⚡️Ўзбекистон Республикаси Президентининг 2024 йил 24 майдаги “Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида”ги ПФ–80-сон Фармонига мувофиқ Адлия вазирлигига контрафакт маҳсулотларни яширин ишлаб чиқариш ҳолатларини аниқлаш бўйича махсус ваколатли органлар билан ҳамкорликда тадбирлар ўтказиш ва аниқланган контрафакт маҳсулотларни олиб қўйиш ва йўқ қилиш ҳуқуқлари берилди.

Ҳозирда Адлия вазирлиги томонидан республика бўйлаб контрафакт маҳсулотларга қарши курашиш самарадорлигини ошириш мақсадида махсус ваколатли органлар ходимларининг интеллектуал мулк соҳасидаги билим ва кўникмаларини ошириш бўйича ўқув машғулотлари ўтказиб келинмоқда.

Куни кеча Адлия вазирлигининг масъул ходимлари томонидан вилоят Божхона бошқармаси, вилоят прокуратураси ҳузуридаги Иқтисодий жиноятларга қарши курашиш департаменти ва Бухоро вилояти Солиқ бошқармаси билан ҳамкорликда ўқув машғулоти ташкил этилди.

Ўқув машғулоти якунида махсус ваколатли органлар томонидан келгусида вилоят ҳудудида контрафакт маҳсулотлар реализацияга қарши курашишда ўзаро ҳамкорлик қилиш бўйича чора-тадбирлар белгилаб олинди.

Buxoro.uz | Facebook | Instagram | YouTube