#пахта_2024

Бухорога Хитойнинг “Boshiran” компаниясида ишлаб чиқарилган 2 та 2 қаторлик, 10 та 4 қаторлик Boshiran 4 MZ-2А русумли,, шунингдек, Ўзбекистонда ишлаб чиқарилган 2 та 2 қаторлик “CASE JX 220” русумли пахта териш машиналари келтирилди.

Boshiran 4 MZ-2А 2 қаторлик пахта териш машинаси кунига 15-20 тоннагача, 4 қаторлик пахта териш машинаси эса 40-50 тоннагача пахтани териш қувватига эга.

Таққослаймиз. Агар Boshiran 4 MZ-2А 4 қаторлик пахта териш машинаси кунига ўртача 45 тонна пахта терса, бу қўл теримидаги 600-700 нафар кишининг меҳнатига тенг деганидир.

Энг муҳими, Boshiran 4 MZ-2А анъанавий терим машиналаридан фарқли равишда пахтани тоза теради.
Аграр соҳага кенг тарғиб қилинаётган кластер тизимининг ажралмас бўлаги сифатида қаралаётган бу терим машиналарининг вилоятимизга келтирилиши пахта теришда қўл меҳнатидан воз кечиш йўлида қўйилган катта қадамлардан бири бўлди.

Бугун мазкур пахта териш машиналарининг еттитаси Когон туманида далаларида синовдан ўтказилади.

Buxoro.uz | Facebook | Instagram | YouTube