Қоракўл туманида Ҳиндистоннинг етакчи олий таълим муассасаларидан бири ҳисобланган Ачаря университети филиали очилганига ҳали кўп вақт бўлгани йўқ. Шунга қарамай, мазкур хорижий таълим муассасасида ўқиш истагини билдирган ёшлар сафи кенгайиб бормоқда. Бунга университетда йигит-қизлар сунъий интеллект, маълумотлар фани, киберхавфсизлик, бизнес таҳлил ва бошқа йўналишлар бўйича мукаммал билим олиш имкониятига эга бўлиши катта қизиқишларга сабаб бўляпти.

Шунингдек, университетда асосий эътибор ахборот коммуникация технологиялари соҳасини ўргатишга қаратилган. Хуллас, энди халқаро IT таълимга эга бўлиш учун чет эл ёки пойтахтга бориб ўтириш шарт эмас. Халқаро IT университет энди Бухоронинг ўзида бор. Педагогларнинг 70 фоизи хориждан, аниқроғи, Ҳиндистоннинг ўзидан келиб таълим беради. Маҳаллий ўқитувчилар эса Ҳиндистонда малака оширишади. Ҳозирги вақтда 150 нафар ўқувчи таълим олади.

Buxoro.uz | Facebook | Instagram | YouTube

Пресс-тур иштирокчиларининг навбатдаги манзили туман марказидаги "Хўжалар" маҳалласида қад кўтараётган кўп қаватли уйлар бўлди. "Қоракўл Сити" турар жой мажмуаси иш бошқарувчиси Аброр Бобоев ташриф буюрувчиларга туман аҳолисини арзон ва сифатли уй-жой билан таъминлаш мақсадида барпо этилаётган мазкур уйларнинг қурилиш жараёнлари ҳақида батафсил ахборот берди.

Маълумот учун, ушбу мажмуада лойиҳа ташаббускори Комил Рўзиев томонидан етакчи қурилиш ташкилотлари жалб этилган ҳолда қурилаётган 226 та хонадондан иборат 3 та 8 қаватли, шунингдек 40 хонадон учун мўлжалланган 1 та 5 қаватли турар-жой бинолари қад ростлади.

Келгусида бу ерда истиқомат қилувчи аҳоли вакиллари учун энг замонавий шарт-шароитларга эга турар-жой мажмуасида яшаш имкониятини тақдим қилиш мақсадида мажмуа ҳудудида 180 ўринли боғча фойдаланишга топширилиш арафасида турибди.

Шунингдек келгусида бу ерда 220 ўринли мактаб, спорт мажмуаси, ўқув маркази, меҳмонхона ва бошқа кўнгилочар масканлар ҳам барпо этилиши назарда тутилган.

Buxoro.uz | Facebook | Instagram | YouTube