Ўзбекистон Республикаси Президентининг 2021 йил 13 августдаги “Қоракўл” эркин иқтисодий зонасини ҳамда замонавий газ-кимё технологик кластерини ташкил этиш чора-тадбирлари тўғрисида”ги қарорига мувофиқ, Қоракўл ва Олот туманларининг умумий 400 гектар ер майдонида газ-кимё соҳасига ихтисослашган “Қоракўл” эркин иқтисодий зонасида 2021-2025 йилларда тўғридан-тўғри инвестиция ҳисобига дастлабки қиймати 2,7 млрд АҚШ долларига тенг МТО (метанолдан олефин олиш) технологияси асосида газ-кимё комплексини қуриш ва газ-кимё технологик кластерини ташкил этиш лойиҳаси амалга оширилмоқда.

Мазкур инвестиция лойиҳаси орқали йилига 2,1 миллиард куб метр газни қайта ишлайдиган газ-кимё комплекси лойиҳаси фаолияти йўлга қўйилади.
Ноёб технологияга асосланган метанолдан олефин олиш лойиҳасига асосан йилига 1,1 млн тонна полимер маҳсулотлари (300 минг тонна Полиэтилен терефталат (PET), 350 минг тонна Полипропилен (PP), 280 минг тонна юқори зичликдаги полиэтилен (HDPE) 80 минг тонна паст зичликдаги полиэтилен (LDPE), 100 минг тонна этиленвиниласетат каби юқори ликвидли хом ашёлар ўзлаштирилади.

Мазкур лойиҳанинг аҳамияти шундаки, қайд этилган хом ашёлар ёрдамида 60 турдан ортиқ янги маҳсулотларни маҳаллийлаштириш имконияти пайдо бўлади. Лойиҳа тўла қувватда ишлай бошласа, 2 мингта янги иш ўрни яратилади.

Пресс-тур иштирокчиларининг навбатдаги манзили газ-кимё комплекси бўлди.

Buxoro.uz | Facebook | Instagram | YouTube