⚡️“Ташаббусли бюджет" лойиҳаси - амалда

“Ташаббусли бюджет” жараёнида таълим даргоҳлари, соғлиқни сақлаш соҳалари, маҳаллалар инфратузилмасини яхшилишга қаратилган таклифлар илгари сурила бошланди. Бунинг натижасида 2023 йилнинг 1-мавсуми доирасида овоз бериш босқичи якунларига кўра, Бухоро туманида 16 та таклифлар ғолиб деб топилиб, 9 млрд 860 млн. сўм маблағлар ушбу таклифлар учун ажратилди. Ўтган йилги 2-мавсум доирасида эса жами 4 та лойиҳа ғолиб деб топилди ва уларни амалга ошириш учун 5.1 млрд. сўмдан ортиқ маблағлар йўналтирилди.

Эътибор қаратиш керак бўлган томони – 2021 йилда тажриба тариқасида бошланган “Ташаббусли бюджет” 3 йил ичида йирик лойиҳага айланиб улгурди. Мазкур жараёнларда одамларнинг фаоллиги ошди, ўз солиқларини ўзлари хоҳлагандек ишлатишда бевосита иштирок эта бошлашди.

Жумладан, Бухоро туманидаги “Хонабод” маҳалласида жойлашган 25-умумтаълим мактаби таълим сифати ва самарадорлигини янада ошириш учун муносиб ҳамда замонавий шарт-шароитлар яратиш мақсадида илгари сурилган ташаббусларда кетма-кет 4 мавсумдан буён ғолиб бўлиб келмоқда. 2022 йилда 1.1 млрд сўм маблағ ҳисобига “Ташаббусли бюджет” жараёнида мазкур мактабнинг атрофи ўралиб, янги спорт майдони қурилган бўлса, 2023 йилда мактаб жорий таъмирланиб, моддий-техника базаси мустаҳкамланди, замонавий ускуналар билан таъминланди. Ушбу ишлар учун давлат бюджетидан 2,6 млрд сўм маблағ ажратилди. Албатта, бу ташаббусларда хонабодликлар ва мактаб жамоасининг аҳиллиги қўл келди.

Buxoro.uz | Facebook | Instagram | YouTube

#ибрат_бекати

Ота:
- Қизим, менинг кўча тозаловчи эканимни ҳеч кимга айтмагин, бўлмаса сени мазах қилиб, устингдан куладилар, деди

Қиз эса отаси билан тушган бу расмини интернетдаги шахсий саҳифасига жойлаб: "Бу менинг отам! Мен отам билан фахрланаман", деб ёзди.

P.S: Ҳамиша оналарни улуғлаб кўп гапирамиз. Шаксиз, она – мўътабар зот. Лекин оталарни ҳам унутмайлик. Зеро, “ҳамма жойда ота-она дейилади, она-ота эмас!” Халқимизда “Ота рози – Худо рози” деган мақол бор. Отани доим қадрлаб, қадрини юксак билган фарзандгина кўкаради, дейдилар.

Бу ҳикматлар бежиз эмас. Зеро, оталар ҳам фарзандларини оналардан кам севмайди, фақат ҳадеб меҳрларини билдираверишмайди, холос.

Buxoro.uz | Facebook | Instagram | YouTube

​​⚡️Маҳалла раисларининг ваколат муддатини узайтириш режалаштириляпти

Ўз навбатида, халқ депутатлари туман (шаҳар) Кенгашларига маҳалла раисларига нисбатан ишончсизлик билдириш ваколати бериляпти.

Президентнинг 2023 йил 21 декабрдаги Ўзбекистон маҳаллалари уюшмасини ташкил этишган доир қарори билан маҳалла тузилмасини қўллаб-қувватлашга доир айрим вазифалар белгиланмоқда.

Хусусан, Уюшмага манфаатдор вазирлик ва идоралар билан биргаликда маҳалла тизимида амалга оширилаётган ислоҳотлардан келиб чиқиб, 2024 йил 1 мартга қадар “Фуқаролар йиғини раиси сайлови тўғрисида”ги қонуннинг янги таҳрири лойиҳасини ишлаб чиқиш вазифаси юкланган.

Қайд этилишича, мазкур қонуннинг янги таҳририда маҳалла раисининг ваколат муддатини 3 йилдан 5 йил муддатга узайтириш, маҳалла раиси сайловини аҳоли томонидан умумий, тенг, тўғридан-тўғри сайлов ҳуқуқи асосида яширин овоз бериш орқали ўтказиш ҳамда маҳалла раисининг маълумоти (олий) ва малакаси бўйича қўйиладиган талабларга доир қўшимчалар акс этиши керак.

Шунингдек, Уюшма кўрсатилган муддатда “Фуқароларнинг ўзини ўзи бошқариш органлари тўғрисида”ги қонуннинг ҳам янги таҳрири лойиҳасини ишлаб чиқади.

