#яшил_қоплама
#Олот_тумани
#назорат_ўрганиш

Шу кунларда Олот тумани "Қирлишон" ҳудудидаги Денгизкўл ён бағрида экологик ҳолатни яхшилаш, Орол денгизининг суви қуриган туби ва Оролбўйи минтақасидан кўтарилаётган қум, туз ва чанг заррачаларининг салбий таъсирини камайтириш ҳамда глобал иқлим ўзгаришларининг салбий таъсирини янада юмшатиш мақсадида “Яшил қоплама” ҳосил қилиш ишлари олиб борилмоқда

Чўл массивларида 40 минг гектардан зиёд ҳудудда экиш ишлари режалаштирилган бўлиб, бу ишларда 40 га яқин ҳайдов техникаси воситасида 100 тоннадан ортиқ саксовул уруғи, 150 дан ортиқ ишчи кучи жалб қилинган.

Вилоят ҳокими Ботир Зарипов мазкур ҳудудда бўлиб, амалга оширилаётган ишлар билан яқиндан танишди. Бу борада масъулларга топшириқ ва кўрсатмалар берди.

Бевосита ўтган йилда жадал киришилган чора-тадбирларга назар солсак, Жондор тумани Қорақум чўлида 20 минг гектар, Шофиркон туманида, кимсасиз Қизилқум чўли бағрида 20 минг гектар ер майдонида экиш ишлари амалга оширилган. Бунда фойдаланилаётган жами 31 та транспорт воситаси вилоят давлат Ўрмон хўжалиги бошқармаси тизимидаги туманлар ўрмон хўжаликлари техника парклари тасарруфида бўлиб, айни кунда юздан зиёд ишчи кучи бу долзарб ишга жалб қилинган.

Умуман, “Яшил қоплама” саъй-ҳаракати мазмун-моҳиятига тўхталсак, чўл массивида бажарилган экиш ва ниҳол кўкартириш ишлари аввало, тумандошларимиз саломатлигини сақлаш, экологик номутаносибликларнинг олдини олишга қаратилгани билан аҳамиятлидир.

Вилоят ҳокимлиги матбуот хизмати

Buxoro.uz | Facebook | Instagram | YouTube