#Bilasizmi❓

Yer uchastkasiga meros qilib qoldiriladigan umrbod egalik qilish huquqini ro‘yxatdan o‘tkazish uchun quyidagi hujjatlar asos bo‘ladi:

▪️davlat hokimiyati organlarining yer uchastkasini berish to‘g‘risidagi qarori;

▪️meros qilib olish huquqi to‘g‘risidagi notarial idora tomonidan berilgan guvohnoma;

▪️auksion asosida sotib olinganligi to‘g‘risidagi davlat orderi.

🌐Telegram  🌐Instagram  🌐Facebook

#Bilasizmi❓

Uy-joyni kadastr qilgandan keyin yana qo‘shimcha qurilish ishlari amalga oshirilganda kadastr hujjatiga o‘zgartirish kiritiladimi?


✅ Kadastr hujjatlari tayyorlangan turar-joyda kelishilgan loyiha va belgilangan ruxsatnoma asosida qo‘shimcha qurilgan uy-joyni ham kadastr hujjatlarini rasmiylashtirish zarur bo‘ladi. Bunda mavjud kadastr pasportiga o‘zgartirish kiritilib, yangilab beriladi.

▪️Kadastr xizmatlariga to‘lanadigan belgilangan xizmat haqi faqat qo‘shimcha qurilgan (kadastr hujjatida mavjud bo‘lmagan) binolarning maydonidan kelib chiqib hisoblanadi. Shundan so‘ng qo‘shimcha qurilgan binoni foydalanishga qabul qilish dalolatnomasi rasmiylashtiriladi va ko‘chmas mulkka bo‘lgan huquq davlat ro‘yxatidan o‘tkaziladi.

🌐Telegram  🌐Instagram  🌐Facebook

#Bilasizmi❓

✅Quyidagi hollarda davlat xizmatlari ko‘rsatilganligi uchun yig‘imlar undirilmaydi:

🔹 kadastr pasportini rasmiylashtirishda:

🔺ko‘chmas mulk obyekti bo‘yicha birlamchi kadastr yig‘majildi (pasporti) mavjud bo‘lib, begonalashtirilganda yoki obyektda o‘zgarishlar (rekonstruksiya, qo‘shimcha va alohida qurilish) mavjud bo‘lmaganda;

🔺ko‘chmas mulk obyektining bir qismi begonalashtirilganda obyektning qolgan qismiga;

🔺rekonstruksiyasiz toifasi o‘zgarganda;

🔺kadastr yig‘majildi (pasporti) yo‘qolganda (yaroqsiz holga kelganda va ko‘chmas mulk obyekti ko‘rsatkichlari o‘zgartirilmasdan);

💠 ko‘chmas mulk obyektiga bo‘lgan huquqlar va ular bo‘yicha tuzilgan bitimlarni davlat ro‘yxatidan o‘tkazishda:

🔹fuqaroning familiyasi, ismi va otasining ismi o‘zgarganda;

🔹tadbirkorlik subyekti — yuridik shaxsning tashkiliy-huquqiy shakli va (yoki) firma nomi o‘zgarganda.

🌐Telegram  🌐Instagram  🌐Facebook

🇺🇿🇺🇿🇺🇿🇺🇿🇺🇿

Aholining uy-joy bilan taʼminlanish darajasi yuqori hudud

📊 2023-yil 1-yanvar holatiga koʻra, Oʻzbekiston Respublikasida bir kishining oʻrtacha uy-joy bilan taʼminlanishi 18,5 kv.m ni tashkil etdi. Hududlar orasida eng yuqori koʻrsatkich Xorazm (24,1 kv.m) va Navoiy (24,0 kv.m) viloyatlarida qayd etildi.

🏢Respublika boʻyicha jami kvartira (uy)lar sonida yakka tartibdagi uy-joylarning ulushi esa 2023-yil 1-yanvar holatiga koʻra, kvartira (uy)lar soni 7 301,2 ming taga yetib, shundan 79,9 foizi (yoki 5 836,7 ming ta) yakka tartibdagi uy-joylar ulushiga toʻgʻri keldi.

📎Mavzuga doir qo'shimcha ma'lumotlar:

▫️ O‘zbekistonda 1 kilometr kvadrat maydonga qancha aholi to‘g‘ri keladi?
▫️ Yurtimizda 84,8 % uy xo‘jaliklari hovlida yashaydi
▫️ Respublikamizda qancha uy (kvartira) bor?
▫️ Respublikamizda bajarilgan qurilish ishlari
▫️ Qurilish ishlari hajmida hududlar ulushi
▫️ 6 oyda 68,1 trln so‘mlik qurilish ishlari bajarilgan

#DavKadastrPalata #ma_lumot_o_rnida

Ijtimoiy tarmoqlardagi sahifalarimiz:
Telegram I Instagram I YouTube I Facebook I Twitter

#Bilasizmi❓

Huquqiy hujjatlar mavjud bo'lmaganda kadastr pasporti rasmiylashtiriladimi?

‼️ Yo‘q

✅ Ko‘chmas mulk obyektiga nisbatan mazkur mulkka oid huquqiy hujjatlar (yer ajratish qarori, oldi-sotdi shartnomasi, meros guvohnomasi, hadya shartnomasi) mavjud bo'lgan taqdirda Davlat xizmatlari markazi yoki my.gov.uz portali orqali kadastr hujjatini rasmiylashtirish uchun murojaat yo'llash mumkin.

📝 Murojaat yuborilgach ko‘chmas mulk obyektining kadastr hujjatlari rasmiylashtirilib, davlat ro’yxatidan o’tkaziladi.

