#online
#hududlar_hayoti
#Jondor_tumani

Жондор туманидаги 38-умумтаълим мактаби 1971 йилда қурилган. Ҳозирда муассасада 520 нафар ўқувчига 57 нафар педагог таълим-тарбия бериб келмоқда. Ўтган ўқув йилида мактабни 27 нафар ўқувчи тамомлаган бўлса, уларнинг 18 нафари талабаликка эришди. Ҳозирда эса 2 нафар ўқувчи муддатидан олдин талаба деган номга сазовор бўлган.

Вилоят раҳбари мазкур мактабда бўлиб, ўқитувчилар билан мулоқот қилди. Уларнинг муаммоларига қулоқ тутди. Маълум бўлишича, мактабдаги энг долзарб масала унинг таъмирталаблиги. Ботир Зарипов ушбу масала бўйича тезкор чоралар кўрилиб, келгуси йилда бу ерда янги мактаб бунёд этилишини билдирди. Йўл-йўлакай вилоят раҳбари аҳоли вакиллари билан ҳам суҳбатлашди.

— Узоқ йиллар маҳалламиздаги боғчада ишладим. Даромадимизни ошириш мақсадида ҳудудимизда савдо дўкони очдик. Икки кишини иш билан таъминладик. Орзу - ҳавасимиз ушаляпти. Нолийдиган жойимиз йўқ. Ҳаракат қилган одам истаганига эришади ҳозир. Шунга имкон бор, - деди Анора Ҳафизова вилоят ҳокими билан мулоқотда.

Buxoro.uz | Facebook | Instagram | YouTube