram | YouTube

#онлайн_мулоқот

Хабар берганимиздек, айни пайтда вилоят ҳокими Ботир Зарипов ZOOM платформаси орқали турли соҳа ва йўналишларда фаолият юритаётган тадбиркорлик субъектлари вакиллари, янги бизнес лойиҳа ва режалар устида изланаётган ташаббускор фуқаролар билан мулоқот қилмоқда.

Мулоқотда тадбиркорлар билан бирма-бир гаплашилиб, улар фаолиятидаги тўсиқ ва муаммоларни бартараф этиш чоралари кўрилмоқда.

Маълумот учун, учрашув кун давомида бўлиб ўтиши режалаштирилган. Бунда тадбиркорлар ўзлари яшаётган ёки фаолият кўрсатаётган шаҳар-туман ҳокимлик мажлислар залидан иштирок этишлари, вилоят ёки республика даражасидаги муаммоли масалалари юзасидан вилоят ҳокими билан мулоқотга киришишлари мумкин.

Buxoro.uz | Facebook | Instagram | YouTube

#онлайн_мулоқот

Кичик бизнeс ва хусусий тадбиркорликни ривожлантириш орқали аҳоли турмуш даражасини яхшилаш, реал даромадларини ошириш ва бандлигини таъминлаш бугунги куннинг устувор вазифаларидан бири ҳисобланади. Шу боис Бухоро вилоятида ҳам тадбиркорликни ривожлантириш учун қулай шароитлар яратилмоқда, улар фаолиятида юзага келаётган муаммо ва тўсиқларни тезкор бартараф қилишга алоҳида эътибор қаратилмоқда.

Вилоят ҳокими Ботир Зариповнинг ZOOM платформаси орқали турли соҳа ва йўналишларда фаолият юритаётган тадбиркорлик субъектлари вакиллари, янги бизнес лойиҳа ва режалар устида изланаётган ташаббускор фуқаролар билан анъанавий мулоқоти эса айни йўналишда муҳим қадам бўлаётгани рост.

Бугун, 20 май куни соат 9.00да бошланган навбатдаги мулоқот қисқа танаффусдан сўнг яна давом этмоқда.
Очиқ мулоқот давомида 70 яқин тадбиркорлар томонидан лойиҳаларни амалга ошириш, тадбиркорлик фаолиятини кенгайтириш, тижорат банкидан кредит олиш, каби муҳим масалалар ўртага ташланди, янги бизнес ғоялар ва таклифлар билдирилди.

Вилоят раҳбари ҳар бир мурожаатни, айниқса, кичик ва ўрта бизнесни қийнаётган масалаларни алоҳида назоратга олиб, қонуний ва ижобий ечим топиш зарурлигини таъкидлади. Ҳудудларга чиқиб, тадбиркорларнинг муаммо ва таклифларини ўрганиш асосида бизнес учун шароитларни яхшилаш бўйича аниқ кўрсатмалар берди.

Мулоқот давом этмоқда.

Buxoro.uz | Facebook | Instagram | YouTube

#тадбиркорлар
#онлайн_мулоқот

Бухоро вилояти ҳокими Ботир Зарипов томонидан вилоятда тадбиркорликни жадал ривожланишини қўллаб-қувватлаш, ишбилармонларга маҳсулотларини экспорт-импорт қилишдаги фаолиятини янада яхшилаш бўйича уларга янгиликларни етказиш, бизнес вакилларига тўсқинлик қилаётган, тадбиркорлик фаолияти эркинлигини чеклаётган муаммоларни доимий равишда ўрганиб бориш ва уларни бартараф этиш мақсадига қаратилган навбатдаги онлайн форматдаги учрашуви бўлиб ўтди.

Анъанага мувофиқ вилоят раҳбари турли соҳа ва йўналишларда фаолият юритаётган тадбиркорлик субъектлари вакиллари, деҳқон ва фермер хўжаликлари раҳбарлари, янги бизнес лойиҳа ва режалар устида изланаётган ташаббускор фуқаролар билан мулоқот қилиб, уларнинг ташаббусларини ўрганди.

Мулоқотда шаҳар-туманларда бизнес билан шуғулланаётган 32 нафар иштирокчиларнинг ҳар бири билан гаплашилиб, улар фаолиятидаги тўсиқ ва муаммоларни бартараф этиш, шу орқали фаолиятини ривожлантириш чоралари кўрилди.
Аниқроғи, тадбиркорлар томонидан билдирилган кредит маблағи ажратиш, кадастр ҳужжатларини расмийлаштириш, солиқ тўлаш тартиблари борасидаги ва бошқа йўналишдаги ҳар бир масала вилоят ташкилотлари масъуллари иштирокида кўриб чиқилиб, тегишли тартибда тадбиркорларга кўмак кўрсатилиши учун чора-тадбирлар белгиланди.

Ботир Зарипов тегишли соҳа раҳбарлари иштирокида бундай тадбирларни аниқ режа асосида доимий ўтказиб борилишини, тадбиркорларнинг мурожаатлари ҳамда муаммолари мунтазам ўрганилиб ва ҳал этилишини таъкидлади.

Buxoro.uz | Facebook | Instagram | YouTube

#онлайн_мулоқот
#муаммо_ва_ечим

Когон туманидаги “Golden Chicken Bukhara” МЧЖ парррандачилик соҳасида фаолият кўрсатади. Жавоҳир Насуллаев раҳбарлигидаги корхона 2021 йилда ташкил этилган ва асосан парранда гўшти маҳсулотлари экспорти билан шуғулланади. Жорий йилнинг ўтган даври мобайнида корхона томонидан 400 минг АҚШ долларига тенг маҳсулот экспорт қилинган.

— Асосий бозоримиз Тожикистонда. Фаолиятимизда қатор муаммоларимиз ҳам бор. Ҳозир 12 та инкубация келтириб ўрнатганмиз. Бироқ инкубацияларимиз бор-йўғи беш фоиз қууватда ишлаяпти. Натижада жўжа етиштириш қийин бўляпти. Шунга амалий ёрдам берсангиз. Агар корхонамиз тўла қувватда ишласа, экспортимиз тўрт бараварга ошади, қўшимча 20 та иш ўрни яратилади, - деди корхона раҳбари бугун вилоят ҳокими билан онлайн мулоқотда.

Ботир Зарипов масалани тегишли масъуллар иштирокида батафсил муҳокама қилди. Маълум бўлишича, агар давлат ветеринария хизмати назорати остидаги товарлар экспорти, импорти ва транзити учун рухсатнома ҳамда ветеринария сертификати олинса, муаммо ўз ечимини топади. Аниқроғи, мазкур сертификат орқали сифатли тухум олиш ва паррандда гўшти маҳсулотларини экспорт қилишга йўл очилади.

Муаммо шу ернинг ўзида ҳал этилди ва тадбиркорга сертификат олиб берилди.

Buxoro.uz | Facebook | Instagram | YouTube