#ҳоким_ҳудудларда
#Пешку
#Ромитан

Шу йилги қишлоқ хўжалиги мавсумида Пешку тумани деҳқонлари 8 412 гектар майдонда маҳаллий серҳосил навлар билан бирга хорижий пахта навларини ҳам етиштиришмоқда. Тумандаги пахтачиликка ихтисослашган 325 та фермер хўжаликлари 33 минг тоннадан ортиқ хирмон юксалтиришни мақсад қилишган. Бугунги кунда 92 та отряд таркибида 9 мингдан ортиқ теримчилар меҳнат қилишмоқда.

Ҳудудларда назорат тартибидаги ўрганишларнинг навбатдаги манзили тумандаги "Файзулло Зойир" фермер хўжалиги бўлди. Зойир Саидов раҳбарлигидаги хўжалик вакиллари шу бу йил 27 гектарда пахта етиштиришмоқда. Кўзланган хирмон 110 тоннадан ортиқ. Ҳозирда 100 нафар теримчи далада юқори суръатда теримни ташкил этмоқда.

Вилоят раҳбари дала бошида теримчиларга яратилган шароитларлар ва ҳосилни кўздан кечирди. Шу ерда Пешку туманидаги маҳалла раислари ва фермер хўжаликлари раҳбарлари билан учрашди.

Ботир Зарипов шунингдек, "Бухоро Агрокластер" МЧЖ пахта далаларида 9,39 гектар майдонда парваришланган хорижий (Хитой) "Чжунтай" навли пахта ҳосилини кўрди. Жорий йил 1 май куни экилган мазкур нав ҳозирда тўлиқ ҳосилга кирган.

Ўртача 70 центнердан кўпроқ ҳосил кутилмоқда. Вилоят раҳбари шу ерда Ромитан туманидаги маҳалла раислари ва фермер хўжаликлари раҳбарлари билан учрашиб, улар билан мулоқот қилди. Мулоқот давомида терим суръатини ошириш, теримчилар учун муносиб меҳнат шароитини яратиш, терим пулларини ўз вақтида тўлаб бориш, алоҳида рағбатлантиришлар жорий қилиш, ҳосилни ёғин-сочин кунларга қолдирмасдан тез суръатларда териб якунлаш ҳақида алоҳида тўхталиб ўтди.

Buxoro.uz | Facebook | Instagram | YouTube