🌐 Telegram 🌐 Facebook 🌐 Instagram

#Bilasizmi❓
#Huquqiy_asos

⚡️Ko‘chmas mulkka bo‘lgan huquqni davlat ro‘yxatidan o‘tqazish majburiydir

📝 Amaldagi qonunchilikka muvofiq, ko‘chmas mulk hisoblangan kadastr obyektlariga bo‘lgan huquqlar qonunchilikda belgilangan tartibda davlat ro‘yxatidan o‘tkazilishi lozim.

▪️Kadastr obyektlariga bo‘lgan huquqlarni davlat ro‘yxatidan o‘tkazish yuridik va jismoniy shaxslarning kadastr obyektlariga bo‘lgan huquqlari davlat tomonidan eʼtirof etilishi hamda tasdiqlanishining yuridik hujjatidir.

▪️Kadastr obyektlariga bo‘lgan huquqlarni davlat ro‘yxatidan o‘tkazish hujjatlar bilan tasdiqlangan axborotni davlat reyestrlariga kiritish yo‘li bilan amalga oshiriladi.

❗️Ko‘chmas mulk hisoblangan kadastr obyektlariga bo‘lgan huquqlarni davlat ro‘yxatidan o‘tkazish kadastr obyektlarining barcha mulkdorlari va kadastr obyektlariga doir boshqa huquq egalari uchun majburiydir.

🌐 Telegram 🌐 Facebook 🌐 Instagram

#Yer_nazorati
#Javobgarlik

📝Amaldagi qonunchilikka ko‘ra, sug‘oriladigan yerlarni o‘zboshimchalik bilan egallab olishga yo‘l qo‘ymaslik bo‘yicha yer egasi, yerdan foydalanuvchi yoki ijarachi tomonidan choralar ko‘rilmaganligi, shu jumladan yer uchastkasi o‘zboshimchalik bilan egallab olinganligi fakti to‘g‘risida vakolatli organlar xabardor etilmaganligi—

🔹fuqarolarga bazaviy hisoblash miqdorining yigirma baravari

🔹mansabdor shaxslarga — ellik baravari miqdorida jarima solishga sabab bo‘ladi.

🌐 Telegram 🌐 Facebook 🌐 Instagram

#Sayyor_qabul

🧷 Hurmatli Buxoro tumani fuqarolari hamda tadbirkorlari!

💬 Sizning kadastrga oid murojaatlaringizni ko‘rib chiqish maqsadida Davlat kadastrlari palatasi Buxoro viloyati boshqarmasi boshlig‘i Amriddin Toyirov hamda tumanning tizim mutasaddilari ishtirokida sayyor qabul o‘tkaziladi.

📆 Sayyor qabul kuni: 2023-yil 16-sentabr, soat 10:00 dan

📍Manzil: Buxoro viloyati, Buxoro tumani Oybek MFY binosida

☎️Qabulga yozilish uchun +998 65-221-01-88 telefon raqamiga murojaat qilishingiz mumkin.

🌐 Telegram 🌐 Facebook 🌐 Instagram

❔ IJTIMOIY SO'ROVNOMA.

❓ KADASTR XIZMATLARIDAN FOYDALANISHDA QANDAY IMTIYOZLAR MAVJUD?

🎞 Yuqoridagi savol bilan yurtdoshlarimizga yuzlandik.

Batafsil ma'lumotlarni va to'liq javobni video orqali bilib olishingiz mumkin.

🌐 Telegram | 🌐 Instagram | 🌐YouTube | 🌐 Facebook | 🌐 Web-sayt

#Infografika #Kadastr_pasporti
#Kadastr #Buxoro

💫 Davlat kadastrlari palatasi Buxoro viloyati boshqarmasi tuman, shahar filiallari tomonidan joriy yilning 4-14-sentabr kunlari davomida kadastr pasportini shakllantirish bo‘yicha amalga oshirilgan ishlar haqida infografik ma'lumot

🌐Telegram  🌐Instagram  🌐Facebook

#Bilasizmi❓

📝Hukumat qaroriga ko‘ra, ko‘chmas mulk obyektini kadastr hisobiga olish va kadastr yig‘majildini shakllantirish natijasida ko‘chmas mulk obyekti bo‘yicha elektron shaklda kadastr pasporti rasmiylashtiriladi.

💻 Ariza beruvchi kadastr pasportini olish uchun Davlat xizmatlari markaziga yoki YIDXP ro‘yxatdan o‘tadi.

🗂Ko‘chmas mulk obyektlarining turar joyga oid qismi bo‘yicha quyidagi muddatlarda amalga oshiriladi:

🔹ko‘p qavatli uydagi xonadon – 3 ish kunigacha;
🔺yakka tartibdagi turar joy – 5 ish kunigacha;

💰Kadastr yig‘majildi shakllantirilgandan so‘ng kadastr pasportini berish uchun to‘lov miqdori qiymati ko‘rsatilgan xabarnoma (invoys) Davlat xizmatlari markaziga yoki ariza beruvchiga elektron shaklda yuboriladi.

⏳Ariza beruvchi xabarnomani olgandan so‘ng 1 oy mobaynida to‘lov qiymatini to‘laydi.

🌐 Telegram 🌐 Facebook 🌐 Instagram

#Korrupsiyaga_qarshi_kurash

🔰 Korrupsiyaga oid huquqbuzarlik haqida Bosh prokuratura, Davlat xavfsizlik xizmati, Ichki ishlar vazirligi, Bosh prokuratura huzuridagi Iqtisodiy jinoyatlarga qarshi kurashish departamentiga xabar bergan yoki korrupsiyaga qarshi kurashishga boshqa tarzda koʻmaklashgan shaxslar BHMning 25 baravarigacha (8 mln 250 ming soʻm) miqdorida bir martalik pul mukofoti bilan ragʻbatlantiriladi.

🌐Telegram  🌐Instagram  🌐Facebook