#hokim_hududlarda
#Buxoro_shahri

Botir Zaripov Buxoro shahrida joylashgan “Tibtexnika” O‘zbekiston - Janubiy Koreya qo‘shma korxonasi faoliyati bilan tanishdi.

Ma’lumot uchun mazkur loyihaning umumiy qiymati 5,3 mln AQSH dollari miqdorida bo‘lib, uning 2,5 mln dollari kredit hisobidan, 1,0 mln dollari tadbirkor mablag‘lari va 1,8 mln dollari xorijiy investorlar hisobidan amalga oshirilgan.

Loyihaning ishga tushirilishi natijasida 84 ta yangi ishchi o‘rinlari yaratilgan bo‘lib, unda 6 turdagi tibbiy buyumlar (koronar stend, koronar ballon, koronar o‘tkazgich, diagnostik kateter, introdyuser, diagnostik o‘tkazgich) ishlab chiqarilishi yo‘lga qo‘yilgan.

Muassasaning to‘la quvvat bilan ishlashi natijasida yiliga 12 million AQSH dollari miqdoridagi tibbiyot buyumlarini eksport qilish imkoniyati mavjud.

Bundan tashqari, qo‘shma korxona tomonidan yangi loyiha ham amalga oshirilmoqda. Botir Zaripov mazkur loyiha doirasida bajarilayotgan ishlar bilan qiziqdi. Jarayonlarni jadallashtirish yuzasidan vazifalar belgilandi.

Buxoro.uz | Facebook | Instagram | YouTube