🇺🇿🇺🇿🇺🇿🇺🇿 🇺🇿🇺🇿🇺🇿🇺🇿

🫥Hududlarda yer nazorati tadbirlari

➡️ Namangan viloyati Yangiqo‘rg‘on tumani “Zarbdor” MFY hududidan, huquqiy hujjatlarsiz o‘zboshimchalik bilan fuqaro tomonidan 0.02 gektar yer maydonini egallanib, atrofi poydevor beton bilan o‘rab olingani aniqlandi. Ushbu holat yuzasidan qonunbuzar shaxsga tushuntirish va yozma ogohlantirish berildi. Noqonuniy qurilishni bartaraf etib, yer maydoni asl holiga qaytarilishi taʼminlandi.

➡️ Buxoro viloyati boshqarmasi Peshku tuman bo‘limining yer nazorati inspektorlari tomonidan hududlarda olib borilgan nazorat tadbirlari davomida fuqaro tomonidan “Malishoyak” MFY hududidagi 250 kv.metr yer maydoni o‘zboshimchalik bilan egallab olinib, ruxsat beruvchi hujjatlarsiz, noqonuniy beton poydevor qurganligi aniqlangan. Tushuntirish ishlari natijasida ushbu noqonuniy qurilma fuqaro tomonidan ixtiyoriy ravishda bartaraf qilindi va yer maydoni dastlabki holatga qaytarildi.

➡️ Xorazm viloyati boshqarmasi Gurlan tumani inspektorlari tomonidan nazorat tadbirlari vaqtida "Vazir” qishlog‘i "Esabiy" mahallasi, qishloq xo‘jaligi xaritasining 622-qism konturida fuqaro tomonidan 192 kv.metr maydonida noqonuniy fundament qurish ishlari olib borilayotgani aniqlandi hamda holat fuqaroning o‘z hisobidan bartaraf qilindi.

➡️ Farg‘ona viloyati boshqarmasi Oltiariq tumani bo‘limi xodimlari nazorat tadbirlari vaqtida "Jonibek" MFY hududida fuqaro tomonidan o‘zboshimchalik bilan 200 kv. metr maydonda noqonuniy dala shiyponi qurib olingani aniqlandi. Shundan so‘ng, yer qonunbuzilishini sodir etgan shaxsga tushuntirish ishlari olib borildi hamda ushbu qurilma fuqaro tomonidan joyning o‘zida bartaraf etildi.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt