#ҳудудлар_ҳаёти
#Ғиждувон_тумани

Ғиждувон тумани “Барака” массивида барпо қилинган “Янги Ўзбекистон” аҳоли масканида айни кунда 468 та хонадонга мўлжалланган жами 24 та, ҳар бири 5 қаватдан иборат замонавий турар жой иншоотлари қад ростлаган. Бу турар жойларнинг ҳар бири 20 та ёш оилани ўз бағрига олиши баробарида табиий газ, тоза ичимлик суви, электр энергияси, оқава сув тармоғига уланган бўлиб, атрофи мўъжаз шаҳарчани эслатадиган обод манзилга айлантирилмоқда. Шунингдек, яна 10 та кўп қаватли уйларнинг қурилиши давом этмоқда.

Бугун, 20 март куни вилоят ҳокими ўринбосари Жалол Арашов мазкур массивда бўлиб, амалга оширилаётган ишлар билан яқиндан танишди. Назорат тартибидаги ўрганиш асносида масъулларга фойдаланишга топширилмаган кўп қаватли уйлардаги ишларни қисқа муддатда якунига етказиш, йўл, электр энергияси, табиий газ ва ичимлик суви тармоқларини тортиш бўйича тегишли топшириқлар берилди ҳамда ижроси назоратга олинди.

Buxoro.uz | Facebook | Instagram | YouTube

#ҳудудлар_ҳаёти
#Ғиждувон_тумани

Шу куни вилоят ҳокими ўринбосари Жалол Арашов "Янги Ўзбекистон" массивларини ичимлик ва оқова сув тизимлари билан таъминловчи объектда ҳам бўлди. Ўзбекистон Республикаси Молия вазирлиги ҳузуридаги “Сув таъминоти ва канализация тизимларини ривожлантириш жамғармаси” ҳисобидан барпо этилаётган иншоотда 16.1 км ичимлик ва оқова сув тармоқларини тортиш, 1 дона ичимлик сув иншооти, 1 дона оқова сув тозалаш ва оқова сув ҳайдаш иншооти қурилади.

Мазкур объектга “Ремстройкомплект Инвест Инжиниринг” МЧЖ пудратчи сифатида танланган бўлиб, лойиҳа-смета ҳужжатларида белгиланган ишлар якуний босқичда. Жалол Арашов сув иншоотининг имкониятлари билан танишди. Ишларни қисқа муддатда сифатли тугатиш бўйича масъулларга кўрсатмалар берди.

Buxoro.uz | Facebook | Instagram | YouTube