Унда:
• ҳудудларнинг тарихий хусусиятлари ва аҳоли пунктларининг географик жойлашувини ҳисобга олган ҳолда маҳаллаларни ташкил қилишнинг аниқ мезонларини белгилаш;

• маҳалла томонидан жисмоний шахслардан олинадиган мол-мулк солиғи ва ер солиғи бўйича оширилган коэффициентлар қўллаш юзасидан тегишли халқ депутатлари Кенгашларига таклиф киритиш;

• маҳалла раисининг сўровига жавоб бермаслик ёки тақдимномасида қўйилган масалани кўриб чиқмаслик учун жавобгарлик белгилаш;

• халқ депутатлари туман (шаҳар) Кенгашларига маҳалла раислари ўз фаолиятида жиддий хато ва камчиликларга йўл қўйганда, уларга нисбатан ишончсизлик билдириш ва ушбу масалани кўриб чиқиш ваколатларини бериш ва бошқалар режалаштирилмоқда.

Buxoro.uz | Facebook | Instagram | YouTube

“Диёр янгиликлари” информацион дастурининг 4 январь сони асосий хабарлари билан танишинг:

— Байрам арафасида аҳоли дам олиш масканлари қуриб фойдаланишга топширилди;

— Бухоро шаҳрида янги йил байрами муносабати билан "дронлар шоуси" ташкил этилди;

— Қишлоқ хўжалигида "шўр ювиш" агротехник тадбирлари бошланди.

Buxoro.uz | Facebook | Instagram | YouTube

#Kun_hikmati

Сабр шундай ипки, уни узилди деб ўйлаганингизда у янада мустаҳкамланади. Энди камайди деганингизда, у янада кўпаяди.

Buxoro.uz | Facebook | Instagram | YouTube

ЯНГИЛИК: Пенсия тайинлаш учун онлайн ариза бериш хизмати ишга туширилди

☄️ Эндиликда пенсия ёшига етган фуқаролар уларга пенсия тайинланиши учун Ягона интерактив давлат хизматлари портали (ЯИДХП) орқали (онлайн) мурожаат қилишлари мумкин.

🗣 Ушбу хизматдан фойдаланиш учун ҳавола бу ерда

✅ Онлайн хизматдан фойдаланиш имкониятлари бўлмаган фуқаролар қўшимча равишда Давлат хизматлари марказига ташриф буюрган ҳолда пенсия тайинлаш учун мурожаат қилишлари мумкин.

✅ Шунингдек, фуқаролар пенсия тайинлашни сўраб Пенсия жамғармасининг туман (шаҳар) бўлимига мурожаат қилиш ҳуқуқлари ҳам сақланиб қолинмоқда.

Buxoro.uz | Facebook | Instagram | YouTube

❗️"Тез ёрдам" замонавий электромобиллар билан таъминланади

🏥 Ўзбекистонда тиббиёт муассасаларининг моддий-техник базасини мустаҳкамлаш ишлари мўлжалланмоқда.

🛠  “Аҳоли саломатлиги — 2030” стратегияси лойиҳасига кўра, бугунги кун ҳолатига таъмирталаб бўлган 980 та тиббиёт муассасасида босқичма-босқич қурилиш-таъмирлаш ишлари амалга оширилади.

🚰 Бирламчи бўғиндаги барча оилавий шифокор пунктлари, поликлиника ва шифохоналар таъмирланиб, филтрланган ичимлик суви билан тўлиқ таъминланади.

🚑 Тез тиббий ёрдам автомобилларининг 50 фоизи электромобиллар билан тўлдирилади. Бунда, 2024 йилдан бошлаб 2030 йилга қадар электромобилларни сотиб олиш муддатлари белгиланади. 

Buxoro.uz | Facebook | Instagram | YouTube

❗️20 январдан бошлаб юқори тезликда ҳаракатланувчи “Афросиёб” электропоездлари ҳамда “Шарқ”, “Насаф” ва “Ўзбекистон” тез юрар поездларининг чипталар нархи 20 фоизга ошади.

Бу ҳақда ташкилот ахборот хизмати маълум қилди.

Buxoro.uz | Facebook | Instagram | YouTube

#Диққат

❗️Эслатиб ўтамиз, 2024 йилнинг 15 январидан Бухоро вилоятида ичимлик суви таъминоти ва оқова сув хизматлар бўйича қуйидаги белгиланган янги тарифлар амалда қўлланилади:
 
Ичимлик суви (1 м3):
Аҳоли учун – 3100 сўм;
Иссиқлик таъминоти, диний ташкилотлар ва бошқалар учун – 3472 сўм;
Бюджет ташкилотлари учун – 7840 сўм;
Бошқа истеъмолчилар учун – 7840 сўм;
 
Техник сув (1 м3):
Аҳоли учун – 1500 сўм;
Бошқа истеъмолчилар учун – 1680 сўм;
 
Оқова сув хизмати (1 м3):
Аҳоли учун – 2800 сўм;
Иссиқлик таъминоти, диний ташкилотлар ва бошқалар учун – 3136 сўм;
Бюджет ташкилотлари учун – 5376 сўм;
Бошқа истеъмолчилар учун – 5376 сўм;
 
Шунигдек “Дамхўжа сув таъминоти” МЧЖ ичимлик суви таъминоти бўйича (1 м3):
Аҳоли ва сув таъминоти корхоналари учун – 650 сўм; (сув таъминоти корхоналари орқали)
Бошқа юридик истеъмолчилар учун – 1 500 сўм;

Buxoro.uz | Facebook | Instagram | YouTube